Bwaina te Ninikoria ao te Kakaonimaki ni Koaua n Aroni Benaia

Benaia bon te tia buaka ae ninikoria are e beku irouia Ueea aika Tawita ao Toromon. E ngae ngke bon natin te ibonga Benaia ao e aki taneiai ma bwaai ni buaka, ma e irira ana buaka Iehova. E kaota ninikoriana ae bati. N te katoto, e tiringa te raian n te mwarua n ran ao e kamatea naba te aintoa ae bwai ni buaka. E rangi n onimakina Benaia Tawita n te aro are e a karikia bwa te tia kairiri i aoia ana tautia ni kabane.—2Tam. 23:20-23.

E teimatoa ni kakaonimaki ni koaua Benaia nakon Tawita ngke a kakaaitara Abetarom ao Atoniia. (2Tam. 8:18; 15:18; 1Uea 1:8) Ngke e a kara Tawita, ao e boutokaa naba Benaia rikin Toromon bwa te uea. (1Uea 1:32-40) Eng, e kakaonimaki ni koaua Benaia nakon Iehova ao nakoia Ana kabiraki e ngae ngke a kaotia tabemwaang bwa a aki kakaonimaki ni koaua.

Ngaira naba ti kainnanoa te ninikoria ni buakana Tatan ao taani boutokaia. Ao ti riai ni motinnanoia bwa ti na kaboraoa maiura ma ana kaetieti Iehova. (IEbe. 6:11; 1Bet. 5:8, 9) E ngae ngke a rineia tabeman bwa a na kitana Iehova, ma ngaira ti kakaonimaki ni koaua nakoina, ma kakoauaan ae e na boni karekea kaniwangara.—2Tam. 22:26.