E “Reireinna te Ongeaba” Iesu

E ongeaba Iesu n taai nako iroun Iehova. (Ioa. 8:29) E aera ngkanne ngke e kangai te Baibara: “E reireinna te ongeaba mani baike e maraki iai”?—Ebera 5:8.

Ni menan Iesu n te aonnaba ao e rinanoni baika akea i karawa. E kaikawaaki irouia ana karo aika tangira Iehova ma a aki kororaoi. (Ruka 2:51) E karawawataaki irouia mataniwin Aaro aika buakaka ao kaain te tautaeka. (Mat. 26:59; Mareko 15:15) Irarikina, “e kananorinanoa ao e ongeaba ni kataua matena,” ae rangi ni kammaraki.—IBir. 2:8.

E reireinaki Iesu te ongeaba n te aro ae boou ni baika e rinanoi aikai, ae e aki reiakinna i karawa. E a kona ngkanne n riki bwa te Uea ae kororaoi ao te Ibonga ae Rietata ae e kona n nanoangaira. (Ebera 4:15; 5:9) E a kakawaki riki Iesu iroun Iehova imwin reiakinan te ongeaba mani baike e karawawataaki iai. Ti kona naba ngaira n rangi ni kakawaki iroun Iehova ao ni manena ni mwioko nako ake e anganira ngkana ti teimatoa n ongeaba i aani kangaanga aika ti rinanoi.—Iak. 1:4.