Tera Aroni Korakoran Onimakinan Ana Berita Iehova Iroum?

A kakoauaa Iotua ao Toromon bwa bon akea te taeka teuana ae bwaka man ana berita Iehova. (Iot 23:14; 1Ue 8:56) E a kamatoaaki riki aan te kateitei are ti katea iai ara onimaki, n aia kaotioti taani kakoaua aika uoman aika kona n onimakinaki aikai.​—2Ko 13:1; Tit 1:2.

E kangaa Iehova ni kakoroi bukin ana berita n ana bong Iotua? Mataku ma am utu n te taamnei ae, “E Aki Bwaka te Taeka Teuana.” Imwina, rinanoi titiraki aikai: (1) Ko na kangaa ni katotonga Raaba n ana mwakuri aika kaota ana onimaki? (Ebr 11:31; Iak 2:​24-26) (2) E kangaa ana katoto Akan ni kaotia bwa e kairiri nakon te kabuanibwai te nano n aki kan ongeaba? (3) E ngae ngke taani buaka mwaaneni Kibeon ma e aera ngke a mwamwanaa Iotua ao ni karekea te rau ma tibun Iteraera? (4) E kangaa ni koro bukin ana taeka Iehova ngke a kakamaakaki tibun Iteraera irouia ueea aika niman ake aia uea taian Amoraite? (Iot 10:​5-14) (5) Tera ae e a tia ni karaoia Iehova ibukim ngke ko moanibwaia Ana Tautaeka n Uea ma ana raoiroi?​—Mt 6:33.

Ngkai ti iaiangoi bwaai nako ake e a tia ni karaoi Iehova, te bwai ae e tabe ni karaoia, ao ae e na karaoia, e na kakorakoraa riki onimakinan ana berita iroura.​—Ro 8:31, 32.