BAIKA KAKAWAKI AIKA MENA N ANA TAEKA TE ATUA | IEREMIA 51-52
A Kokoro Bukin Ana Taeka ni Kabane Iehova
E taetae ni burabetini Iehova baike a na riki
Te tia katebe ae te tia kamanoa ueani Botia
“Taimi kanoan te kainikatebe”
Bon taani katebe aika mwaatai I-Miria ma I-Botia ao oin aia bwai ni buaka bon te kai ni katebe. A taimi wia n te aro bwa a na kai ribunako riki
“A a katoka aia buaka taani buaka mai Baburon”
E taekinaki aei n te Nabonidus Chronicle: “A taua Baburon kaain ana taanga ni buaka Tairati n akea buakanaia.” E bae n nanonaki iai ae akea te buaka i marenaia ao e boraoi ma ana taetae ni burabeti Ieremia
Te Nabonidus Chronicle
“E na riki Baburon bwa te bwariko n atibu [ao ni] kamaroaeaki n aki toki”
Ni moan 539 B.C.E., e a moanna ni kerikaaki kakannatoni Baburon. E iangoia Alexander te Kakannato bwa e na karika Baburon bwa kautun ana tautaeka ma e a karina naba ni mate. Ni moanakin aia tai Kristian ao a boni maeka naba iai I-Iutaia, are e a reke iai angan te abotoro Betero bwa e na nako Baburon. Ma n te kaaua n tienture C.E., e a urubekebeke te kaawa ao imwina riki ai bon akea