Tibwangara ae Kakawaki ae Katean ao Kateimatoaan Raoiroin Ara Tabo n Taromauri

E kainnanoa te mwakuri korakora ao te kabanemwane ae bati katean te tembora i Iteraera ngkoa. Ma a boutokaa te mwakuri aei ma te ingaingannano tibun Iteraera. (1Rong. 29:2-9; 2Rong. 6:7, 8) Imwin tian te tembora, ao e kaotaki korakoran ke mamaaran aia onimaki tibun Iteraera ni karaoan te onobwai. (2Uea 22:3-6; 2Rong. 28:24; 29:3) Ni boong aikai ao a kabanei aia tai ao korakoraia Kristian ni katei Taabo n Taromauri ao Taabo n Runga, ni kaitiakii, ao ni kateimatoai raoiroia. Mangaia are te mwakuri ma Iehova n aron aei, bon te tibwanga ae moan te kakawaki ao bon iteran naba ara beku iroun te Atua.​—TaiAre. 127:1; TeKao. 7:15.

TI KONA N UATABOIA MAN ARORA . . .

• 

  Ni kaitiaki ni katoatai imwin te botaki. Ngkana ko aki konaa, taraia bwa e na itiaki am tabo are ko mena iai.

• 

  N irira te kaitiaki ae baireaki ma onobwaian te Tabo n Taromauri. Baai aika bati a kabebetea te mwakuri ao a kakukurei naba.​—lv 105 ¶18.

• 

  N anga ara bwaintangira. E kukurei naba Iehova n te bwaintangira ae “uoua te maibibi ae uarereke kanoana” ae nako man te nano.​—Mareko 12:41-44.

• 

  N anganano ni buoka katean ao kaboouan auti ibukin Iehova, ngkana ti konaa. E aki kainnanoaki bwa ko na rabakau ni kateitei ngkana ko na ibuobuoki.