Te Kaetieti Ibukini Wikin Tun 8

Anene 96 ao Tataro

Te Reirei n te Baibara n te Ekaretia:

fy mwa. 11 ¶16-28, te bwaoki n i. 139 & 141 (30 min.)

Te Kuura ni Kataneiai Ibukia Taan Uarongorongo:

Wareware n te Baibara: 2 Tamuera 19-21 (8 min.)

Na. 1: 2 Tamuera 19:24-37 (3 min. ke i aana)

Na. 2: E na Toki n Ningai te Rawawata?—fg-i. 11 ¶1, 2 (5 min.)

Na. 3: Tera Arora ni Katauraoi ae Moan te Tamaroa Ibukin Ara Bobotaki?—jl-Reirei 9 ¶3, 4 (5 min.)

Te Botaki Ibukin te Uarongorongo:

Te Boto N Iango N Te Namwakaina: “Uringi Boong Ake Ngkoangkoa.”—TTK. 32:7, BG.

Anene 90

10 min: “Uringi Boong Ake Ngkoangkoa.” Te kabwarabwara man te boto n iango n te namwakaina aei. Wareka ao maroroakina Te Tua-Kaua 4:9 ao 32:7 n ikotaki naba ma Taian Areru 71:15-18. Kabwarabwaraa aroni kakabwaiaaia taan uarongorongo ni boong aikai, man uringaia aomata ao baike a riki man rongorongon ara botaki rimoa. Kaungaia taan uarongorongo bwa a na karekea aia tai ni maroroakini kaongora n te Taua-n-Tantani man “Rongorongora Rimoa” n aia Taromauri n Utu n te tairiki. Rinanoi tabeua kanoan te Botaki Ibukin te Uarongorongo n te namwakaina aei, ao maroroakin irekerekeia ma te boto n iango.

10 min: Bobotaki Aika Kakukurei Ake a Katoatai Karaoaia. Te maroro ae boto man te Taua-n-Tantani, Tebetembwa 1, 2012, iteraniba 31-32, barakirabe 15-19. Kaingaingaa te nano ibukin te bwabwaro n aono ae imwaira. Kaungaia bwa a na rinanon reirei ake ni kaetietin te bwabwaro ae reke n te jw.org.

10 min: “Karikirakean Rabakaura n te Mwakuri ni Minita—Moanakin te Reirei n te Baibara ma te Boroutia ae Te Rongorongo ae Raoiroi Mairoun te Atua! ni Moan Rokom n te Auti.” Te maroro iroun te mataniwi ibukin te mwakuri. Rinanoi waare aika kakawaki man ana ribooti te ekaretia ibukin te mwakuri, ae kaota aia konaa ni karekeia riki aika a reirei n te Baibara. E na karaoa te kaotioti temanna te tia uarongorongo ae mwaatai, i aoni waakinan te reirei ni moan rokona n te auti ma te katoto ae katauraoaki n te bwaoki. Kaungaia ni kabane bwa a na waakina te reirei n te Baibara ni moan rokoia n te auti.

Anene 29 ao Tataro