Karikirakean Rabakaura n te Mwakuri ni Minita—Te Uarongorongo Nakon Temanna ae Kaokoro Ana Taetae

Bukini Kakawakina: E tabeakin Iehova maiuia n taamnei aomata ‘mani botannaomata nako.’ (Mwa. 10:34, 35) Ngaia are, e katerea Iesu riain tataekinan te rongorongo ae raoiroi “n te aonnaba ni kabutaa,” ao “nakoia botannaomata ni kabaneia.” (Mat. 24:14) E burabetinna Tekaria bwa a na ongo aomata “mai buakon taetaeia botanaomata ni kabane.” (Tek. 8:23, BG) Ni kaineti ma ana miitara te abotoro Bauro, a na maiu naba n tain te rawawata ae korakora aomata aika “a nako mai buakoia botannaomata ma baronga ma natannaomata, ma taian taetae.” (TeKao. 7:9, 13, 14) N iangoan te bwai ae na riki anne, ti riai ni kataia n uarongorongo nakon temanna ae kaokoro ana taetae, are ti boo ma ngaia n ara aono.