Te Kaetieti Ibukini Wikin Tebetembwa 16

TE WIKI AE MOANAKI N TEBETEMBWA 16

Anene 21 ao Tataro

□ Te Reirei n te Baibara n te Ekaretia:

bh te Moantaeka ao mwa. 1 bar. 1-5 (30 min.)

□ Te Kuura ni Kataneiai Ibukia Taan Uarongorongo:

Wareware n te Baibara: 2 I-Korinto 1-7 (10 min.)

Na. 1: 2 I-Korinto 1:15–2:11 (4 min. ke i aana)

Na. 2: E Kanga I-Karatia 6:5 ao I-Biribi 1:10 n Irekereke ma te Kaakibotu?​—lv mwa. 6 bar. 12-15 (5 min.)

Na. 3: Tera ae E Riai ni Karaoia te Aomata Ibukin Onimakinan Aran Iehova?​—Teb. 3:12 (5 min.)

□ Te Botaki Ibukin te Uarongorongo:

Anene 41

15 min: Ngkana Tii Ngkoe ni Karaoa te Mwakuri ni Minita. Te maroro. (1) Tera ae e na buokira ni kateimatoa kimwareireira ngkana ti uarongorongo n akea toara? (2) Baikara kauring aika riai ngkana ti a manga okiriia aomata n tii ngaira? (3) Ngkana akea temanna ae e roko n te botaki ibukin te mwakuri ni minita n te bong are ti uataboa iai karaoana, ti na kanga ni kaungaia kaain te ekaretia ake tabeman bwa a na toa ma ngaira? (4) Baikara raoiroin rinean ae ti na uarongorongo n tii ngaira n te tai ao n te tabo ae e nakoraoi iai karaoana?

15 min: “N Ningai ae Ti Riai ni Manga Okiriia Iai Aomata Aika Kan Ongora?” Titiraki ma kaekaaia.

Anene 107 ao Tataro