Kamataataa Aroni Moanakin te Reirei n te Baibara n te Moani Kaonobong
Ni moa mani Mei 2011, ao a kaungaaki taan uarongorongo bwa a na kataia ni moana te reirei n te Baibara n te moani Kaonobong ni katoa namwakaina. Ibukini buokara ni karaoa anne, e a tia ni katauraoaki te kaongora ae atuna “Titiraki Aika Kaekaaki Man te Baibara” n Te Taua-n-Tantani ae te maekatin ibukia aomata nako. Mangaia are e riai ni kamatataaki aroni kabonganaan te kaongora aei ae katauraoaki ibukini moanakin te reirei n te Baibara, n te botaki ibukin te mwakuri ni minita ae karaoaki n te moani Kaonobong, ao e riai naba ni karaoaki iai te kaotioti ae kaota aroni moanakin te reirei n te Baibara.
A kona n rineia unimwaane bwa e na kaokoro aia tabo ni botaki kurubu nako ibukin te mwakuri ni minita n te moani Kaonobong, ke a kona n iangoia bwa a na ikotaki kurubu nako ao tao ni botaki n te Tabo n Taromauri. Ma ngkana a mwaiti ekaretia aika a kabongana te Tabo n Taromauri, akea te ekaretia ae riai ni bita te bong ae okoro aei ibukini moanakin te reirei n te Baibara nakon te bong teuana, tii ibukin ae a na bane ni botaki kurubu nako ibukin te mwakuri ni minita.