Te Kauring Ibukin te Kuura ni Kataneiai Ibukia Taan Uarongorongo
A na rinanoaki titiraki aikai n te Kuura ni Kataneiai Ibukia Taan Uarongorongo i nanoni wikin Aokati 26, 2013. E karinaki te bongi n namwakaina n titiraki nako aika katauraoaki ibukin te maroro, ibukini karaoan te ukeuke ni katauraoi ni katoa wiki.
1. Tera te reirei ae rangi ni kakawaki ae ti kona n reiakinna mairoun te Uea ae Erote, are e kukurei ni butimwaea te karaoiroaki ao te kamoamoaaki mairouia aomata? (Mwa. 12:21-23) [Turai 1, w08 1/5 i. 32 bar. 7]
2. A na kanga ni karekea kakabwaiaaia rooro n rikirake aika Kristian, n iaiangoan ao touani mwin ana katoto Timoteo? (Mwa. 16:1, 2) [Turai 8, w08 1/5 i. 32 bar. 10]
3. A kanga Akura ma Beritikira n anga aia ibuobuoki ma te tangira nakon Aboro, imwin ongoraean ana “taetae . . . ma te ninikoria” n te tinakoka i Ebeto? (Mwa. 18:24-26) [Turai 15, w10 1/6 i. 15 bar. 4]
4. Tera bukina ae riai man te Baibara irouia Ana Tia Kakoaua Iehova, bwa a na bubutii teia i matan te boowi ibukin inaomataia n uarongorongo? (Mwa. 25:10-12) [Turai 22, bt-E i. 198 bar. 6; w08 1/5 i. 32 bar. 15]
5. E kanga te abotoro Bauro n teimatoa ni kakaaei ana aanga n uarongorongo e ngae ngke e kabureaki i Rom, ao a kanga ana toro Iehova ni boong aikai ni kakairi n ana katoto? (Mwa. 28:17, 23, 30, 31) [Turai 29, bt-E i. 215-217 bar. 19-23; w12 1/1 i. 17 bar. 21]
6. Bukin tera ngkai e kabuakakaaki n te Baibara bwa bon te mwakuri ae e aki riai ao ni kammaira, mwakuri ni wene ni bure i marenaia aomata aika titeboo aroia n aron te mwaane ma te mwaane ao te aine ma te aine? (IRom 1:26, 27) [Aok. 5, g-E 1/12 i. 28 bar. 7; w04 1/5 i. 22, 23 bar. 6, 7]
7. E kanga “te kaboomwi, are e kabwakaaki boona irouni Kristo Iesu” n 33 C.E., ni kona ni kaitiaki “buure ake a karaoaki rimoa” imwaini kabwakaan te kaboomwi anne? (IRom 3:24, 25) [Aok. 5, w08 1/6 i. 29 bar. 6]
8. Tera te babaire ae tatangira are e katauraoia Iehova, ngkana a riki nakoira baika rangi ni kaminoa nanora n te aro are ti a babanga n tataroia? (IRom 8:26, 27) [Aok. 12, w08 1/6 i. 30 bar. 10]
9. Tera ae nanonaki n te kaungaunga ae “kam na akoakoiia iruwa n taai nako?” (IRom 12:13) [Aok. 19, w09 1/10 i. 11-12 bar. 12-13]
10. Ti na kanga ni “karina aroaron te Uea ae Iesu Kristo” n aron are e kaumakira iai te abotoro Bauro? (IRom 13:14) [Aok. 26, w05 1/2 i. 14-15 bar. 20-22]