Te Kaetieti Ibukini Wikin Beberuare 4

TE WIKI AE MOANAKI N BEBERUARE 4

Anene 70 ao Tataro

□ Te Reirei n te Baibara n te Ekaretia:

cl mwa. 21 bar. 16-21, te bwaoki n i. 217 (30 min.)

□ Te Kuura ni Kataneiai Ibukia Taan Uarongorongo:

Wareware n te Baibara: Mataio 22-25 (10 min.)

Na. 1: Mataio 23:25-39 (4 min. ke i aana)

Na. 2: Ti Kona n Onimakina Mataniwin Nanora n Taai Nako?​—lv mwa. 2 bar. 8-11 (5 min.)

Na. 3: Baikara Katoto Man te Baibara Aika A Kabwarabwaraa te Wanawana ae Taekinaki n Taeka N Rabakau 3:5? (5 min.)

□ Te Botaki Ibukin te Uarongorongo:

Anene 37

10 min: Iango Tabeua Ibukin Tibwaakin te Maekatin ni Beberuare. Te maroro. Kabanea 30 nakon 60 te tekan n taekina bukina ae a na anaaki iai nanoia kaain am aono n te maekatin. Imwina, kabongana atun Te Taua-n-Tantani ni kaoia kaain te botaki bwa a na taekin titiraki aika kakaongora ao a na taekin naba kiibu aika a na kabonganai n aia maroro. Karaoa ae aron naba anne n te kaongora riki teuana man te maekatin anne. Karaoa te kaotioti ni kaota aron tibwaakin te maekatin.

10 min: Buokara Man te Maekatin Ibukin te Reirei ae Te Taua-n-Tantani ae Katoa Namwakaina. Maroroakina kanoan te maekatin ao kaoia kaain te botaki bwa a na taekina aron te maekatin aei ni kaungai nanoia kaain te ekaretia.

10 min: Kainnanon te Ekaretia.

Anene 95 ao Tataro