Te Kaetieti Ibukini Wikin Ritembwa 10

TE WIKI AE MOANAKI N RITEMBWA 10

Anene 32 ao Tataro

□ Te Reirei n te Baibara n te Ekaretia:

cl mwa. 19 bar. 1-8 (30 min.)

□ Te Kuura ni Kataneiai Ibukia Taan Uarongorongo:

Wareware n te Baibara: Tebania 1–Akai 2 (10 min.)

Na. 1: Akai 1:1-13 (4 min. ke i aana)

Na. 2: A Aki Karaoaki Taian Rekenibong ao te Kiritimati Irouia Kristian Rimoa​—td 6A (5 min.)

Na. 3: Ti na Ataa ae Bati Riki Ibukin Iehova, Ngkana Ti Karekea Iroura Ana Iango Kristo​—Mat. 11:27 (5 min.)

□ Te Botaki Ibukin te Uarongorongo:

Anene 107

15 min: Te Kuura ni Kataneiai Ibukia Taan Uarongorongo Ibukin 2013. Te kabwarabwara mairoun te mataniwi ibukin te kuura. Kabongana te kaetieti ibukin te Kuura ni Kataneiai Ibukia Taan Uarongorongo ibukin 2013, ni maroroakin iai baika kainnanoaki kauringaaia n ara aono. Kaungaia ni kabane bwa a na karaoa aia kabanea n tamaroa ibukini kakororaoani mwiokoaia, katauraoan aia taeka i aoni baika kakawaki man te Baibara, ao maiuakinani baike a taekinaki n te boki ae te Ministry School ae kakaraoaki ni katoa wiki.

15 min: “Karekea te Rau ma Aomata ni Kabane.” Titiraki ma kaekaaia. Karaoi uoua kaotioti aika kimototo, ae te moan e kaota te aro ae aki riai ni kaekaani kaain te auti ae kauntaeka, ao te kauoua e kaota te aro ae riai ni kaekaani kaain te auti ae kauntaeka.

Anene 39 ao Tataro