Te Kaetieti Ibukini Wikin Ritembwa 12
TE WIKI AE MOANAKI N RITEMBWA 12
Anene 43 ao Tataro
□ Te Reirei n te Baibara n te Ekaretia:
cl mwa. 2 bar. 10-18 (25 min.)
□ Te Kuura ni Kataneiai Ibukia Taan Uarongorongo:
Wareware n te Baibara: Itaia 6-10 (10 min.)
Na. 1: Itaia 6:1-13 (4 min. ke i aana)
Na. 2: Ngkana E Kaokoro Am Aro ma Am Karo—fy i. 134 bar. 16–i. 135 bar. 19 (5 min.)
Na. 3: Bukina ae Akea Iai Kabwakan te Tangira—1 Kor. 13:8; 1 Ioa. 4:8 (5 min.)
□ Te Botaki Ibukin te Uarongorongo:
Anene 36
5 min: Kaongora.
15 min: Te Kuura ni Kataneiai Ibukia Taan Uarongorongo Ibukin 2012. Te kabwarabwara mairoun te mataniwi ibukin te kuura. Maroroakini baika kainnanoaki kauringaaia n ara aono, man te kaetieti ibukin 2012. Kauringa taben te tia anga te reirei n ibuobuoki. Kaungaia ni kabane bwa a na anga aia kabanea n tamaroa ibukini kakororaoani mwiokoaia, katauraoan aia taeka i aoni baika kakawaki man te Baibara, ao kamanenaakin aanga n ibuobuoki ake e taekin te mataniwi ibukin te kuura ae boto i aon te boki ae te Ministry School.
15 min: “Ti Riai n Tauraoi n Uarongorongo n Taai Nako.” Titiraki ma kaekaaia. N rinanoani barakirabe 2, maroro n te aro ae kimototo ma te tia uarongorongo ae mwaatai n uarongorongo n te tai ae aki baireaki. Kaoia bwa e na kabwarabwaraa arona ni moantaai ni katauraoi, ao e na karakina te bwai ae e a tia n rinanona.
Anene 135 ao Tataro