KAONGORA IBUKIN TE REIREI

E na kabwarabwaraaki n te kaongora aei tabeua bukina ngkai a bati aika a iangoia bwa e a reke te koaua irouia Ana Tia Kakoaua Iehova. Ti na maroroakini bukina tabeua ngkai a kakoauaa raoi taani Kakoaua bwa e a reke irouia te koaua.

E reke te rawawata ni maekanakin ana aonnaba Tatan. Titeboo kataaki tabeua ma waaki n totoko aika otara nakon ara onimaki, ao ake tabeua a bon aki otara riki. Ti na buokaki n te kaongora aei bwa ti na atai baikai ao ni katauraoira imwain ana waaki n totoko Tatan aikai.

Bon tabeia kaaro bwa a na kaikawaia natiia “i nanon ana reirei ni kaetieti Iehova, ao [ni] kaboraoi aia iango ma ana iango.” (I-Ebeto 6:4) E maroroakinaki n te kaongora aei bwaai aika tenua ake a kona ni karaoi bwa a na riki iai bwa taani kawakintiibu ni kaineti ma te onimaki ibukia natiia aika tabe n rikirake.

E kangaa n riki te mate bwa iriani maiuia aomata? E na kangaa ni “kamaunaaki te tia kairiribai are te kabane are te mate”? (1 I-Korinto 15:26) Nori kaekaaia aika a kabwarabwaraaki iai ana kaetitaeka ae riai Iehova, wanawanana ao ai moarara riki ana tangira.

Iai ana toro Iehova aika kakaonimaki i nanon te tai ae maan ake a a tia ni kabwanina aia tai ni beku ibukina, n aki ongei kangaanga ibukini karaoan anne n te waaki ae ngkai. Tera ae ti kona ni karaoia bwa ti aonga n ‘iaiangoi aia mwakuri aika nako man aia onimaki ao aia bekutata ae kairaki n te tangira’?​—1 I-Tetaronike 1:3.