KAONGORA IBUKIN TE REIREI

KAONGORA IBUKIN TE REIREI

▪ Kakororaoa Am Beku Ngkai te Tia Tataekina te Euangkerio Ngkoe

Tera ae nanonaki n te riki bwa te tia tataekina te euangkerio? E na kaekaaki te titiraki anne n te kaongora aei ao ni kaota bukini kainnanoan te rongorongo ae raoiroi irouia aomata. E na kabwarabwaraa naba arora ni kona n tokanikai ni kakororaoani mwiokoara ae taan tataekina te euangkerio.

▪ Ko “Ingainga ni Kani Karaoi Mwakuri Aika Raraoi”?

E na rinanoaki n te kaongora aei aanga aika uoua ake a a atikaki iai nanoia aomata nakon te Atua ngkai ti “ingainga ni kani karaoi mwakuri aika raraoi.” (Tito 2:14) Te anga teuana boni man ara mwakuri n uarongorongo. Are teuana riki boni maiuakinan aroarora aika a kakukureia te Atua.

▪ Kateimatoa Am Mare Rinanon te Maroro ae Raoiroi

▪ Kaaro, Ataei Maroro ma te Tangira

E kakawaki te maroro ae raoiroi ibukia taanga ni mare bwa a aonga ni karekea te mare ae kakukurei ao te maiu n utu ae kakimwareirei. E kaotaki n te moani kaongora aroaro ake a kona ni buokira bwa ti na maroro n te aro ae nakoraoi. E kaotaki n te kauoua ni kaongora arora ake ti riai ni karaoi bwa ti na tokanikai i aoni kangaanga ni kaineti ma te maroro i marenaia kaaro ao ataei.

▪ Kawakina Tibwangam Mani Karaoani Motinnano ma te Wanawana

Tera te tibwanga mairoun te Atua ae katauraoaki ibukia Kristian? Tera reireiara ibukin tibwangara man ana katoto ni kauring Etau? Baikara bwaai n ibuobuoki ake a na kona ni buokira bwa ti na karaoi motinnano ma te wanawana ni kaineti ma tibwangara? A na kaekaaki titiraki aikai n te kaongora aei..