Angareirei n te Aro ae Bebete

Te Baere E Karaoia Iesu

TAAMNEI: Ana Kaikonaki Iesu Ibukin Tabeakinara Iroun Tamara

1. Mataku n te TAAMNEI, ke wareka Mataio 6:25-27. Imwina ao nori titiraki aikai:

1. E kangaa Iesu ni kaikonaka tabeakinara iroun Iehova?

2. E ngae ngke e atai baika bati Iesu ibukia mannikiba, ma tera kabwarabwaraana ae kai ataaki are e kaatuua taekana? E aera bwa e uaana te anga aei?

Tera Reireiara Mairoun Iesu?

2. Ngkana ti angareirei n te aro ae bebete, a na ururinga te baere ti angareirei iai aomata ao ti na ringi nanoia.

Kakairi Iroun Iesu

3. Tai kabatiaa te taetaenikawai. N oneani mwin are ko na taekini bwaai ni kabane aika ko atai ibukin te reirei teuana, tii taekina kanoan te kaongora are n te boki are ko reirei iai. Ngkana ko tia n tabeka te titiraki, tataningaa ana kaeka am reirei ma te taotaonakinnano. Ngkana e aki ataa te reke ke e kaota ana iango ae kaaitarai ana reirei te Baibara, tabeki titiraki riki tabeua ni kamataataa te reirei. Ngkana e a ota n te reirei ae kakawaki, nakon are imwina.

4. Buoka am reirei bwa e na kairekerekei reirei aika boou ma baike e a kaman atai. N te katoto, imwain ae ko moana te reirei i aon te mangauti, ko kona ni kauringa teutana te baere e a tia n reiakinna am reirei ibukia maate.

5. Kabonganai raoi kaikonaki. Imwaini kabonganaan te kaikonaki teuana, titirakiniko aei:

1. ‘E bebete te kaikonaki anne?’

2. ‘E na kai ota iai au reirei?’

3. ‘E na buokaki iai n uringa te reirei ae kakawaki ao tiaki tii te kaikonaki?’