Te Kaongora Ibukia Naake A Kaea te Botaki

TAAN IBUOBUOKI A mwiokoaki naakai bwa a na buokiko. Taiaoka n ibuobuoki ma ngaiia n iri aia kaetieti ma te tabo ibukini kateani kaa, taabo n rin ao n otinako, taabo n tekateka, ao bwaai riki tabeua.

TE BWABETITO A na tauaki taabo n tekateka mai moa ibukia taani bwabetitoaki ngkana akea te tabo ae katukaki ibukia. A riai n tekateka n te tabo aei naake a na bwabetitoaki imwaini moanakin te kabwarabwara ibukin te bwabetito n te Kaonobong. A riai n uotii aia taara ao oneaia ni bwabetito ae riai.

BWAINTANGIRA E bati te mwane ae kabaneaki ibukini katauraoan taabo n tekateka aika raoiroi, bwaai n taetae, bwaai n taamnei, ao bwaai riki tabeua ibukini kanakoraoan te bwabwaro bwa e na kakukurei ao ni buokira ni kaniia Iehova. A na rangi n ibuobuoki ami bwaintangira ibukini kaitaraani kabanemwane aikai ao boutokaan naba te mwakuri ni katobibia te aonnaba. Ibukini buokam, iai bwaoki i nanon te tabo ni botaki aei ibukini bwaintangira. Ko kona naba ni bwaintanira rinanon te intanete i aan donate.jw.org. Te kakaitau ae bati ibukini bwaintangira ni kabane ao e kaitauingkami te Rabwata n Tautaeka ibukin nanomi n tituaraoi ni boutokaa te mwakuri ibukin te Tautaeka n Uea.

TE MOANI KAKAMAIU Taiaoka n uringnga bwa aei bon tii ibukini kabuanibwai aika karina.

BWAAI AIKA BUA AO BWAAI AIKA KUNEAKI A riai n uotaki bwaai ni kabane aika kuneaki nakon te tabo are e tabe ma bwaai aika bua ao bwaai aika kuneaki (Lost and Found Department). Ngkana iai am bwai ae bua, kawara te tabo aei ni kakaaea iai am bwai. A riai naba n uotaki nako ikai ataei aika maenako ma aia karo ke a bua. Ma e riai n aki iangoaki bwa te tabo ibukin tararuaaia ataei. Taiaoka n taraia raoi bwa a na mena i rarikimi natimi.

TAABO N TEKATEKA Taiaoka ni mutiakinia aomata. Uringnga bwa a na tii tauaki kaintekateka ibukia kaain am utu ao raom ni mwananga ake ko airi ma ngaiia, kaain am auti, ke naake ko reirei ma ngaiia n te Baibara. Taiaoka n aki katikui bwaai tabeua n taabo n tekateka ake ko aki tekateka iai.

TAAN ANGANANO N IBUOBUOKI Ngkana ko kan anga nanom n ibuobuoki n te mwakuri ae waakinaki ibukin te bwabwaro, taiaoka ni kawara te tabo are e tabe ma rongorongo ao te anganano n ibuobuoki (Information and Volunteer Service Department).

TE BOOWI AE OKORO

Te Kuura Ibukia Taan Uarongorongoa te Tautaeka n Uea

A kaoaki bwaiania ake iai nanoia ni kani karababaa aia mwakuri ni minita ao ni mena aia ririki i marenan 23 ao 65, bwa a na kaea te boowi ibukin te Kuura Ibukia Taan Uarongorongoa te Tautaeka n Uea are e na boo ni bwakantaain te Taabati. E na katanoataaki te tai ao te tabo ibukin te boowi aei.