Reirei 8

Antai Ana Kairiribai te Atua?

Ana kabanea ni kairiribai te Atua bon Tatan te Riaboro. Ngaia te aomata ae te taamnei ae karitei nakon Iehova. E reitanako unna Tatan ni kaitaraa te Atua, ao e karekei kangaanga aika bati nakoia aomata. Tatan e rangi ni buakaka. Boni ngaia te tia kewe ao te tia tiritiri.​—Ioane 8:44.

Te koraki n aomata ake taamnei tabeman a irana Tatan n ana karitei nakon te Atua. Te Baibara e arania bwa taimonio. Taian taimonio a riribaia aomata, n aron naba Tatan. A tangiria ni kani kammarakiia aomata. (Mataio 9:32, 33; 12:22) Iehova e na kamaunanakoia Tatan ma ana taimonio n aki toki. Ai tii teutana riki aia tai ni karekea te kangaanga nakoia aomata.​—Te Kaotioti 12:12.

Ngkana ko kan riki bwa raoraon te Atua, ko aki riai ni karaoa ae e tangiria Tatan. Tatan ao taian taimonio a riribaa Iehova. Boni ngaiia ana kairiribai te Atua, ao a tangiria ni karikiko naba bwa ana kairiribai te Atua. Ko riai n rineia bwa antai ae ko tangiria ni kakukureia​—Tatan ke Iehova. Ngkana ko tangira te maiu are aki toki, ko riai n rineia bwa ko na kakaraoa nanon te Atua. E rangi ni bati ana anga ni kamwane ao ni burebureia aomata Tatan. Angiia aomata a a tia ni kababaaki irouna.​—Te Kaotioti 12:9.