Reirei 2

Te Atua Boni Ngaia Raoraom Ae Te Kabanea N Raoiroi Ae Akea N Ai Arona

Raoraonakin te Atua bon te bwai ae te kabanea n tamaroa ae e kona n riki nakoim. Te Atua e na reireiniko arom ae ko na kukurei ao ko na mano iai; e na kainaaomatako man koaua aika kairua aika mwaiti; ao mwakuri aika bubuaka. E na ongora n am tataro. E na buokiko n anganiko te rau n nano ao te mweengaraoi. (Taian Areru 71:5; 73:28) Te Atua e na tabeakiniko inanon am tai n reke n te kangaanga. (Taian Areru 18:18) Ao e na kona n reke ana bwaintangira te Atua iroum, are te maiu are aki toki.​—I-Rom 6:23.

Ngkai ko a tabe ni kaania riki te Atua, ko a tabe naba ni kaan ma raoraon te Atua tabeman. A na riki bwa raoraom naba. Ni koauana, kaanga a na riki n ai aroia tarim ma mwanem. A na kukurei n reireiniko taekan te Atua, ao a na buokiko ao ni kaungako naba.

Ti aki boraoi ma te Atua. Ngkai ko a tabe ni kaea te iraorao ma te Atua, ko riai ngkanne n oota n te koaua ae e rangi ni bongana aei. Te iraorao ma te Atua bon tiaki te iraorao imarenaia te koraki aika tii teboo aroaroia. E a bon rangi n ikawai riki mani wanawana ao e korakora riki nakoira. Boni ngaia te tia Tautaeka ae riai i aora. Ma ngaia are ngkana ti kan riki bwa raoraona, ti riai n ongo irouna ao ni karaoi bwaai ake e tuangira bwa ti na karaoi. Aio ae e nakoraoi n taai nako ibon ibukira.​—Itaia 48:18.