1 Rongorongo
19 Imwina riki ao e a mate Naati are aia uea tibun Ammon, ao e a riki natina te mwaane bwa te uea n onea mwina.+ 2 Ngaia are e taku Tawita: “N na kaotiota nakon Anun are natin Naati te tangira ae koaua,*+ ibukina bwa e kaotiota nakoiu tamana te tangira ae koaua.”* Mangaia are e a kanakoia taan uataeka Tawita bwa a na kabebetea nanon teuaei ibukini buan tamana. Ma ngke a a rin ana toro Tawita i abaia tibun Ammon+ bwa a na kabebetea nanon Anun, 3 ao a taku aia mataniwi tibun Ammon nakon Anun: “N am iango e karinea tamam Tawita ngkai e kanakoia taani karaunano nakoim? Ao tiaki n ae a roko iroum ana toro bwa a na karaoa raoi aia kakaae bwa a na kabwakako, ao a na karaba n tuoa te aba?” 4 Ao Anun e anaiia ana toro Tawita ao e imani buaia+ ao e korouai aia kunnikai mai nukaia ni karokoa aoni bukia, ao e kanakoia. 5 Ngke e kaongoaki Tawita taekaia nakekei, ao e aki tabwara ma e a kanakoia naba temwangina bwa a na kawariia, ibukina bwa a a rangi ni bwaibwainrang mwaane akekei, ao e tuangia ni kangai te uea: “Tiiku i Ieriko+ ni karokoa manga rikini buaimi, ao imwina kam a oki.”
6 Imwina riki ao a a ataia tibun Ammon bwa a a ribaaki iroun Tawita, ngaia are a a kanakoa 1,000 te tarena* n tirewa Anun ma tibun Ammon bwa a na kabooi tangoani kaa ni buaka ma taan toka i aoia aoti mai Metobotamia,* Arammaaka, ao Tobaa.+ 7 Mangaia are a kabooi tangoani kaa ni buaka aika 32,000 n ikotaki ma ueani Maaka ao ana aomata. Ao a a roko ao a kaembwa i moani Meteba.+ Ao a ikotaki tibun Ammon man aia kaawa nako, ao a otinako ibukin te buaka.
8 Ngke e ongo taekan aei Tawita, ao e kanakoa Ioaba+ ma kaain te taanga ni buaka ni kabane, n ikotaki ma ana tia buaka ake taiani kabanea ni korakora.+ 9 Ao a otinako tibun Ammon ao a baireiia raoi ni baireaia taani buaka i rarikini mataroan te kaawa, ngke a mena i bon irouia n te tawaana ueea ake a roko.
10 Ngke e noria Ioaba bwa a a ienikuri tautia n roko bwa a na buakanna mai moa ao mai buki, ao e a rineiia naba tabeman mai buakoia kaain te taanga ni buaka aika taiani kabanea ni mwaatai i Iteraera, ao e baireiia bwa a na kaaitaraia I-Turia.+ 11 E katikuia mwaane ake nikiraia i aan ana kairiri* tarina are Abitiai,+ bwa a na baireiia raoi bwa a na kaaitaraia tibun Ammon. 12 Ao e taku: “Ngkana a a rangi ni korakora riki nakoiu I-Turia,+ ko riai ngkanne n roko ni kamaiuai, ma ngkana a a rangi ni korakora riki nakoim tibun Ammon, ao N na kamaiuko. 13 Ti riai ni kakorakoraira ao ni kaninikoriaira+ ibukia ara aomata ao ibukin ana kaawa nako Atuara, ao Iehova e na karaoa ae taku bwa e raoiroi.”
14 Ao e keerake Ioaba ma ana rorobuaka bwa a na buakania I-Turia, ao a a birinako mai mwaina.+ 15 Ngke a noria tibun Ammon bwa a birinako I-Turia, ao a a manga birinako naba mairoun Abitiai are tarina ao a rinnako n te kaawa. Imwin anne ao e a oki nako Ierutarem Ioaba.
16 Ngke a noria I-Turia bwa a konaaki irouia tibun Iteraera, ao a kanakoia taan uataeka bwa a na weteiia I-Turia ake n aonon te Karaanga,*+ ao e kairiia Tiobaaka are mataniwin ana taanga ni buaka Atatetera.+
17 Ngke e a kaongoaki Tawita aei, ao e aki tabwara ma e a ikotiia naba tibun Iteraera ni kabane ao a rinanon te Ioretan nakon iterana are teuana nakoia, ao a a roko ao a baireiia raoi bwa a na kaaitaraia nakekei. E baireiia ana taani buaka Tawita ni baireaia taani buaka bwa a na kaaitaraia I-Turia, ao a a buakanna naba nakekei.+ 18 Ma a birinako I-Turia mairouia tibun Iteraera, ao Tawita e kamateia 7,000 taan toka i aon te kaa ni buaka ao 40,000 tautia aika taan ririanna, mai buakoia I-Turia, ao e kamatea Tiobaaka are mataniwin te taanga ni buaka. 19 Ngke a a noria ana toro Atatetera bwa a konaaki irouia tibun Iteraera,+ ao a waekoa ni karekea te raoi ma Tawita ao a a riki bwa ana toro,+ ao I-Turia a a aki kani manga buokiia riki tibun Ammon.