Dè th’ anns an Aiseirigh?

Freagairt a’ Bhìobaill

Anns a’ Bhìoball, tha am facal “aiseirigh” a’ tighinn bho facal Greugais a·naʹsta·sis, a tha a’ ciallachadh “a’ togail suas” no “a’ seasamh suas a-rithist.” Tha cuideigin a tha air aiseirigh fhaighinn air a bhith a thogail bho marbh gu beatha mar a bha e roimhe.​—1 Corintianaich 15:12, 13.

Ged nach eil am facal “aiseirigh” anns na Sgriobtaran Eabhraise, gu tric air ainmeachadh An Seann Tiomnadh, tha an teagasg ann. Tro am fàidheadair Hosèa mar eisimpleir, gheall Dia: “Fuasglaidh mise iad o chumhachd na h-uaighe: saoraidh mi iad on bhàs.”​—Hosea 13:14; Iob 14:13-​15; Isaiah 26:19; Daniel 12:​2, 13.

Càite an tachair an aiseirigh? Bidh feadhainn air a togail gu beatha ann an nèamh gus riaghladh mar rìghrean le Crìost. (2 Corintianaich 5:1; Taisbeanadh 5:​9, 10) Tha seo air ainmeachadh “a’ chiad aiseirigh” anns a’ Bhìobaill agus tha e a’ ciallachadh gu bheil aiseirigh eile ri thighinn. (Taisbeanadh 20:6) Bidh an t-aiseirigh eile seo air an talamh far am bi a’ chuid mhòr de dhaoine a’ tighinn air ais gu beatha aoibhneach.​—Salm 37:29.

Ciamar a thachras an aiseirigh? Tha Dia a’ toirt cumhachd do Ìosa gus na mairbh a thogail gu beatha. (Eòin 11:25) Bidh Ìosa ag ath-aiseag “na h-uile a th’ anns na tuaman” gu beatha, gach neach le dearbh-aithne, pearsantachd agus cuimhneachan sònraichte. (Eòin 5:​28, 29) Gheibh iad a tha air an togail gu beatha ann an nèamh corp spioradail, ach gheibh iad a tha air an togail gu beatha air an talamh corp fiosaigeach, buileach fallain.​—Isaiah 33:24; 35:​5, 6; 1 Corintianaich 15:42-​44, 50.

Cò a gheibh aiseirigh? Tha Am Bìoball ag ràdh “gum bi aiseirigh ann, an dà chuid dhe na fìreanan is dhe na neo-fhìreanan.” (Gnìomhan 24:15) Am measg an fhìreantach bidh leithid Nòah, Sàra agus Abrahàm. (Genesis 6:9; Eabhraich 11:11; Sheumais 2:​21) Tha na neo-fhìreantach a’ gabhail a-staigh an fheadhainn nach robh beò a rèir ìrean Dhè ach aig nach robh an cothrom ionnsachadh mu dheidhinn ìrean Dhè agus an leantainn.

Chan fhaigh iad a bha cho olc gun robh iad thar ath-leasachadh aiseirigh ge-tà. Nuair a bhàsaicheas daoine mar seo, gheibh iad sgrios maireannach às aonais dòchas an aiseirigh.​—Mata 23:33; Eabhraich 10:26, 27.

Cuin a thachras an aiseirigh? Ro-dh’innis Am Bìoball gun thachras an aiseirigh gu nèamh rè làthaire Chrìost, a thòisich ann an 1914. (1 Corintianaich 15:21-​23) Bidh an aiseirigh gu beatha a’ tachairt rè Rìoghachadh Mìle Bhliadhna Chrìost, nuair a bhios an talamh a’ tionndadh gu Pàrras.​—Lùcas 23:43; Taisbeanadh 20:​6, 12, 13.

Carson a tha creideamh anns an aiseirigh reusanta? Tha Am Bìoball a’ toirt cunntasan mionaideach air naoi aiseirighean, le gach aiseirigh dearbhte le sùil-fhianais. (1 Rìgh 17:17-​24; 2 Rìgh 4:​32-​37; 13:20, 21; Lùcas 7:​11-​17; 8:​40-​56; Eòin 11:38-​44; Gnìomhan 9:​36-​42; Gnìomhan 20:​7-​12; 1 Corintianaich 15:​3-6) Bha an aiseirigh aig Làsaras a rinn Ìosa air leth sònraichte, air sgàth ’s gun robh Làsaras marbh fad ceithir làithean agus rinn Ìosa am mìorbhail air beulaibh sluaigh. (Eòin 11:39, 42) Cha b’ urrainn fiù ’s na nàimhdean Ìosa fìrinn na cùise àicheadh, mar sin, rinn iad innleachd airson Ìosa agus Làsaras a mharbhadh.​—Eòin 11:47, 53; 12:​9-​11.

Tha Am Bìoball a’ sealltainn gu bheil an comas agus am miann aig Dia airson na mairbh a thogail air ais gu beatha. Anns a’ chuimhne neo-chrìochnach aige, bidh e a’ cumail cunntas sònraichte de gach neach a gheibh aiseirigh leis a spionnadh uile-chumhachdach. (Iob 37:23; Mata 10:30; Lùcas 20:37, 38) Is urrainn do Dhia na mairbh a thogail air ais gu beatha, agus tha fadachd aige sin a dhèanamh! Le mìneachadh an aiseirigh ri thighinn, tha Am Bìoball ag ràdh mu dheidhinn Dia: “Air obair do làmh bidh dèidh agad.”​—Iob 14:15.

Mì-thuigsinn mu dheidhinn an aiseirigh

Mì-thuigsinn: ’S e ath-chruinneachadh den anam agus an corp a th’ ann an aiseirigh.

Fìrinn: Tha Am Bìoball a’ teagasg gu bheil an t-anam an duine gu lèir, chan e rudeigin a tha mhaireas bàs. (Genesis 2:7, Eseciel 18:4) Ma tha cuideigin a’ faighinn aiseirigh, chan eil e aonaichte ris an anam ach bidh e air ath-chruthachadh mar anam ùr beò.

Mì-thuigsinn: Bidh feadhainn a’ faighinn aiseirigh agus sgriosadh sa bhad.

Fìrinn: Tha Am Bìoball ag ràdh gum bi “iadsan a tha a’ dèanamh droch rudan” a’ faighinn “aiseirigh an dìtidh.” (Eòin 5:​29) Gheibh iad breitheanas a rèir na rudan a nì iad às dèidh aiseirigh agus chan ann ro làimh ge-tà. Thuirt Ìosa: “Nuair a chluinneas na mairbh guth Mac Dhè, agus iadsan a chluinneas, bidh iad beò.” (Eòin 5:​25) Bidh na h-ainmean aig an fheadhainn a tha ag èisteachd gu umhail ris na rudan a dh’ionnsaicheas iad às dèidh aiseirigh air an clàradh san “leabhar na beatha.”​—Taisbeanadh 20:12, 13.

Mì-thuigsinn: Nuair a gheibh cuideigin aiseirigh, gheibh e an aon chorp a bha aige mus do bhàsaich e.

Fìrinn: Às dèidh bàis, bhiodh an corp aig duine air a bhriseadh sìos.—Eclesiastes 3:​19, 20.