Teachd a-steach buadhail Ìosa do Ierusalem air asal

A Bheil Fàisneachdan Mesianaich a’ Sealltainn gur e Ìosa Am Mesiah?

Freagairt a’ Bhìobaill

Tha. Fhad ’s a bha e air an talamh, choilean Ìosa iomadh fàisneachd mar “Mesiah am Prionnsa,” am fear a bhiodh na “Shlànaighear dhen t-saoghal.” (Daniel 9:25; 1 Eòin 4:14) Fiù ’s às dèidh a bhàis, lean Ìosa air adhart a bhith a’ coileanadh fàisneachdan.—Salm 110:1; Gnìomhan 2:34-36.

Dè tha “Mesiah” a’ ciallachadh?

Tha am facal Eabhrais Ma·shi’ach (Mesiah) agus am facal Greugais Khri·stos (Crìost) a’ ciallachadh “aon Ungte.” Air an adhbhar sin, tha “Ìosa Crìost” a’ ciallachadh “Ìosa an t-Aon Ungte,” no “Ìosa Am Mesiah.”

Gu tric, ann an làithean a’ Bhìobaill, chaidh cuideigin ungadh le ola air a cheann nuair a fhuair e dreuchd sonraichte. (Lebhiticus 8:12; 1 Samuel 16:13) Thug Dia Ìosa an suidheachadh airson a bhith na Mhesiah—dreuchd le ùghdarras mòr. (Gnìomhan 2:36) Ach an àite ag ungadh Ìosa le ola, rinn Dia le spiorad naomh e.—Mata 3:16.

Am b’ urrainn barrachd na aon neach na fàisneachdan Mesianaich a choileanadh?

Cha b’ urrainn. Dìreach mar a tha meur-lorg a’ toirt aithne air aon neach, bidh coileanadh nan fàisneachdan Bhìobaill a’ sònrachadh gu dìreach aon Mhesiah, no Crìost. Ge-tà, tha Am Bìoball a’ rabhadh: “Oir èiridh crìosdan brèige agus fàidhean brèige is nì iad comharraidhean mòra agus iongantasan, airson ’s – nan robh e an comas – fiù ’s an fheadhainn thaghte fhèin a mhealladh.”—Mata 24:24.

Am b’ urrainn Am Mesiah a nochdadh san am ri teachd?

Cha b’ urrainn. Dh’fhàisnich Am Bìoball gum biodh Am Mesiah na shliochd Daibhidh Rìgh Israeil. (Salm 89:3, 4) Ge-tà, chaidh na seann chlàraidhean dualchasach a-mach gu linn Dhaibhidh air chall, aig àm nuair a cheannsaich na Ròmanaich Ierusalem ann an 70 A.C.a Bhon uair sin, chan urrainn daoine dearbhadh gun robh e na linn rìoghail Dhaibhidh. Ach, aig àm Ìosa, bha na clàraidhean dualchasach ann, agus cha b’ urrainn na naimhdean a ràdh nach robh e na phàirt de linn Dhaibhidh.—Mata 22:41-46.

Cia mheud fàisneachd Mhesianach a tha ri lorg anns a’ Bhìoball?

Chan urrainn dhuinn àireamh shònraichte a thoirt seachad de fhàisneachdan Mesianaich a tha ri lorg anns a’ Bhìoball. Mar eisimpleir, faodaidh an dòigh airson fàisneachdan àireamhachadh a bhith eadar-dhealaichte, fiù ’s airson rannan a tha Mesianach gu follaiseach. Tha an earrann aig Isaiah 53:2-7 a’ toirt iomradh air iomadh feartan fàisneach a thaobh Am Mesiah. Tha cuid ann den bheachd gur i dìreach aon fàisneachd a th’ anns an earrann seo gu lèir, ach is dòcha gum biodh feadhainn eile den bheachd gur i fàisneachd eadar-sgaraichte a th’ anns gach feart.

Feadhainn de na fàisneachdan Mesianaich a choilean Ìosa

Fàisneachd	Leugh aig	Coileanadh
Clann Abrahàim	Genesis 22:17, 18	Mata 1:1
Sliochd Isaac mhic Abrahàim	Genesis 17:19	Mata 1:2
Air a bhreith nan treubh Eabhraidheach Iùdah	Genesis 49:10	Mata 1:1, 3
Den t-sliochd rìoghail Rìgh Dhaibhidh	Isaiah 9:7	Mata 1:1
Air a bhreith le òigh	Isaiah 7:14	Mata 1:18, 22, 23
Rugadh ann am Betlehem	Micah 5:2	Mata 2:1, 5, 6
Air ainmeachadh Emanuelb	Isaiah 7:14	Mata 1:21-23
Toiseach iriosal	Isaiah 53:2	Lùcas 2:7
Clann òga air am marbhadh an dèidh a bhreith	Ieremiah 31:15	Mata 2:16-18
Air a ghairm a-mach à Èipheit	Hosèa 11:1	Mata 2:13-15
Chaidh Nàsarach a ghabhail airc	Isaiah 11:1	Mata 2:23
Thàinig teachdaire roimhe	Malachi 3:1	Mata 11:7-10
Air ungadh mar Mhesiah ann an 29 A.C.d	Daniel 9:25	Mata 3:13-17
Aithnichte le Dia mar A Mhac	Salm 2:7	Gnìomhan 13:33, 34
Dìleas airson taigh Dhè	Salm 69:9	Eòin 2:13-17
Searmonaiche deagh naidheachd	Isaiah 61:1	Lùcas 4:16-21
Bha a mhinistrealachd phoblach ann an Galile na sòlas mòr	Isaiah 9:1, 2	Mata 4:13-16
Rinn e mìorbhailean mar Mhaois	Deuteronomi 18:15	Gnìomhan 2:22
Mar Mhaois, bhruidhinn e smaointinn Dhè	Deuteronomi 18:18, 19	Eòin 12:49
Leighis e tinneas mòran dhaoine	Isaiah 53:4	Mata 8:16, 17
Cha do tharraing e aire dha fhèin	Isaiah 42:2	Mata 12:17, 19
Sheall e co-fhaireachdainn dhaibhsan a bha a’ fulang	Isaiah 42:3	Mata 12:9-20; Marcas 6:34
Nochd e ceartas Dhè	Isaiah 42:1, 4	Mata 12:17-20
Comhairliche Iongantach	Isaiah 9:6, 7	Eòin 6:68
Nochd e ainm Iehòbha	Salm 22:22	Eòin 17:6
Chleachd e dealbhan-facal	Salm 78:2	Mata 13:34, 35
Ceannard	Daniel 9:25	Mata 23:10
Cha robh mòran ga chreidsinn	Isaiah 53:1	Eòin 12:37, 38
Cnap-starra	Isaiah 8:14, 15	Mata 21:42-44
Daoine ga dhiùltadh	Salm 118:22, 23	Gnìomhan 4:10, 11
Fuath gun adhbhar	Salm 69:4	Eòin 15:24, 25
Teachd a-steach buadhail do Ierusalem air asal	Sechariah 9:9	Mata 21:4-9
Clann ga mholadh	Salm 8:2	Mata 21:15, 16
Thàinig e ann an ainm Iehòbha	Salm 118:26	Eòin 12:12, 13
Air a bhrathadh le chàraid dlùth	Salm 41:9	Eòin 13:18
Air a bhrathadh airson 30 bonn airgide	Sechariah 11:12, 13	Mata 26:14-16; 27:3-10
Ruith na caraidean aige air falbh	Sechariah 13:7	Mata 26:31, 56
Fianaisean fallsa na aghaidh	Salm 35:11	Mata 26:59-61
Sàmhach air beulaibh luchd-casaid	Isaiah 53:7	Mata 27:12-14
Thilg feadhainn smugaidean na aodann	Isaiah 50:6	Mata 26:67; 27:27, 30
Bhuail iad a cheann	Micah 5:1	Marcas 15:19
Sgiùrsadh	Isaiah 50:6	Eòin 19:1
Cha do shàbaid e an aghaidh an fheadhainn a bhuail e	Isaiah 50:6	Eòin 18:22, 23
Dh’obair ceannardan riaghaltas còmhla na aghaidh	Salm 2:2	Lùcas 23:10-12
Tàirngean tro a làmhan agus a chasan	Salm 22:16	Mata 27:35; Eòin 20:25
Thilg iad cruinn airson aodach aige	Salm 22:18	Eòin 19:23, 24
Air a chunntadh am measg àireamh nan ciontach	Isaiah 53:12	Mata 27:38
Air a mhagadh	Salm 22:7, 8	Mata 27:39-43
Dh’fhuiling e airson peacaich	Isaiah 53:5, 6	1 Peadar 2:23-25
Bha e coltach gun do dh’fhàg Dia e	Salm 22:1	Marcas 15:34
Chaidh fìon-geur agus domblas a thoirt dha ri òl	Salm 69:21	Mata 27:34
Bha pathadh air ro bàs	Salm 22:15	Eòin 19:28, 29
Chuir e a spiorad ann an cùram Dhè	Salm 31:5	Lùcas 23:46
Thug e seachad a bheatha	Isaiah 53:12	Marcas 15:37
An t-èirig airson peacaich	Isaiah 53:12	Mata 20:28
Cnàmhan gun bhriseadh	Salm 34:20	Eòin 19:31-33, 36
Air a tro-lotadh le sleagh	Sechariah 12:10	Eòin 19:33-35, 37
Air a tòrradh leis na beartaich	Isaiah 53:9	Mata 27:57-60
Air thogail bho na mairbh	Salm 16:10	Gnìomhan 2:29-31
Cuideigin eile air a chur an àite am brathadair	Salm 109:8	Gnìomhan 1:15-20
A shuidhe air deas-làimh Dhè	Salm 110:1	Gnìomhan 2:34-36

a Tha McClintock and Strong’s Cyclopedia ag ràdh: “Chan eil mòran teagamh ann gun robh na clàraidhean de na treubhan agus nan teaghlaichean Iùdhaich air an sgriosadh aig àm sgriosa Ierusaleim, agus chan ann roimhe sin.”

b Tha an t-ainm Eabhrais Emanuel, a’ ciallachadh “Dia còmhla rinn,” ainm freagarrach airson an dreuchd Ìosa mar Am Mesiah. Bha an làthair agus na gnìomhan aige a’ dearbhadh gun robh Dia còmhla ris na luchd-adhraidh Aige.—Lùcas 2:27-32; 7:12-16.

c Tha e coltach gu bheil am facal Eabhrais “Nàsarach” a’ tighinn bho neʹtser a tha a’ ciallachadh “ùr-fhàs.”

d Airson tuilleadh fiosrachaidh air ciamar a tha ruith-eachdraidh a’ Bhìobaill a’ cur cuideam air 29 A.C. mar am bliadhna a thàinig Am Mesiah, faic an t-artaigil “How Daniel’s Prophecy Foretells the Messiah’s Arrival.”

e Tha an fhàisneachd seo san leabhar Shechariah, ach thuirt sgrìobhadair a’ Bhìobaill Mata “an rud a chaidh a ràdh leis an fhàidh Ieremiah.” (Mata 27:9) Tha e coltach gun robh an leabhar Ieremiah aig amannan air a chur san tòiseach den earrann Sgriobtar air ainmeachadh “na Fàidhean.” (Lùcas 24:44) Tha e coltach gun do chleachd Mata “Ieremiah” airson a cruinneachadh slàn den leabhar seo, Sechariah an lùib.