Cò tha Dol gu Nèamh?
Freagairt a’ Bhìobaill
Tha Dia a’ taghadh àireamh shònraichte de Chrìostaidhean dhìleas a gheibh, às dèidh bàis, aiseirigh gu beatha ann an nèamh. (1 Peadar 1:3, 4) Às dèidh a bhith air an taghadh, feumaidh iad a chumail an creideamh agus glèidh aca gu ìre àrd gus nach bi iad gearradh às bhon oighreachd nèamhaidh fhaighinn.—Ephèsianaich 5:5; Philipianaich 3:12-14.
Dè nì an fheadhainn a thèid gu nèamh?
Frithealaidh iadsan ri taobh Ìosa mar rìghrean agus sagartan airson 1,000 bliadhna. (Taisbeanadh 5:9, 10; 20:6) Dealbhaidh iad na “nèamhan ùra,” an riaghaltas nèamhaidh a bhios a’ riaghladh thairis air an “talamh ùr,” an comann talmhaidh. Cuidichidh na riaghladairean nèamhaidh mac an duine an ath-nuadhachadh gu cùisean fìreantachd, mar a bha Dia ag iarraidh bhon toiseach-tòiseachaidh.—Isaiah 65:17; 2 Peadar 3:13.
Cia mheud a gheibheadh an aiseirigh suas gu nèamh?
Tha Am Bìoball a’ mìneachadh gum faigh 144,000 daoine aiseirigh gu beatha nèamhaidh. (Taisbeanadh 7:4) Anns an t-sealladh air chlàradh aig Taisbeanadh 14:1-3, chunnaic an t-abstol Eòin “Uan na sheasamh air beinn Shioin agus còmhla ris ceud, ceathrad ’s a ceithir mìle.” Anns an t-sealladh seo, tha “An t-Uan” a’ riochdachadh Ìosa air an èirigh gu nèamh. (Eòin 1:29; 1 Peadar 1:19) Tha “beinn Shioin” a’ riochdachadh an t-suidheachaidh Ìosa air àrdachadh agus an 144,000 a tha a’ riaghladh còmhla ris anns na nèamhan.—Salm 2:6; Eabhraich 12:22.
Tha an fheadhainn “air an gairm, agus air an taghadh” a’ riaghladh còmhla ri Crìost anns an Rìoghachd air ainmeachadh “a threud bhig.” (Taisbeanadh 17:14; Lùcas 12:32) Tha seo a’ sealltainn gum biodh iad nam buidheann beag an taca ris an àireamh air fad de chaoraich Ìosa.—Eòin 10:16.
Mì-thuigsinnean mun fheadhainn a thèid gu nèamh
Mì-thuigsinn: Thèid gach duine math gu nèamh.
Fìrinn: Bidh Dia a’ gealltainn beatha gu sìorraidh air an talamh airson mhòr-chuid de dhaoine matha.—Salm 37:11, 29, 34.
Thuirt Ìosa: “Cha deach neach sam bith suas a nèamh.” (Eòin 3:13) Sheall e dhuinn nach deach daoine matha a bhàsaich roimhe gu nèamh, mar Àbraham, Maois, Iob agus Daibhidh. (Gnìomhan 2:29, 34) An àite sin, bha an dòchas aiseirigh talmhainn aca.—Iob 14:13-15.
Tha an aiseirigh gu beatha nèamhaidh air ainmeachadh a’ “chiad aiseirigh.” (Taisbeanadh 20:6) Tha seo a’ ciallachadh gum bi dàrna aiseirigh ann. ’S e seo aiseirigh talmhainn.
Tha Am Bìoball a’ teagaisg, “cha bhi bàs ann tuilleadh” fo riaghladh Rìoghachd Dhè. (Taisbeanadh 21:3, 4) Air sgàth ’s nach eil bàs a-riamh ann an nèamh, feumaidh an gealltainn seo a bhith ceangailte ris an talamh.
Mì-thuigsinn: Tha taghadh aig gach neach eadar beatha ann an nèamh, no air an talamh.
Fìrinn: Bidh Dia a’ taghadh nan Crìostaidhean dìleas a gheibh an “duais àrd-ghairm,” ’s e sin an dòchas nèamhaidh. (Philipianaich 3:14) Cha bhi miann-adhartais pearsanta a’ dèanamh buaidh air ma thèid cuideigin a thaghadh.—Mata 20:20-23.
Mì-thuigsinn: Chan eil an dòchas talmhainn cho math, ’s e prìs nas lugha a th’ ann a tha air a thoirt dhan fheadhainn nach eil airidh air a’ dol dhan nèamh.
Fìrinn: Tha Dia ag ainmeachadh an fheadhainn a gheibh beatha mhaireannach air an talamh “mo shluaigh-sa,” “mo mhuinntir thagte,” agus “dhaoine beannaichte an Tighearna.” (Isaiah 65:21-23) Bidh am pribhleid aca a’ coileanadh miann tùsail Dhè airson mac an duine—beatha mhaireannach foirfe air pàrras talmhainn.—Genesis 1:28; Salm 115:16; Isaiah 45:18.
Mì-thuigsinn: Chan eil an àireamh 144,000 ri lorg ann an Taisbeanadh litireil, ’s e àireamh shamhlachail a th’ ann.
Fìrinn: Ged a tha àireamhan samhlachail ann an Taisbeanadh, tha cuid de na h-àireamhan ann litireil. Mar eisimpleir tha e a’ bruidhinn air “dà ainm dheug dà abstol dheug an Uain.” (Taisbeanadh 21:14) Beachdaich air am fiosrachadh carson am bu chòir an àireamh 144,000 a bhith litireil.
Tha Taisbeanadh 7:4 a’ clàradh “an àireamh acasan a chaidh a sheulachadh [no, dearbhte airson beatha ann an nèamh], ceud is ceathrad is ceithir mìle.” Anns a’ cho-theacsa den rann seo, tha dàrna buidheann eadar-dhealaichte ann, “co-chruinneachadh mòr, nach b’ urrainn do dhuine sam bith àireamh.” Bidh an fheadhainn a tha den “co-chruinneachadh mòr” a’ faighinn slàinte bho Dhia cuideachd. (Taisbeanadh 7:9, 10) Ma tha an àireamh 144,000 samhlachail agus buidheann gun àireamh, bhiodh an co-chontrarrachd eadar an dà bhuidheann air chall.a
A bharrachd air sin, tha na 144,000 air an ainmeachadh mar a bhith “cheannach o mheasg dhaoine mar chiad thoradh.” (Taisbeanadh 14:4) Tha a’ ”chiad thoradh” a’ ciallachadh buidheann beag sònraichte. Bidh iad a’ riaghladh ann an nèamh le Crìost agus os cionn luchd gun àireamh air an talamh.—Taisbeanadh 20:6.
a San aon dòigh, sgrìobh Proifeasair Robert L. Thomas a thaobh na h-àireimh 144,000 ann an Taisbeanadh 7:4: “ ’S e àireamh dheimhinnte a th’ ann a tha co-chontrarrachd ris an àireamh neo-shònraichte aig 7:9. Ma tha e samhlachail, cha tèid àireamh sam bith a ghabhail gu litireil.”—Taisbeanadh 1-7: An Exegetical Commentary, duilleag 474.