Ani Abonsam Hɔ Nɔnai Fɛɛ Asɛɛ?

Hetoo ni Biblia lɛ kɛhãa

Biblia lɛ hãa anaa akɛ Satan Abonsam ji mɔ ko ni yɔɔ diɛŋtsɛ, etamɔ awuiyelɔ kpanaku ko, ni sumɔɔ koni atsɔ ‘amale okadii kɛ shishiumɔ’ nɔ afee esuɔmɔnaa nii. Anɔkwa, Biblia lɛ kɛɔ akɛ Satan “tsakeɔ ehe etsɔɔ la bɔfo.” (2 Tesalonikabii 2:9, 10; 2 Korintobii 11:14) Awuiyeli kɛ nifitemɔ ni Abonsam kɛbaa lɛ hãa anaa akɛ eji mɔ ko ni yɔɔ diɛŋtsɛ.

Kɛ̃lɛ, jeee nɔnai fɛɛ ni wɔkɛkpeɔ lɛ jɛ Abonsam. Mɛni hewɔ wɔkɛɔ nakai? Nyɔŋmɔ bɔ adesai bɔ ni amɛnyɛɔ amɛhalaa akɛ amɛbaafee ekpakpa loo amɛbaafee efɔŋ. (Yoshua 24:15) Kɛ́ wɔkpɛ yiŋ ni ejaaa lɛ, wɔkpaa nibii gbohii ni jɛɔ mli kɛbaa lɛ.—Galatabii 6:7, 8.