Adafitswai

◼ Wolo ni akɛbaaha yɛ October: Nyɛkɛ Buu-Mɔɔ kɛ Awake! woji tɛtrɛbii lɛ ahaa. Kɛji shiatsɛ ko jie miishɛɛ kpo lɛ, no lɛ ofainɛ ni okɛ Nyɛyaa Nɔ Nyɛshia Kpe! wolo bibioo lɛ atsɔɔ lɛ. November: Akɛ Kasemɔ Nii Kɛjɛ Tsɔɔlɔ Kpele lɛ Ŋɔɔ wolo lɛ baaha. Kɛji shiatsɛ ko tsɔɔ akɛ ebɛ bii lɛ, no lɛ okɛ Ani Obaasumɔ ni Ole Biblia lɛ Mli Saji Babaoo? dɛhiɛmɔ wolo lɛ aloo dɛhiɛmɔ wolo kroko ni sa aha lɛ. December: Akɛ Gbɔmɔ ni Fe Mɔ Fɛɛ Mɔ ni Ehi Shi Pɛŋ wolo lɛ baaha. Kɛ́ nyɛbɛ eko lɛ, no lɛ nyɛbaanyɛ nyɛkɛ woji tamɔ The Bible—God’s Word or Man’s, Mi-Wolo ni Gbaa Biblia Mli Saji, kɛ Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ lɛ ateŋ eko fɛɛ eko ni nyɛsafo lɛ yɔɔ lɛ aha. January: Nyɛbaanyɛ nyɛkɛ woji ni hiɛ baafai 192 ní akala yɛ wolo ni hiɛ tsuɔ nɔ loo amɛteŋ nɔ ni amɛsu etsake lɛ aha. Nyɛbaanyɛ hu ni nyɛkɛ wolo fɛɛ wolo ni afee dani afi 1991 shɛ lɛ aha.

◼ Akɛni otsii anaagbee enumɔ yɔɔ December mli hewɔ lɛ, ebaafee nyɔŋ ni sa jogbaŋŋ akɛ mɔ kɛ ehe aaawo gbɛgbalɔi awamɔ nitsumɔ lɛ mli.

◼ Nɔ ni aŋma ahɔ Wɔ Maŋtsɛyeli Sɔɔmɔ nɛɛ mli lɛ ji “Teokrase Sɔɔmɔ Skul He Gbɛjianɔtoo Kɛha 2007,” ni esa akɛ akɛto koni akɛtsu nii yɛ afi 2007 lɛ mli fɛɛ.

◼ Abaaha afi 2007 Kaimɔ be lɛ he maŋshiɛmɔ krɛdɛɛ lɛ yɛ Hɔgbaa, April 15 afi 2007. Abaaha nyɛle wiemɔ lɛ yitso yɛ sɛɛ mli. Asafoi ni no mli lɛ kpokpaa nɔkwɛlɔi eba amɛ saramɔ loo amɛmiiya kpokpaa nɔ kpee nakai otsi lɛ naagbee lɛ baaha maŋshiɛmɔ krɛdɛɛ lɛ enɔ otsi. Asafo ko akaha maŋshiɛmɔ krɛdɛɛ lɛ dani Hɔgbaa, April 15 afi 2007 lɛ shɛ.

◼ Abaasusu vidio ni ji No Blood—Medicine Meets the Challenge lɛ he yɛ January Sɔɔmɔ Kpeei lɛ ateŋ ekome mli. Kɛ́ DVD lɛ loo kasɛt nɔ̃ lɛ eko he baahia nyɛ lɛ nyɛshɛa enɛ amrɔ nɔŋŋ kɛtsɔ nyɛsafo lɛ nɔ.

◼ KADIMƆ: Saneyitsei ni yɔɔ October 15, 2006 Buu-Mɔɔ lɛ mli lɛ ateŋ ekome ji “Yookpeemɔi ni Yɔɔ Nyam yɛ Nyɔŋmɔ kɛ Gbɔmɛi Ahiɛ.” Ekuku 14 lɛ wieɔ gbalashihilɛ he sane ko ni kɔɔ wɔmaŋ nɛɛ he. Nakai kuku lɛ naagbee sane muji etɛ ni je kpo yɛ wolo tɛtrɛɛ nɛɛ ni akalaa yɛ wɔmaŋ nɛɛ wiemɔi amli lɛ ejeee kpo yɛ emli nɔ ni akalaa yɛ maji ni nakai sane lɛ kɔɔɔ amɛhe lɛ amli. Ákɛ nɔkwɛmɔnɔ lɛ, akalaa blɔfo Buu-Mɔɔ ni wɔnine shɛɔ nɔ lɛ yɛ Britain. No hewɔ lɛ, kɛ́ blɔfo Buu-Mɔɔ ji nɔ ni nyɛkaseɔ yɛ nyɛsafo lɛ mli lɛ, no lɛ ofainɛ ni okɛ sane ni nyiɛ sɛɛ nɛɛ awo kuku 14 lɛ naagbee bɔni afee ni woji tɛtrɛbii ni wɔnine shɛɔ nɔ yɛ maŋ nɛɛ mli lɛ fɛɛ ahiɛ sane kome. Kuku ni awieɔ he lɛ jeɔ kpo yɛ baafa 22 lɛ:

“Kɛlɛ, kɛ́ Kristofoi komɛi bote gbalashihilɛ mli yɛ kusum naa ní sɛɛ mli lɛ amɛhala akɛ amɛbaaya maŋ lɛ nitsumɔhe ni kwɛɔ gbalamlibotemɔ nɔ (jeee Maŋtsɛyeli Asa lɛ nɔ) koni amɛbote gbãla mli yɛ mla naa lɛ, no lɛ amɛ diɛŋtsɛ amɛsane ni. Jeee sɛɛkpee nɔ̃ ni abaafee lɛ baaha abu gbãla lɛ akɛ eji gbãla diɛŋtsɛ. Ahaŋ gbalamlibotemɔ he wiemɔ yɛ nifeemɔ lɛ shishi, ni asaŋ aŋmɛŋ yookpeemɔ he okpɔlɔ.”