Sɔɔmɔ Kpee He Gbɛjianɔtoo
Otsi ni Jeɔ Shishi February 14
Lala 174
Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛ asafo lɛ shikpɔŋkuku lɛ) ni akɛfee nɔkwɛmɔnɔ ni tsɔɔ bɔ ni abaafee akɛ February 1 Buu-Mɔɔ kɛ February 8 Awake! lɛ aha. Tĩi bɔ ni abaanyɛ atsake shiɛmɔ wiemɔi ni akɛhaa lɛ mli koni efee nɔ ni hi kɛha nyɛshikpɔŋkuku lɛ mli kuku.—Kwɛmɔ January 2005 Wɔ Maŋtsɛyeli Sɔɔmɔ lɛ bf. 8 lɛ.
Min. 15: “Ní Wɔɔfee Biblia Mli Nikasemɔi ni Yaa Hiɛ—Fã 6” Ha akɛ minitii ejwɛ afee nɔkwɛmɔnɔ ko ni Biblia mli nikaselɔ ko bi nɔ hewɔ ni mɛi ni ba Kaimɔ lɛ ateŋ mɛi fioo pɛ ye aboloo lɛ ni amɛnu wein lɛ he sane. Mɔ ni kwɛɔ nikasemɔ lɛ nɔ lɛ jie eyi akɛ ebi sane nɛɛ, eŋma kɛfɔ shi, ni ekɛɛ lɛ akɛ ebaaha lɛ hetoo kɛ́ amɛgbe nɔ ni amɛkaseɔ lɛ naa. Be ni amɛgbe nikasemɔ lɛ naa lɛ, mɔ ni kwɛɔ nikasemɔ lɛ nɔ lɛ gbala nikaselɔ lɛ jwɛŋmɔ kɛtee sanebimɔ ni ji “Who is to partake of the bread and the wine?” (Namɔ esa akɛ eye aboloo lɛ ni enu wein lɛ?) ni yɔɔ Reasoning wolo lɛ baafa 267-268 lɛ nɔ. Amɛfee ekome kɛkane, ni nikaselɔ lɛ da lɛ shi yɛ esanebimɔ lɛ hetoo ni yɔɔ faŋŋ ni ekɛha lɛ lɛ hewɔ.
Min. 20: “Tafãa Krɛdɛɛ Kɛha Wolo Hee Bibioo lɛ Jaa.” Sɔɔmɔ nitsumɔ nɔkwɛlɔ lɛ baatsu he nii. Ha akɛ shiɛmɔ wiemɔi ni akɛha lɛ afee nɔkwɛmɔnɔ. Yɛ nɔkwɛmɔnɔ lɛ ekome mli lɛ, ha afee lɛ akɛ shiatsɛ ko náaa Ŋmalɛ naa wiemɔ ni akɛha lɛ lɛ he miishɛɛ tsɔ, ni no hewɔ lɛ aha lɛ dɛhiɛmɔ wolo moŋ fe nɔ ni aaaha lɛ wolo bibioo lɛ eko.
Lala 69 kɛ naagbee sɔlemɔ.
Otsi ni Jeɔ Shishi February 21
Min. 10: Asafoŋ adafitswai. Shika he akɔntaabuu. Tĩi gbɛjianɔi ni ato kɛha tafãa krɛdɛɛ ni akɛbaaja wolo hee bibioo lɛ mli kuku.
Min. 35: “Kaimɔ Be Lɛ—Be ni Akɛtsuɔ Nii Babaoo.” Sɔɔmɔ nitsumɔ nɔkwɛlɔ lɛ baatsu he nii. Kɛ́ aasusu kuku 6 lɛ he lɛ, okɛ saji ni yɔɔ September 8, 2004 Awake! lɛ baafa 12-13 lɛ afata he. Tsĩi mɛi ni kɛ amɛhe ewo gbɛgbalɔi awamɔ nitsumɔ lɛ mli lɛ agbɛi atã. Tsɔɔmɔ bei krokomɛi kɛha shiɛmɔyaa ni ato he gbɛjianɔ lɛ. Wo mɛi fɛɛ hewalɛ koni amɛtsɔ gbɛ ko nɔ amɛha amɛmumɔŋ nitsumɔ lɛ aya hiɛ yɛ Kaimɔ be lɛ mli.
Lala 21 kɛ naagbee sɔlemɔ.
Otsi ni Jeɔ Shishi February 28
Min. 7: Asafoŋ adafitwai. Kaimɔ shiɛlɔi koni amɛkɛ shiɛmɔyaa he akɔntaabui kɛha February lɛ aha. Wo mɛi fɛɛ hewalɛ koni amɛkɛ sanebimɔi ni yɔɔ baafa 6 lɛ atsu nii, ni amɛkɛtĩ saji ni amɛŋmala yɛ kpee lɛ shishi lɛ mli koni amɛkɛsaa amɛhe kɛha “Okɛ Nyɔŋmɔ Anyiɛ” Kpokpaa Wulu nɔ Kpee lɛ mli saji ni akɛ toibolɔi baasusu he yɛ Sɔɔmɔ Kpee ni abaafee wɔsɛɛ otsi lɛ mli. Tĩi saji otii ni yɔɔ akrabatsa ni ji “Kaimɔ lɛ Yeli He Kaimɔi” lɛ mli.
Min. 20: “Jiemɔ Yehowa Yi yɛ Emlihilɛ lɛ Hewɔ.” Tsɔɔmɔ be, he ni abaafee Kaimɔ lɛ yɛ, kɛ mɔ ni baaha wiemɔ lɛ gbɛi, kɛ saji krokomɛi ni he hiaa ni fata he lɛ. Kɛ́ aasusu kuku 4 lɛ he lɛ, ha afee nɔkwɛmɔnɔ kuku ko ni miitsɔɔ shiɛlɔ ko ni miifɔ̃ mɛi ni ehaa amɛ woji tɛtrɛbii lɛ ateŋ mɔ kome nine kɛmiiba Kaimɔ lɛ. Kɛ́ ajako woji ni akɛfɔ̃ɔ mɛi anine kɛbaa Kaimɔ lɛ, no lɛ esa akɛ afee enɛ kɛ́ akpa kpee lɛ.
Min. 18: Jiemɔ Mɔ Hesusumɔ Kpo Otsɔɔ Mɛi ni He Waaa Lɛ. (Bɔf. 20:35) Okɛ nɔ ni shɛɛɛ miniti kome akpa wiemɔ lɛ hiɛ, ni no sɛɛ lɛ okɛ sanebimɔ kɛ hetoo he sanegbaa asusu sane ni yɔɔ July 1, 2004, Buu-Mɔɔ, baafa 17-18 lɛ kuku 12-16 lɛ he tamɔ afeɔ yɛ Buu-Mɔɔ Nikasemɔ lɛ mli lɛ. Ha nyɛminuu ko ni he esa kɛ nikanemɔ akane kukuji lɛ amli. Gbalamɔ jwɛŋmɔ kɛya bɔ ni abaanyɛ akɛ sane lɛ atsu nii yɛ Kaimɔ lɛ kɛ wiemɔ krɛdɛɛ ni kã wɔhiɛ lɛ mli lɛ nɔ titri.
Lala 72 kɛ naagbee sɔlemɔ.
Otsi ni Jeɔ Shishi March 7
Min. 8: Asafoŋ adafitswai. Ha akɛ shiɛmɔ wiemɔ ko ni akɛhaa wolo hee bibioo lɛ ni miiye omanye yɛ nyɛshikpɔŋkuku lɛ mli lɛ afee nɔkwɛmɔnɔ. Gbaa niiashikpamɔi ni aná yɛ tafaa krɛdɛɛ lɛ mli lɛ bɔ ni be baaŋmɛ gbɛ.
Min. 37: “Kpokpaa Wulu nɔ Kpee Woɔ Wɔ Hewalɛ Koni Wɔkɛ Nyɔŋmɔ Anyiɛ.” Asafoŋ onukpa ko baatsu he nii. Okɛ miniti kome loo nɔ ni shɛɛɛ nakai akpa wiemɔ lɛ hiɛ, koni no sɛɛ lɛ okɛ sanebimɔi ni yɔɔ nikasemɔ lɛ mli lɛ atsu nii ni okɛ toibolɔi lɛ agba sane kɛtĩ kpokpaa nɔ kpee gbɛjianɔtoo lɛ mli. Too be lɛ he gbɛjianɔ koni aná be kɛha sanebimɔ fɛɛ sanebimɔ hetoo, ekolɛ ní oha aha sanebimɔi komɛi ahetoo shikome pɛ. Anyɛŋ akane ŋmalɛi fɛɛ ni atsɛ yisɛɛ shi aŋmalako amɛmli wiemɔi lɛ; akɛ enɛɛmɛi wo mli koni eha hetooi lɛ anamɔ afee mlɛo. Esa akɛ hetooi lɛ akɔ sɛɛnamɔi ni yɔɔ nɔ ni akase lɛ ni akɛaatsu nii lɛ he.
Lala 165 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.