Sɔɔmɔ Kpee He Gbɛjianɔtoo
Kadimɔ: Abaato Sɔɔmɔ Kpee he gbɛjianɔ kɛha nyɔji ni abaafee kpeei lɛ yɛ mli lɛ amli otsii fɛɛ yɛ Wɔ Maŋtsɛyeli Sɔɔmɔ lɛ mli. Asafoi baanyɛ amɛfee tsakemɔi ni he hiaa yɛ mli koni amɛnyɛ amɛya “Okɛ Nyɔŋmɔ Anyiɛ” Kpokpaa Wulu nɔ Kpeei lɛ. Kɛ́ ebaahi lɛ, nyɛkɛ miniti 15 asaa atĩa ŋaawoo ni baakɔ nyɛhe ni yɔɔ nɔ ni aŋma ahɔ Wɔ Maŋtsɛyeli Sɔɔmɔ nɛɛ mli lɛ mli yɛ naagbee Sɔɔmɔ Kpee ni nyɛbaafee dani nyɛya kpee lɛ mli. Yɛ February mli lɛ, abaato Sɔɔmɔ Kpee muu fɛɛ ko he gbɛjianɔ koni akɛtĩ kpee he gbɛjianɔtoo lɛ mli saji otii lɛ amli. Bɔni afee ni wɔsaa wɔhe kɛha nakai sanegbaa lɛ, wɔ fɛɛ wɔbaanyɛ wɔŋmala saji ni sa, ní otii pɔtɛɛ ni wɔbaasumɔ ni wɔkɛtsu nii yɛ wɔ diɛŋtsɛ wɔshihilɛ mli kɛ yɛ shiɛmɔ nitsumɔ lɛ mli lɛ fata he lɛ wɔshwie shi yɛ kpee lɛ shishi. No sɛɛ lɛ wɔbaanyɛ wɔtsɔɔ bɔ ni wɔkɛ ŋaawooi lɛ etsu nii wɔha lɛ mli ni wɔkɛwo mɛi krokomɛi hewalɛ.
Otsi ni Jeɔ Shishi November 8
Lala 180
Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
Min. 15: ‘Nyɛhaa Wɔ Fɛɛ Wɔwoa Egbɛi lɛ Hiɛ Nyam.’ Asafoŋ woloŋmalɔ lɛ kɛ sanebimɔi ni akɛha lɛ baatsu enɛ he nii. Tsɔɔmɔ be ni atsɔɔ akɛ nyɛ asafo lɛ baaya kpee lɛ. Aŋmala bei ni akɛbaafee kpee lɛ yɛ nɔ ni aŋma ahɔ June 2004 Wɔ Maŋtsɛyeli Sɔɔmɔ lɛ mli lɛ mli. Kɛ́ ehe miihia lɛ, abaanyɛ atsĩ otii krokomɛi ni yɔɔ nakai Wɔ Maŋtsɛyeli Sɔɔmɔ lɛ mli lɛ atã.
Min. 20: “Mumɔŋ Niyenii yɛ Be ní Sa Mli.” Okɛ sanebimɔi ni akɛha lɛ atsu nii. Kɛ́ aasusu kuku 2 lɛ he lɛ, ha mɔ kome loo mɛi enyɔ awie kpee ko ni amɛtee ni amɛhiɛ kpaaa nɔ lɛ he kuku. Okɛ sanebimɔi enyɔ loo etɛ ni yɔɔ sane ni ji “Nyɛfea Krɔŋkrɔŋ yɛ Nyɛjeŋba Fɛɛ Mli,” ní abaasusu he yɛ Sɔɔmɔ Kpee kɛha otsi ni baanyiɛ sɛɛ lɛ mli lɛ amu sane lɛ naa.
Lala 80 kɛ naagbee sɔlemɔ
Otsi ni Jeɔ Shishi November 15
Lala 170
Min. 10: Asafoŋ adafitswai. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛ asafo lɛ shikpɔŋkuku lɛ) ni akɛfee nɔkwɛmɔnii ni tsɔɔ bɔ ni abaafee akɛ November 1 Buu-Mɔɔ kɛ November 8 Awake! lɛ aha. Yɛ nɔkwɛmɔnii lɛ eko fɛɛ eko mli lɛ, ha atsɔɔ gbɛ kroko ni abaanyɛ atsɔ nɔ ashiɛ aha mɔ ni tsĩɔ sanegbaa naa ni ekɛɔ akɛ “I’m not interested in Jehovah’s Witnesses” (Mibɛ Yehowa Odasefoi ahe miishɛɛ) lɛ.—Kwɛmɔ Reasoning wolo lɛ, baafa 17-18 lɛ mli.
Min. 15: “Nyɛfea Krɔŋkrɔŋ yɛ Nyɛjeŋba Fɛɛ Mli.” Okɛ sanebimɔi ni akɛha lɛ atsu nii. Ha toibolɔi awie bɔ ni amɛyɔse akɛ jeŋba kpakpa kpo ni ajieɔ yɛ kpeei ashishi lɛ kɛ yijiemɔ bahaa Yehowa lɛ he.
Min. 20: “Gbɔmɔtsoŋ Hesaamɔ ni He Tse, ni Sa Yijiemɔ.” Okɛ sanebimɔi ni akɛha lɛ atsu nii. Kanemɔ ni otsɔɔ ŋmalɛi ni aŋmalako amɛmli wiemɔi lɛ amli bɔ ni be baaŋmɛ gbɛ.
Lala 164 kɛ naagbee sɔlemɔ.
Otsi ni Jeɔ Shishi November 22
Lala 199
Min. 10: Asafoŋ adafitswai. Shika he akɔntaabuu.
Min. 15: Sanebimɔ He. Wiemɔ ni onukpa ko baaha.
Min. 20: “Yaa Nɔ Ojie Hehiamɔ Henumɔ Kpo!” Okɛ saji ni yɔɔ January 15, 2000, Buu-Mɔɔ, baafa 12-13 lɛ afata he.
Lala 19 kɛ naagbee sɔlemɔ.
Otsi ni Jeɔ Shishi November 29
Lala 23
Min. 10: Asafoŋ adafitswai. Kaimɔ shiɛlɔi fɛɛ koni amɛkɛ shiɛmɔyaa he akɔntaabui kɛha November lɛ aha. Kɛ́ gbɛtsɔɔmɔi ni yɔɔ baafa 4 lɛ hi kɛha nyɛ asafo lɛ shikpɔŋkuku lɛ, ha akɛfee nɔkwɛmɔnii ni tsɔɔ bɔ ni abaafee akɛ November 15 Buu-Mɔɔ kɛ November 22 Awake! lɛ aha. Abaanyɛ akɛ shiɛmɔ wiemɔi krokomɛi ni sa atsu nii.
Min. 15: Ná Sɔɔmɔ Kpee lɛ He Sɛɛ Kɛmɔ Shi. Toibolɔi ni akɛaagba sane ni damɔ Our Ministry wolo lɛ baafa 71-72 lɛ nɔ. Mɛɛ gbɛ̀i enumɔ nɔ Sɔɔmɔ Kpee lɛ yeɔ buaa wɔ yɛ koni wɔya wɔhiɛ akɛ sɔɔlɔi Kristofoi? Tsɔɔmɔ enɛ he nɔkwɛmɔnii ni yɔɔ nyɔŋ nɛɛ nɔ gbɛjianɔtoo lɛ mli. Mɛɛ sɛɛnamɔi yɔɔ hiɛ ni aaatsɔ asaa he lɛ mli? Mɛni hewɔ esa akɛ aya daa? Mɛɛ kpee nɛɛ he nɔkwɛmɔnɔ afee afɔ shi yɛ Ŋmalɛ lɛ mli?
Min. 20: “Ní Wɔɔfee Biblia Mli Nikasemɔi ni Yaa Hiɛ—Fã 3.” Okɛ sanebimɔi ni akɛha lɛ atsu nii. Be ni asusu kuku 3 lɛ he sɛɛ lɛ, ha akɛ taoɔ wolo bibioo lɛ mli nikasemɔ 5, kuku 1 lɛ afee Biblia mli nikasemɔ he nɔkwɛmɔnɔ kuku. Ha afee lɛ akɛ akane kuku lɛ mli momo ni aha sanebimɔ lɛ hetoo. Mɔ ni kwɛɔ nikasemɔ lɛ nɔ lɛ kɛ nikaselɔ lɛ akane Yesaia 45:18 kɛ Jajelɔ 1:4 lɛ ni amɛsusu he. Nikasemɔ nɔkwɛlɔ lɛ kɛ sanebimɔi ni yɔɔ mlɛo atsu nii ni eha nikaselɔ lɛ atsɔɔ bɔ ni ŋmalɛi lɛ ateŋ eko fɛɛ eko kɔɔ sane ni asusu he lɛ he ehaa.
Lala 178 kɛ naagbee sɔlemɔ.
Otsi ni Jeɔ Shishi December 6
Lala 96
Min. 10: Asafoŋ adafitswai. Tsĩi woji ni akɛbaaha yɛ December mli lɛ tã. Ha afee shiɛmɔ wiemɔ kome loo enyɔ ni abaanyɛ akɛtsu nii be ni akɛ Gbɔmɔ ni Fe Mɔ Fɛɛ Mɔ wolo lɛ haa lɛ he nɔkwɛmɔnɔ.
Min. 15: Ani Ole Miishɛɛ ni Jɛɔ Nɔ Hamɔ Mli Kɛbaa Lɛ? Wiemɔ ni damɔ November 1, 2004, Buu-Mɔɔ lɛ baafa 19-23 lɛ nɔ.
Min. 20: “Ani Obaanyɛ Okɛ Yelikɛbuamɔ Aha?” Okɛ shiɛlɔ kome loo mɛi enyɔ ni hiɛ esɔ yelikɛbuamɔ loo hewalɛwoo ni mɛi krokomɛi kɛha lɛ agba sane.
Lala 91 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.