Sɔɔmɔ Kpee He Gbɛjianɔtoo

Otsi ni Jeɔ Shishi October 11

Lala 219

Min. 10: Asafoŋ adafitswai. Wiemɔ June Sɔɔmɔ Akɔntaabuu lɛ he kuku, ni ojie nyɛmimɛi lɛ ayi yɛ amɛ akɔntaabuu lɛ ni amɛkɛba mra lɛ hewɔ. Ha afee nɔkwɛmɔnii ni tsɔɔ bɔ ni abaafee akɛ October 1 Buu-Mɔɔ kɛ October 8 Awake! lɛ aha.

Min. 20: “Kaimɔi ni Yɔɔ Ebe Naa” Onukpa ko ni sa baatsu he nii. Wó mɛi fɛɛ hewalɛ ni amɛkɛ kaimɔi lɛ atsu nii, koni no aha amɛkɛ be ni amɛyeɔ yɛ shiɛmɔ nitsumɔ lɛ mli lɛ atsu nii jogbaŋŋ. Tsĩi nibii krokomɛi ni haa afiteɔ be, tamɔ gbɛjianɔ kpakpa ni atsɔɔɔ hiɛ atooo, kɛ sanegbaa babaoo yɛ shiɛmɔ nitsumɔ lɛ mli lɛ atã. Wó mɛi ni kwɛɔ kpeei kɛha shiɛmɔyaa nɔ lɛ hewalɛ koni amɛkwɛ ní shiɛlɔi enyɔnyɔ aya shiɛmɔ.

Min. 15: Ná Mɛi Krokomɛi Ayelikɛbuamɔ He Miishɛɛ. (Yoh. 4:34) Saji ni aaabi mɛi. Kɛ́ wɔna akɛ Nyɔŋmɔ Wiemɔ lɛ mli anɔkwalei lɛ miiha mɛi ni wɔkɛkaseɔ nii lɛ miiná miishɛɛ lɛ, wɔmli filiɔ wɔ. (w-94 GA 3/1 bf. 29 kk. 6-7) Bi mɛi enyɔ loo etɛ ni ji shiɛlɔi loo gbɛgbalɔi ni kɛ Biblia lɛ tsuɔ nii jogbaŋŋ yɛ shiɛmɔ nitsumɔ lɛ kɛ Biblia mli nikasemɔi ashishijee kɛ efeemɔ mli lɛ saji. Te amɛtsuɔ miishɛɛ ni ajieɔ lɛ kpo lɛ he nii amɛhaa tɛŋŋ? Mɛɛ miishɛɛ amɛnáa yɛ no feemɔ mli? Ha amɛgba loo amɛfee niiashikpamɔi ni amɛná yɛ shiɛmɔ nitsumɔ lɛ mli lɛ he nɔkwɛmɔnɔ.

Lala 69 kɛ naagbee sɔlemɔ.

Otsi ni Jeɔ Shishi October 18

Lala 127

Min. 5: Asafoŋ adafitswai.

Min. 15: Ani Eji Juu Lɛɛlɛŋ? Wiemɔ kɛ toibolɔi ni akɛaagba sane ni damɔ April 15, 1994 Buu-Mɔɔ lɛ baafa 19-21 lɛ nɔ. Onukpa ko baatsu he nii. Tsɔɔmɔ mli akɛ eyɛ mli akɛ wɔyɛ jaramɔ shihilɛi ni shika he naagbai babaoo yɔɔ mli moŋ, shi Yehowa miikpa gbɛ akɛ etsuji aye anɔkwa yɛ amɛnifeemɔi fɛɛ amli—yɛ shia, yɛ skul, yɛ nitsumɔhe, kɛ asafo lɛ mli. (Heb. 13:18) Maa nɔ ni akɛ gbɛi kpakpa ni wɔyɔɔ akɛ mɛi ni yeɔ anɔkwa lɛ náa bɔ ni mɛi feɔ amɛnii amɛhaa yɛ nɔ ni wɔtsɔɔ lɛ he lɛ nɔ hewalɛ waa diɛŋtsɛ.

Min. 25: “Ani Ojieɔ Hiɛsɔɔ Kpo Ohaa Kpokpaa Nɔkwɛlɔ lɛ Saramɔ Lɛ?” Onukpa ko ni sa baatsu he nii. Wó mɛi fɛɛ hewalɛ koni amɛya nɔ amɛná kpokpaa nɔkwɛlɔ lɛ saramɔ lɛ he jwɛŋmɔ kpakpa.

Lala 165 kɛ naagbee sɔlemɔ.

Otsi ni Jeɔ Shishi October 25

Lala 56

Min. 10: Asafoŋ adafitswai. Shika he akɔntaabuu. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛ asafo lɛ shikpɔŋkuku lɛ) ni akɛfee nɔkwɛmɔnii ni tsɔɔ bɔ ni abaafee akɛ October 15 Buu-Mɔɔ kɛ October 22 Awake! lɛ aha. Wó shiɛlɔi hewalɛ koni amɛkane ŋmalɛ ko be mli ni amɛshiɛɔ lɛ. Abaanyɛ akɛ shiɛmɔ wiemɔi krokomɛi ni sa atsu nii.

Min. 15: Asafoŋ hiamɔ nii.

Min. 20: Okɛ Odaseyeli nɔ ko Afi Nyɔŋmɔ Wiemɔ lɛ Sɛɛ. Toibolɔi ni akɛaagba sane ni damɔ Sɔɔmɔ Skul wolo lɛ baafa 256-257 lɛ nɔ. Mɛɛ gbɛ nɔ wɔɔtsɔ wɔkɛ odaseyeli nɔ ko ni bɛ Biblia lɛ mli lɛ atsu nii ni wɔkɛye wɔbua mɛi koni amɛbu nilee ni yɔɔ Ŋmalɛi lɛ amli akɛ nɔ ni he hiaa? Ha toibolɔi lɛ aha sanebimɔi ni nyiɛ sɛɛ nɛɛ ahetoo: Mɛɛ nɔkwɛmɔnii ni yɔɔ jeŋ muu fɛɛ ni anaa lɛ mli wɔbaanyɛ wɔkɛtsu nii akɛ odaseyeli ni tsɔɔ akɛ Bɔlɔ ko yɛ? (rs bf. 85-86) Mɛɛ gbɛ nɔ wɔbaanyɛ wɔtsɔ wɔkɛ woloŋlelɔi loo nilelɔi awiemɔi atsu nii kɛye wɔbua mɛi krokomɛi koni amɛna akɛ Biblia lɛ ji Nyɔŋmɔ Wiemɔ lɛɛlɛŋ? (rs bf. 62-64) Mɛɛ nɔkwɛmɔnɔ loo saji ni akɛtoɔ nii ahe wɔbaanyɛ wɔkɛtsu nii kɛye wɔbua mɛi krokomɛi koni amɛna nɔ hewɔ ni Nyɔŋmɔ ŋmɛɔ efɔŋfeemɔ gbɛ lɛ? (rs bf. 429) Mɛɛ niiashikpamɔi loo nɔkwɛmɔnii okɛtsu nii kɛye obua mɛi krokomɛi koni amɛhiɛ asɔ nilee ni yɔɔ mli ákɛ akɛ Biblia mli ŋaawoo aaatsu nii lɛ?

Lala 62 kɛ naagbee sɔlemɔ.

Otsi ni Jeɔ Shishi November 1

Lala 15

Min. 10: Asafoŋ adafitswai. Kaimɔ shiɛlɔi fɛɛ koni amɛkɛ shiɛmɔyaa he akɔntaabui lɛ aha. Wɔkɛ Kasemɔ Nii Kɛjɛ Tsɔɔlɔ Kpele lɛ Ŋɔɔ wolo lɛ baaha yɛ November. Tii gbɛtsɔɔmɔi ni tsɔɔ bɔ ni aaafee akɛ wolo lɛ aha, ni je kpo yɛ May 2004 Wɔ Maŋtsɛyeli Sɔɔmɔ lɛ baafa 3 lɛ mli lɛ mli kuku, ni oha akɛ shiɛmɔ wiemɔi lɛ ekome afee nɔkwɛmɔnɔ. Kɛ́ shiɛmɔ wiemɔ kroko baahi jogbaŋŋ kɛha nyɛshikpɔŋkuku lɛ, no lɛ abaanyɛ awie enɛ he ni afee he nɔkwɛmɔnɔ. Kɛ́ be yɛ lɛ, ha toibolɔi lɛ agba bɔ ni amɛnyɛ́ amɛkɛ wolo nɛɛ etsu nii yɛ shiɛmɔ nitsumɔ lɛ mli lɛ amɛtsɔɔ.

Min. 20: Ani Oyana Onitsumɔtsɛ Lɛ? Wiemɔ kɛ toibolɔi ni akɛaagba sane ni damɔ sane ni ji “Ani Obaaya Jɛmɛ?” ni yɔɔ June 2000 Wɔ Maŋtsɛyeli Sɔɔmɔ lɛ baafa 1 lɛ mli ni onukpa ko baatsu he nii. Okɛ Sɔɔmɔ Skul wolo lɛ baafa 67 lɛ mli wiemɔi afata he.

Min. 15: Asafoŋ Niiashikpamɔi. Ha toibolɔi lɛ agba niiashikpamɔi ni amɛná yɛ nyɔji ni akɛtsu nitsumɔi krɛdɛɛ tamɔ gbɛgbalɔi awamɔ nitsumɔ, shikpɔji ni akɛwoko mɔ ko dɛŋ lɛ mli nitsumɔ, kpokpaa nɔkwɛlɔ lɛ saramɔ, kɛ nibii krokomɛi lɛ ahe sane. Tsĩi mɔdɛŋ ni abɔ, kɛ nɔ ni anyɛ atsu lɛ tã. Jiemɔ mɛi fɛɛ ayi yɛ mɔdɛŋ ni amɛbɔ yɛ nyɔji ni atsu nitsumɔi krɛdɛɛ yɛ mli lɛ hewɔ.

Lala 175 kɛ naagbee sɔlemɔ.

[Shishigbɛ niŋmai]

Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.