Teokrase Sɔɔmɔ Skul He Gbɛjianɔtoo Kɛha 2005
Gbɛtsɔɔmɔi
Yɛ afi 2005 mli lɛ, nɔ ni nyiɛ sɛɛ nɛɛ baafee gbɛjianɔi ni ato kɛha Teokrase Sɔɔmɔ Skul lɛ nɔkwɛmɔ.
WOJI NI AKƐBAATSU NII: Ga Biblia lɛ, Buu-Mɔɔ [w-GA], Ná Teokrase Sɔɔmɔ Skul Tsɔsemɔ lɛ He Sɛɛ [be-GA], “All Scripture Is Inspired of God and Beneficial” (Afi 1990 Nɔ̃) [si], kɛ Reasoning From the Scriptures (Afi 1989 Nɔ̃) [rs].
Esa akɛ aje skul lɛ shishi YƐ BE NAA PƐPƐƐPƐ kɛ lala, sɔlemɔ, kɛ hiɛkpamɔ wiemɔ ni akɛhereɔ mɛi atuu koni agbɛnɛ akɛ nɔ ni nyiɛ sɛɛ nɛɛ atsa nɔ:
WIEMƆ SU: Minitii 5. Skul nɔkwɛlɔ lɛ, mɔ ni yeɔ buaa lɛ kɛwoɔ ŋaa lɛ, loo onukpa kroko ni he esa baawie wiemɔ su ni damɔ Sɔɔmɔ Skul nikasemɔ wolo lɛ nɔ lɛ he. (Yɛ asafoi ni onukpai ni yɔɔ mli lɛ ayi faaa lɛ, abaanyɛ akɛ asafoŋ sɔɔlɔ ko ni he esa atsu nii.) Kɛ okadi ko etsɔɔɔ lɛ, esa ákɛ akɛ akrabatsai ni yɔɔ baafai ni akɛ nitsumɔ eha yɛ mli lɛ amli lɛ afata sanegbaa lɛ he. Esa akɛ ashi nifeemɔi ni yɔɔ mli lɛ. Afee enɛɛmɛi titri koni mɔ aŋkro kɛtsu nii, kɛ ŋaawoo ni akɛbaaha yɛ teemɔŋ.
NIFEEMƆ NI JI 1: Minitii 10. Esa akɛ onukpa ko ni he esa loo asafoŋ sɔɔlɔ ko ni he esa atsu enɛ he nii, ni ebaadamɔ Buu-Mɔɔ, Ná Teokrase Sɔɔmɔ Skul Tsɔsemɔ lɛ He Sɛɛ, loo “All Scripture Is Inspired of God and Beneficial” lɛ nɔ. Esa akɛ akɛ minitii nyɔŋma aha akɛ tsɔsemɔ wiemɔ ni sanebimɔi kɛ hetooi fataaa he. Esaaa akɛ oti ni ma hiɛ lɛ feɔ akɛ aaawie nibii fɛɛ ni kɔɔ sane lɛ he lɛ he, shi moŋ ni agbala jwɛŋmɔ kɛya bɔ ni saji ni asusuɔ he lɛ he yɔɔ sɛɛnamɔ waa ha lɛ nɔ, ni ama nibii ni he baaba sɛɛnamɔ babaoo kɛha asafo lɛ nɔ mi. Esa ákɛ akɛ saneyitso ni akɛha lɛ atsu nii. Aakpa gbɛ akɛ nyɛmimɛi hii ni akɛ nifeemɔ nɛɛ woɔ amɛdɛŋ lɛ baakwɛ jogbaŋŋ koni amɛye be ni akɛha lɛ nɔ pɛpɛɛpɛ. Abaanyɛ akɛ ŋaawoo aha yɛ teemɔŋ kɛ́ ehe miihia.
BIBLIA KANEMƆ MLI OTII ANƆMIMAA: Minitii 10. Esa akɛ onukpa ko ni he esa loo asafoŋ sɔɔlɔ ko ni he esa kɛ klɛŋklɛŋ minitii ekpaa lɛ atsu enɛ he nii, ni eha wiemɔ lɛ akɔ asafo lɛ hiamɔ nii ahe. Ebaanyɛ ewie Biblia kanemɔ kɛha otsi lɛ fã fɛɛ fã ko he. Esaaa akɛ enɛ feɔ nikanemɔ ni akɛha lɛ he naamuamɔ ko kɛkɛ. Yiŋtoo titri lɛ ji koni aye abua toibolɔi lɛ ni amɛnu nɔ hewɔ kɛ bɔ ni sane lɛ he yɔɔ sɛɛnamɔ ha lɛ shishi. Esa akɛ wielɔ lɛ akwɛ jogbaŋŋ koni ekaye fe minitii ekpaa ni akɛha kɛha wiemɔ lɛ shishijee fã lɛ. Esa akɛ ekwɛ koni ekɛ naagbee minitii ejwɛ lɛ atsu nii koni toibolɔi lɛ kɛ amɛhe awo mli. Esa ákɛ afɔ̃ toibolɔi lɛ nine koni amɛkɛ (hiŋmɛitswai 30 loo nɔ ni shɛɛɛ nakai) wiemɔi kukuji atsɔɔ saji otii ni amɛná he miishɛɛ yɛ Biblia kanemɔ lɛ mli lɛ ni amɛkɛ sɛɛnamɔi ni yɔɔ mli lɛ aha. No sɛɛ lɛ skul nɔkwɛlɔ lɛ baaŋmɛ skulbii ni aha amɛ nifeemɔ yɛ skultsui krokomɛi amli lɛ gbɛ koni amɛya.
NIFEEMƆ NI JI 2: Minitii 4. Enɛ ji nikanemɔ ni akɛbaaha nyɛmi nuu. Nikanemɔ lɛ baajɛ Biblia lɛ mli yɛ bei pii amli. Abaajie nifeemɔ lɛ kɛbaajɛ Buu-Mɔɔ lɛ mli shikome yɛ nyɔŋ kome mli. Esa akɛ skulnyo lɛ akane nifeemɔ ni akɛwo edɛŋ lɛ ni ekpaaa hiɛ loo ni ebaamu naa. Nii abɔ ni abaakane yɛ otsi fɛɛ otsi mli lɛ falɛ efeŋ pɛpɛɛpɛ, shi esa akɛ ehé minitii ejwɛ loo nɔ ni shɛɛɛ nakai. Esa akɛ skul nɔkwɛlɔ lɛ akwɛ nifeemɔ lɛ mli dani ekɛ nifeemɔi lɛ aha, ni ekɛ nifeemɔ lɛ ato afii abɔ ni skulbii lɛ eye kɛ amɛnyɛmɔ he. Esa akɛ skul nɔkwɛlɔ lɛ aná he miishɛɛ titri akɛ eeeye ebua skulbii lɛ koni amɛkane nii kɛ shishinumɔ, naatselɛ, shishinumɔ ni yɔɔ sɛɛ lɛ nɔmimaa jogbaŋŋ, gbee tsakemɔ, sɛŋnumii ni sa, kɛ bɔ ni mɔ lɛ gbee yɔɔ lɛ ni ekɛaawie.
NIFEEMƆ NI JI 3: Minitii 5. Akɛ nifeemɔ nɛɛ baaha nyɛmi yoo. Abaaha skulbii ni akɛ nifeemɔ nɛɛ woɔ amɛdɛŋ lɛ shihilɛ ni amɛkɛbaatsu nii, loo amɛbaanyɛ amɛhala eko kɛjɛ nɔ ni ato naa yɛ baafa 82 yɛ Sɔɔmɔ Skul nikasemɔ wolo lɛ mli lɛ mli. Esa akɛ skulnyo lɛ kɛ saneyitso ni akɛha lɛ lɛ atsu nii koni ekɛto shiɛmɔ nitsumɔ lɛ fã pɔtɛɛ ko ni yɔɔ ni anyɛɔ atsuɔ he nii yɛ asafo lɛ shikpɔŋkuku lɛ mli lɛ he. Kɛji akɛ atsɔɔɔ he ni ajie nifeemɔ lɛ kɛjɛ lɛ, ehe baahia ni skulnyo lɛ abua saji anaa kɛha nɛkɛ fã nɛɛ kɛtsɔ niiamlipɛimɔ ni eeefee yɛ woji ni tsulɔ anɔkwafo kɛ nilelɔ kuu lɛ kɛha lɛ amli lɛ nɔ. Esa ákɛ akɛ nifeemɔi ni atsɔɔ he ni abaana saji lɛ yɛ lɛ aha skulbii heei lɛ. Nɔ titri ni skul nɔkwɛlɔ lɛ baasumɔ ni ekwɛ ji bɔ ni skulnyo lɛ baatsu nifeemɔ lɛ he nii eha, kɛ bɔ ni ebaaye ebua shianyɛ lɛ koni esusu Ŋmalɛi lɛ ahe ni enu saji otii titrii ni yɔɔ nifeemɔ lɛ mli lɛ ashishi. Esa akɛ skulbii ni akɛ nifeemɔ nɛɛ baawo amɛdɛŋ lɛ afee mɛi ni le nikanemɔ. Skul nɔkwɛlɔ lɛ baato gbɛjianɔ koni yelikɛbualɔ kome afata ehe.
NIFEEMƆ NI JI 4: Minitii 5. Esa akɛ skulnyo lɛ kɛ nifeemɔ ni akɛha lɛ lɛ mli saneyitso lɛ ato ewiemɔ lɛ he gbɛjianɔ koni eha. Kɛji akɛ atsɔɔɔ he ni ajie nifeemɔ lɛ kɛjɛ lɛ, ehe baahia ni skulnyo lɛ abua saji anaa kɛha nɛkɛ fã nɛɛ kɛtsɔ niiamlipɛimɔ ni eeefee yɛ woji ni tsulɔ anɔkwafo kɛ nilelɔ kuu lɛ kɛha lɛ amli lɛ nɔ. Kɛ́ akɛ nifeemɔ lɛ wo nyɛmi nuu ko dɛŋ lɛ, esa akɛ atsu fã nɛɛ he nii akɛ wiemɔ ni ahaa tɛ̃ɛ, ni esa akɛ ekɔ toibolɔi ni yɔɔ Maŋtsɛyeli Asa lɛ nɔ lɛ ahe. Kɛ́ akɛ nifeemɔ nɛɛ ha nyɛmi yoo ko lɛ, esa akɛ etsu he nii tamɔ bɔ ni Nifeemɔ ni ji 3 lɛ ji lɛ nɔŋŋ. Skul nɔkwɛlɔ lɛ baanyɛ ekɛ Nifeemɔ ni ji 4 lɛ aha nyɛmi nuu ko be fɛɛ be ni enaa akɛ ehi akɛ efee nakai. Nyɛfainɛ, nyɛkadia akɛ esa ákɛ akɛ saji ni asterisks (kadimɔnii) yɔɔ he lɛ aha nyɛmimɛi hii koni amɛtsu he nii akɛ wiemɔ ni ahaa lɛ tɛ̃ɛ.
BE: Esaaa akɛ wiemɔ ko ni ahaa lɛ tekeɔ be ni ato lɛ, loo ŋaawolɔ lɛ ŋaawoo lɛ tekeɔ be lɛ. Esa akɛ atsɔ ŋaa gbɛ nɔ afo Nifeemɔ ni ji 2 kɛyashi Nifeemɔ ni ji 4 lɛ nɔ kɛji be lɛ shɛ. Kɛji nyɛmimɛi hii ni tsuɔ shishijee wiemɔ lɛ he nii yɛ wiemɔ su, Nifeemɔ ni ji 1, loo Biblia kanemɔ mli otii lɛ anɔmimaa he lɛ ye be lɛ, esa akɛ awo amɛ ŋaa yɛ teemɔŋ. Esa akɛ mɔ fɛɛ mɔ akwɛ be lɛ jogbaŋŋ. Gbɛjianɔtoo muu lɛ fɛɛ baahe: Minitii 45, ni lala kɛ sɔlemɔ fataaa he.
ŊAAWOO: Miniti 1. Skul nɔkwɛlɔ lɛ baaŋɔ nɔ ni faaa fe miniti kome yɛ skulnyo fɛɛ skulnyo nifeemɔ sɛɛ koni ekɛwie nibii kpakpai ni eyɔse yɛ nifeemɔ lɛ mli ni sa yijiemɔ lɛ he. Oti ni ma ehiɛ lɛ jeee ni ekɛɛ kɛkɛ akɛ “obɔ mɔdɛŋ,” shi moŋ, koni egbala jwɛŋmɔ kɛya yiŋtoi pɔtɛɛi komɛi ahewɔ ni nakai nifeemɔ lɛ fã lɛ ji nɔ ni mɔɔ shi jogbaŋŋ lɛ nɔ. Ekolɛ abaanyɛ akɛ ŋaawoo ni sa jogbaŋŋ aha yɛ teemɔŋ yɛ kpee lɛ sɛɛ loo yɛ be kroko mli, yɛ skulnyo fɛɛ skulnyo hiamɔ nii anaa.
ŊAAWOLƆ NI YEƆ BUAA: Onukpai akuu lɛ baanyɛ ahala onukpa ko ni he esa kɛji mɔ ko yɛ, kɛfata skul nɔkwɛlɔ lɛ he koni etsu nii akɛ ŋaawolɔ ni yeɔ ebuaa. Kɛji ákɛ onukpai babaoo yɛ asafo lɛ mli lɛ, no lɛ daa afi lɛ, onukpa kroko ni he esa baanyɛ akwɛ nɛkɛ nitsumɔ nɛɛ nɔ. Ŋaawolɔ ni yeɔ ebuaa lɛ nitsumɔ baafee ŋaawoo ni ekɛaaha nyɛmimɛi hii ni tsuɔ Nifeemɔ ni ji 1 lɛ kɛ Biblia kanemɔ mli otii lɛ anɔmimaa lɛ ahe nii yɛ teemɔŋ, kɛji ehe miihia. Ehe ehiaaa ni ekɛ ŋaawoo aha yɛ wiemɔi ní nanemɛi onukpai kɛ asafoŋ sɔɔlɔi tsuɔ he nii nɛɛ ateŋ eko fɛɛ eko he. Gbɛjianɔtoo nɛɛ baaya nɔ atsu nii yɛ afi 2005, ni no sɛɛ lɛ ekolɛ abaafee tsakemɔi yɛ he.
ŊAAWOO WOLO: Eyɛ nikasemɔ wolo lɛ mli.
SAJI AMLITĨI KƐTSƆ SANEBIMƆI KƐ HETOOI ANƆ: Minitii 30. Daa nyɔji enyɔ lɛ, skul nɔkwɛlɔ lɛ baatĩ saji amli kɛtsɔ sanebimɔi kɛ hetooi anɔ. Dani enɛ baaba lɛ abaatsɔ hiɛ asusu wiemɔ su ko kɛ Biblia kanemɔ mli otii lɛ anɔmimaa he taakɛ atsɔɔ mli kɛtsɔ hiɛ lɛ. Saji lɛ amlitĩi kɛtsɔ sanebimɔi kɛ hetooi anɔ lɛ baadamɔ saji ní asusu he yɛ skul lɛ mli yɛ nyɔji enyɔ ni etsɔ hiɛ lɛ amli lɛ nɔ, ni otsi mli ni ayɔɔ ni akɛtsuɔ he nii lɛ nɔ̃ fata he. Kɛ́ nyɛ asafo lɛ baaya kpokpaa nɔ kpee loo kpokpaa nɔkwɛlɔ lɛ baasara nyɛ yɛ otsi ni akɛbaafee saji amlitĩi kɛtsɔ sanebimɔi kɛ hetooi anɔ lɛ, no lɛ nyɛkɛ gbɛtsɔɔmɔi ni yɔɔ Wɔ Maŋtsɛyeli Sɔɔmɔ ni je kpo yɛ December 2003 lɛ baafa 6 lɛ atsua nii.
NIFEEMƆ HE GBƐJIANƆTOO
Jan. 3 Biblia kanemɔ: Yoshua 16–20 Lala 6
Wiemɔ Su: Mɛi Krokomɛi Nuɔ Shishi (be-GA bf. 226 kk. 1–bf. 227 kk. 2)
No. 1: She Anɔkwa Nyɔŋmɔ lɛ Gbeyei (be-GA bf. 272 kk. 1–bf. 273 kk. 1)
No. 2: Yoshua 16:1–17:4
No. 3: Nɔ Hewɔ ni Biblia lɛ Kanemɔ Pɛ Kɛkɛ Faaa (rs bf. 328 kk. 2-3)
No. 4: Ani Shikatsɛ loo Ohiafo ni Oji lɛ Tsɔɔ Ŋmɛnɛ akɛ Osheɔ Nyɔŋmɔ Gbeyei Jogbaŋŋ?
Jan. 10 Biblia kanemɔ: Yoshua 21–24 Lala 100
Wiemɔ Su: Tsɔɔmɔ Wiemɔi ni Anuuu Shishi lɛ Mli (be-GA bf. 227 kk. 3–bf. 228 kk. 1)
No. 1: Nyɔŋmɔ Gbɛi lɛ ní Wɔɔha Ale (be-GA bf. 273 kk. 2–bf. 274 kk. 1)
No. 2: Yoshua 23:1-13
No. 3: Anɔkwa Jamɔ Damɔ Biblia lɛ nɔ ni Ehaa Aleɔ Nyɔŋmɔ Gbɛi (rs bf. 328 kk. 4-5)
No. 4: Ani Eja Gbɛ akɛ Aaajá Yesu?
Jan. 17 Biblia kanemɔ: Kojolɔi 1–4 Lala 97
Wiemɔ Su: Okɛ Saji Amlitsɔɔmɔ ni He Hiaa Aha (be-GA bf. 228 kk. 2-3)
No. 1: Mɔ ni akɛ Nakai Gbɛi lɛ Le Lɛ (be-GA bf. 274 kk. 2-5)
No. 2: Kojolɔi 2:1-10
No. 3: Anɔkwa Jamɔ lɛ Jieɔ Yesu Kristo Mli Anɔkwa Hemɔkɛyeli Kpo (rs bf. 329 kk. 1)
No. 4: Mɛɛ Gbɛ Nɔ Oootsɔ Obu Ohe Kɛjɛ Lalai Vidioi ni Yeɔ Awui lɛ Ahe?
Jan. 24 Biblia kanemɔ: Kojolɔi 5-7 Lala 47
Wiemɔ Su: Bɔ ni Ekɔɔ Tsui lɛ He (be-GA bf. 228 kk. 4–bf. 229 kk. 1)
No. 1: Nyɔŋmɔ Gbɛi Lɛ—“Mɔ̃ɔ ni Wa” (be-GA bf. 274 kk. 6–bf. 275 saneyitso bibioo)
No. 2: Kojolɔi 6:25-35
No. 3: Te Esa akɛ Biblia lɛ Aná Hegbɛ ni Wɔyɔɔ ni Wɔkɛhalaa Nibii ni Wɔsumɔɔ lɛ Anɔ Hewalɛ Eha Tɛŋŋ?
No. 4: Anɔkwa Jamɔ lɛ Jeee Jabejabe Nifeemɔ, Shi Eji Shihilɛ Gbɛ (rs bf. 329 kk. 2)
Jan. 31 Biblia kanemɔ: Kojolɔi 8-10 Lala 174
Wiemɔ Su: Adafitswaa loo Nitsɔɔmɔ Yɛ Mli Kɛha Otoibolɔi Lɛ (be-GA bf. 230 kk. 1-6)
No. 1: Yesu He Odase ní Wɔɔye (be-GA bf. 275 saneyitso bibioo)
No. 2: w03-GA 1/15 bf. 19-20 kk. 16-18
No. 3: Anɔkwa Jamɔ lɛ Mli Bii Sumɔɔ Amɛhe ni Amɛtsiɔ Amɛhe Kɛjɛɔ Je lɛ He (rs bf. 329 kk. 3-4)
No. 4: Heloonaa Ninámɔ Sɛɛdii Jeee Heloonaa Nibii Kɛkɛ ni Aaaná
Feb. 7 Biblia kanemɔ: Kojolɔi 11-14 Lala 209
Wiemɔ Su: Ní Aaatsɔ Niiamlitaomɔ Nɔ Aha Wiemɔ Afee Nɔ ni Adafitswaa loo Nitsɔɔmɔ Yɔɔ Mli (be-GA bf. 231 kk. 1-3)
No. 1: Gbɛfaŋnɔ ni Yesu Tsuɔ akɛ Kpɔlɔ lɛ Nɔ Mi ni Aaama (be-GA bf. 276 kk. 2-3)
No. 2: Kojolɔi 12:1-15
No. 3: Nɔ Hewɔ ni Ekomefeemɔ Yɔɔ Yehowa Odasefoi Ateŋ Lɛ
No. 4: Anɔkwa Jamɔ lɛ Mli Bii Ji Nyɔŋmɔ Maŋtsɛyeli lɛ He Odasefoi ni Yɔɔ Ekãa (rs bf. 330 kk. 1)
Feb. 14 Biblia kanemɔ: Kojolɔi 15-18 Lala 105
Wiemɔ Su: Ŋmalɛi Amligbalamɔ (be-GA bf. 231 kk. 4-5)
No. 1: Gbɛfaŋnɔ ni Yesu Tsuɔ akɛ Osɔfonukpa kɛ Asafo lɛ Yitso lɛ Nɔ Mi ni Aaama (be-GA bf. 277 kk. 1-2)
No. 2: Kojolɔi 15:9-20
No. 3: #Kɛ́ Mɔ ko Kɛɛ akɛ, ‘Kɛ́ Oheɔ Yesu Nɔ Oyeɔ lɛ, Belɛ Jamɔ Mli ni Oyɔɔ lɛ Kɔɔɔ He Eko’ (rs bf. 332 kk. 2)
No. 4: Nɔ Hewɔ ni Hypnotism (Wɔ̀ ni Mɔ ko Haa Aŋkro ko Wɔɔ yɛ Naakpɛɛ Gbɛ Nɔ) Ehiii Haaa Kristofoi
Feb. 21 Biblia kanemɔ: Kojolɔi 19-21 Lala 53
Wiemɔ Su: Wiemɔi Amlitsɔɔmɔ (be-GA bf. 232 kk. 1)
No. 1: Gbɛfaŋnɔ ni Yesu Tsuɔ akɛ Maŋtsɛ ni Miiye Nɔ lɛ Nɔ Mi ni Aaama (be-GA bf. 277 kk. 3-4)
No. 2: w03-GA 2/1 bf. 17-18 kk. 18-21
No. 3: #Kɛ́ Mɔ ko Kɛɛ akɛ, ‘Mɛni Hewɔ Nyɛsusuɔ akɛ Anɔkwa Jamɔ Kome Pɛ Yɔɔ Lɛ?’ (rs bf. 332 kk. 3)
No. 4: Mɛni Ji “Nyɔŋmɔ Nibii ni Mli Kwɔlɔ” lɛ Ekomɛi? (1 Kor. 2:10)
Feb. 28 Biblia kanemɔ: Rut 1-4 Lala 120
Wiemɔ Su: Ŋmalɛi Amlitsɔɔmɔ (be-GA bf. 232 kk. 2-4)
Saji Amlitĩi Kɛtsɔ Sanebimɔi kɛ Hetooi Anɔ
Mar. 7 Biblia kanemɔ: 1 Samuel 1-4 Lala 221
Wiemɔ Su: Ní Ooohala Wiemɔ ni He Baaba Sɛɛnamɔ Kɛha Otoibolɔi Lɛ (be-GA bf. 233 kk. 1-5)
No. 1: Kristo ní Wɔbaatswa Lɛ akɛ Faneshi (be-GA bf. 278 kk. 1-4)
No. 2: 1 Samuel 2:1-11
No. 3: Yesu Kɛ Heloonaa Gbɔmɔtso Eyaaa Ŋwɛi (rs bf. 334 kk. 1-3)
No. 4: Nɔ Hewɔ ni Anɔkwa Kristofoi Eyaaa Ŋulamiiaŋkwɛlɔi Aŋɔɔ
Mar. 14 Biblia kanemɔ: 1 Samuel 5-9 Lala 151
Wiemɔ Su: Sane ni Akɛha lɛ Kɛ Nitsumɔ (be-GA bf. 234 kk. 1–bf. 235 kk. 3)
No. 1: Maŋtsɛyeli lɛ He Sanekpakpa Nɛɛ (be-GA bf. 279 kk. 1-4)
No. 2: 1 Samuel 5:1-12
No. 3: Nɔ Hewɔ ni Yesu Pue Kɛ Helooŋ Gbɔmɔtsei Lɛ (rs bf. 334 kk. 4–bf. 335 kk. 2)
No. 4: Bɔ ni Wɔɔfee Wɔwo Wɔkɛ Yehowa Teŋ Naanyobɔɔ lɛ Mli Hewalɛ
Mar. 21 Biblia kanemɔ: 1 Samuel 10-13 Lala 166
Wiemɔ Su: Sanebimɔi ni Akɛbaatsu Nii Kɛmɔ Shi (be-GA bf. 236 kk. 1-5)
No. 1: Ní Aaatsɔɔ Nɔ ni Maŋtsɛyeli lɛ Ji lɛ Mli (be-GA bf. 280 kk. 1-5)
No. 2: 1 Samuel 10:1-12
No. 3: Te Esa akɛ Kristofoi Kɛ Amɛsuɔlɔi ni Heee Yeee lɛ Aye Aha Tɛŋŋ?
No. 4: Mɛi ni Ateeɔ Amɛ Shi Koni Amɛkɛ Kristo Aye Maŋtsɛ lɛ Baatamɔ Lɛ (rs bf. 335 kk. 4–bf. 336 kk. 2)
Mar. 28 Biblia kanemɔ: 1 Samuel 14-15 Lala 172
Wiemɔ Su: Sanebimɔi ni Akɛkpáa Susumɔi ni He Hiaa Ahiɛ (be-GA bf. 237 kk. 1-2)
No. 1: Ní Aaatsɔɔ Bɔ ni Maŋtsɛyeli lɛ Náa Wɔnɔ Hewalɛ Ehaa lɛ Mli (be-GA bf. 281 kk. 1-4)
No. 2: w03 3/15 bf. 19-20 kk. 17-21
No. 3: Nɔ Hewɔ ni Kristofoi Woɔ Amɛtooi Srɔtoi Lɛ
No. 4: Nɔ ni Gbohiiashitee lɛ Baatsɔɔ Kɛha Adesai Babaoo (rs bf. 336 kk. 3–bf. 337 kk. 3)
Apr. 4 Biblia kanemɔ: 1 Samuel 16-18 Lala 27
Wiemɔ Su: Sanebimɔi ni Akɛaasusu Sane Oti ko He (be-GA bf. 237 kk. 3–bf. 238 kk. 2)
No. 1: Nɔ Hewɔ ni Wolokasemɔ He Hiaa Kristofoi (w03-GA 3/15 bf. 10 kk. 1–bf. 11 kk. 5)
No. 2: 1 Samuel 17:41-51
No. 3: Nɔ Hewɔ ni Akɛ Mɛi ni Abaatee Amɛ Shi lɛ Atsutsu Nifeemɔi Ebuŋ Amɛ Fɔ́ Lɛ (rs bf. 338 kk. 1)
No. 4: Nibii ni Jɛɔ Nɔ ko Mli Baa lɛ He ni Wɔɔsusu lɛ Baanyɛ Aye Abua Wɔ Koni Wɔsumɔ Ekpakpa ni Wɔnyɛ̃ Efɔŋ
Apr. 11 Biblia kanemɔ: 1 Samuel 19-22 Lala 73
Wiemɔ Su: Sanebimɔi ni Akɛaajie Mligbɛ Henumɔi Akpo (be-GA bf. 238 kk. 3-5)
No. 1: Bɔ ni Oblayei kɛ Oblahii Aaafee Amɛya Amɛhiɛ yɛ Mumɔŋ (w03-GA 4/1 bf. 8-10)
No. 2: 1 Samuel 20:24-34
No. 3: Nɔ Hewɔ ni Anɔkwa Heshibaa Ji Su ko ni Asumɔɔ Waa Lɛ
No. 4: Bɔ ni “Gbohii ni Eshwɛ lɛ” Baa Wala Mli yɛ Shikpɔŋ lɛ Nɔ (rs bf. 338 kk. 2–bf. 339 kk. 2)
Apr. 18 Biblia kanemɔ: 1 Samuel 23-25 Lala 61
Wiemɔ Su: Sanebimɔi ni Akɛaama Nii Anɔ Mi (be-GA bf. 239 kk. 1-2)
No. 1: Okɛ Ohiɛ Afɔ̃ Yehowa Nɔ Kɛ Otsui Fɛɛ (w03-GA 11/1 bf. 4-7)
No. 2: w03-GA 5/1 bf. 17 kk. 11-14
No. 3: Mɛi ni Fata Mɛi ni Abaatee Amɛ Shi Kɛba Shikpɔŋ Nɔ lɛ Ahe (rs bf. 339 kk. 3–bf. 340 kk. 3)
No. 4: Nɔ Hewɔ ni Akɛ Abraham Fee Kpaŋmɔ Lɛ
Apr. 25 Biblia kanemɔ: 1 Samuel 26-31 Lala 217
Wiemɔ Su: Sanebimɔi ni Akɛaakpa Susumɔi Gbohii Ahe Mama (be-GA bf. 239 kk. 3-5)
Saji Amlitĩi Kɛtsɔ Sanebimɔi kɛ Hetooi Anɔ
May 2 Biblia kanemɔ: 2 Samuel 1-3 Lala 91
Wiemɔ Su: Nii ni Akɛtoɔ Nɔ ko He kɛ Okadifeemɔŋ Wiemɔi ni Tsɔɔ Mɔ Nii (be-GA bf. 240 kk. 1–bf. 241 kk. 1)
No. 1: Wolokasemɔ Jeee Nɔ ni Yɔɔ Kɛha Nitsumɔ Pɛ (w03-GA 3/15 bf. 11 kk. 6–bf. 14 kk. 6)
No. 2: 2 Samuel 2:1-11
No. 3: Nibii ni Tsɔɔ Ba ni Kristo Eba lɛ Baaya Nɔ Afii Babaoo (rs bf. 341 kk. 1-2)
No. 4: Sɛɛnamɔi Babaoo ni Yɔɔ Anɔkwayeli He
May 9 Biblia kanemɔ: 2 Samuel 4-8 Lala 183
Wiemɔ Su: Nɔkwɛmɔnii Kɛ Nitsumɔ (be-GA bf. 241 kk. 2-bf. 242 kk. 1)
No. 1: Yehowa yɛ Oblahii kɛ Oblayei Ahe Anɔkwa Miishɛɛ (w03-GA 4/15 bf. 29 kk. 4–bf. 31 kk. 4)
No. 2: 2 Samuel 5:1-12
No. 3: Mɛni Mla Kpaŋmɔ lɛ Tsu?
No. 4: Anaaa Kristo Sɛɛkuu Lɛ (rs bf. 341 kk. 3–bf. 342 kk. 2)
May 16 Biblia kanemɔ: 2 Samuel 9-12 Lala 66
Wiemɔ Su: Nɔkwɛmɔnii ni Yɔɔ Ŋmalɛ lɛ Mli (be-GA bf. 242 kk. 2-3)
No. 1: Ani Yehowa Naa Nɔ ni Ofeɔ Lɛ? (w03-GA 5/1 bf. 28-31)
No. 2: 2 Samuel 9:1-13
No. 3: Gbɛ Nɔ ni Yesu Tsɔɔ Ekuɔ Esɛɛ kɛ Bɔ ni Hiŋmɛi Fɛɛ Hiŋmɛi Baana Lɛ (rs bf. 342 kk. 4–bf. 343 kk. 5)
No. 4: Nyɔŋmɔ Wiemɔ lɛ Hiɛ Kã yɛ Mɛɛ Gbɛ̀i Anɔ? (Heb. 4:12)
May 23 Biblia kanemɔ: 2 Samuel 13-15 Lala 103
Wiemɔ Su: Ani Abaanu Shishi? (be-GA bf. 242 kk. 4–bf. 243 kk. 1)
No. 1: Sane ni Noa Ŋma Lɛ—Ani Shishinumɔ ko Yɛ He Kɛha Wɔ? (w03-GA 5/15 bf. 4-7)
No. 2: 2 Samuel 13:10-22
No. 3: Te Esa akɛ Wɔnu Yohane 11:25, 26 lɛ Shishi Wɔha Tɛŋŋ?
No. 4: Nibii ni Tsɔɔ Ba ni Kristo Eba (rs bf. 344 kk. 1-5)
May 30 Biblia kanemɔ: 2 Samuel 16-18 Lala 132
Wiemɔ Su: Nɔkwɛmɔnii ni Damɔ Shihilɛi ni Ale Nɔ (be-GA bf. 244 kk. 1-2)
No. 1: Susumɔ Nii Ahe Jogbaŋŋ ni Ofee Onii yɛ Nilee Mli (w03-GA 7/15 bf. 21-23)
No. 2: w03-GA 5/15 bf. 16-17 kk. 8-11
No. 3: Abiii ni Kristofoi Aye Hejɔɔmɔ Gbi (rs bf. 345 kk. 2–bf. 346 kk. 3)
No. 4: Nɔ Hewɔ ni Heshibaa Jeee Gbɔjɔmɔ Lɛ
June 6 Biblia kanemɔ: 2 Samuel 19-21 Lala 224
Wiemɔ Su: Nɔkwɛmɔnii ni Sa Otoibolɔi Lɛ (be-GA bf. 244 kk. 3–bf. 245 kk. 4)
No. 1: Yiŋtoo ni Yɔɔ Tsɔsemɔ Sɛɛ lɛ Shishi ni Wɔɔnu (w03-GA 10/1 bf. 20 kk. 1–bf. 21 kk. 6)
No. 2: 2 Samuel 19:2-11
No. 3: Mɛɛ Gbɛ Nɔ Kristofonyo ko Aaatsɔ Abote Nyɔŋmɔ Hejɔɔmɔ lɛ Mli?
No. 4: Biblia Mli Sane ko Kwraa Bɛ ni Tsɔɔ akɛ Adam ye Hejɔɔmɔ Gbi (rs bf. 346 kk. 4–bf. 347 kk. 2)
June 13 Biblia kanemɔ: 2 Samuel 22-24 Lala 74
Wiemɔ Su: Mfonirii Kɛ Nitsumɔ ni Mɔɔ Shi (be-GA bf. 247 kk. 1-2)
No. 1: Feemɔ Mɔ ni Kpɛlɛɔ Tsɔsemɔ Nɔ ni Obu Olilɛi He (w03-GA 9/15 bf. 21 kk. 1–bf. 22 kk. 3)
No. 2: 2 Samuel 24:10-17
No. 3: Yesu Gbálaaa Mose Mla lɛ Mli Ewooo Fãi ni Kɔɔ “Jamɔ” kɛ “Jeŋba” He lɛ Mli (rs bf. 347 kk. 3–bf. 348 kk. 1)
No. 4: Esa akɛ Kristofonyo Atsi Ehe Kɛjɛ Je lɛ He yɛ Mɛɛ Gbɛ̀i Anɔ?
June 20 Biblia kanemɔ: 1 Maŋtsɛmɛi 1–2 Lala 2
Wiemɔ Su: Bɔ ni Yesu Kɛ Mfonirii Tsu Nii Eha (be-GA bf. 247 kk. 3)
No. 1: Nɔ Diɛŋtsɛ ni Haa Mɔ Mii Shɛɔ Nii ni Eyɔɔ lɛ He lɛ ni Wɔɔkase (w03-GA 6/1 bf. 8-11)
No. 2: w03-GA 6/1 bf. 12-13 kk. 1-4
No. 3: Mɛni He Hiaa Waa Titri yɛ Kita ni Ji Nyɔŋma lɛ He?
No. 4: Kitai Nyɔŋma lɛ Kɛ Mose Mla lɛ Ba Naagbee (rs bf. 348 kk. 2-3)
June 27 Biblia kanemɔ: 1 Maŋtsɛmɛi 3-6 Lala 167
Wiemɔ Su: Gbɛ̀i ni Oootsɔ Nɔ Okɛ Mfonirii Atsu Nii (be-GA bf. 248 kk. 1-3)
Saji Amlitĩi Kɛtsɔ Sanebimɔi kɛ Hetooi Anɔ
July 4 Biblia kanemɔ: 1 Maŋtsɛmɛi 7-8 Lala 194
Wiemɔ Su: Shikpɔŋ He Mfonirii, Kpee He Gbɛjianɔtoo ni Akala, kɛ Vidioi ni Akɛaatsu Nii (be-GA bf. 248 kk. 4–bf. 249 kk. 2)
No. 1: Buu Nanemɛi Heyelilɔi ni Amɛgbɔlɔ lɛ akɛ Amɛjara Wa (w03-GA 9/1 bf. 30-31)
No. 2: 1 Maŋtsɛmɛi 8:1-13
No. 3: Mɛɛ Gbɛ Nɔ Yesu Ye Je lɛ Nɔ Kunim Yɛ?
No. 4: Nɔ Hewɔ ni Jeŋba He Naatsii lɛ Sɛɛ Efooo Beni Kitai Nyɔŋma lɛ Ba Naagbee Lɛ (rs bf. 349 kk. 1-2)
July 11 Biblia kanemɔ: 1 Maŋtsɛmɛi 9-11 Lala 191
Wiemɔ Su: Mfonirii kɛ Nitsumɔ Kɛha Kui Wuji (be-GA bf. 249 kk. 3–bf. 250 kk. 1)
No. 1: Odaseyeli ni Tsɔɔ akɛ Yesu Kristo Hi Shikpɔŋ lɛ Nɔ (w03-GA 6/15 bf. 4-7)
No. 2: 1 Maŋtsɛmɛi 9:1-9
No. 3: Nɔ ni Hejɔɔmɔ Gbi lɛ Tsɔɔ Kɛha Kristofoi (rs bf. 349 kk. 3–bf. 351 kk. 2)
No. 4: Abaanyɛ Aye Tsofai Fɔji Kɛ Nitsumɔ Nɔ Kɛtsɔ Biblia Shishitoo Mlai Kɛ Nitsumɔ Nɔ
July 18 Biblia kanemɔ: 1 Maŋtsɛmɛi 12-14 Lala 162
Wiemɔ Su: Nɔ Hewɔ ni Nii Ahesusumɔ Gbɛ He Hiaa Lɛ (be-GA bf. 251 kk. 1-3)
No. 1: Kɛjɛ Susumɔi Anɔ Kɛtee Nifeemɔi Anɔ Kɛtee Nɔ ni Jɛɔ Mli Kɛbaa Nɔ (w03-GA 1/15 bf. 30 kk. 1-3)
No. 2: 1 Maŋtsɛmɛi 12:1-11
No. 3: Bɔ ni Hemɔkɛyeli Baanyɛ Aye Abua Wɔ Koni Wɔdamɔ Kaai Anaa
No. 4: Mɛi ni Biblia lɛ Tsɛɔ Amɛ Hetselɔi Lɛ (rs bf. 352 kk. 1–bf. 353 kk. 1)
July 25 Biblia kanemɔ: 1 Maŋtsɛmɛi 15-17 Lala 158
Wiemɔ Su: He ni Esa akɛ Oje Shishi Kɛjɛ (be-GA bf. 251 kk. 4–bf. 252 kk. 3)
No. 1: Bɔ ni Wɔɔfee ‘Wɔyoo Nii ni Ji Yehowa Suɔmɔnaa Nii’ (w03-GA 12/1 bf. 21 kk. 3–bf. 23 kk. 2)
No. 2: w03-GA 7/15 bf. 19 kk. 15-17
No. 3: Nɔ Hewɔ ni Wɔkɛ Wɔsɔlemɔ Haaa “Hetselɔi” (rs bf. 353 kk. 2-4)
No. 4: Mɛɛ Gbɛ Nɔ Mumɔ Krɔŋkrɔŋ lɛ Shɛjeɔ Kristofoi Amii Yɛ?
Aug. 1 Biblia kanemɔ: 1 Maŋtsɛmɛi 18-20 Lala 207
Wiemɔ Su: Be ni Esa akɛ Oŋmɛɛ He (be-GA bf. 252 kk. 4–bf. 253 kk. 2)
No. 1: Oblahii kɛ Oblayei, Nyɛnyiɛa Bɔ ni Sa Yehowa Hiɛ (w03-GA 10/15 bf. 23 kk. 1–bf. 24 kk. 1)
No. 2: 1 Maŋtsɛmɛi 18:1-15
No. 3: Kristofoi Fɛɛ Baanyɛ Awo Yibii Babaoo
No. 4: Anɔkwa Sane ni Kɔɔ Woo ni Akɛhaa “Hetselɔi” Agbohii kɛ Amagai He (rs bf. 354 kk. 1–bf. 355 kk. 1)
Aug. 8 Biblia kanemɔ: 1 Maŋtsɛmɛi 21-22 Lala 92
Wiemɔ Su: Saji Abimɔ kɛ Saji Amlitsɔɔmɔ (be-GA bf. 253 kk. 3–bf. 254 kk. 2)
No. 1: Ohia Naa Tsabaa ni Hiɔ Shi Daa (w03-GA 8/1 bf. 4-7)
No. 2: 1 Maŋtsɛmɛi 21:15-26
No. 3: Anɔkwa Kristofoi Hetselɔi Jeee Mɛi ni Esha Bɛ Amɛhe (rs bf. 355 kk. 2)
No. 4: Mɛni Hewɔ Esa akɛ Wɔná Ekãa, ni Te Wɔɔfee Tɛŋŋ Wɔná?
Aug. 15 Biblia kanemɔ: 2 Maŋtsɛmɛi 1-4 Lala 16
Wiemɔ Su: Sane Mlitsɔɔmɔ ni Kɔneɔ Mɔ Yiŋ ni Damɔ Nyɔŋmɔ Wiemɔ Nɔ (be-GA bf. 255 kk. 1–bf. 256 kk. 2)
No. 1: Yaka Nyɛná, Yaka Nyɛŋɔhaa (w03-GA 8/1 bf. 20-22)
No. 2: 2 Maŋtsɛmɛi 3:1-12
No. 3: Mɛni Hewɔ Mɛi ni Hi Shi Dani Nu Afua lɛ Ba lɛ Awala Sɛɛ Tsɛ Nɛkɛ?
No. 4: Mɛi Fɛɛ Ayiwalaheremɔ Jeee Nɔ ni Damɔ Ŋmalɛ Nɔ (rs bf. 356 kk. 3)
Aug. 22 Biblia kanemɔ: 2 Maŋtsɛmɛi 5-8 Lala 193
Wiemɔ Su: Okɛ Odaseyeli Kroko Ama Sane Naataamɔ lɛ Nɔ Mi (be-GA bf. 256 kk. 3-5)
No. 1: Hiɛshikamɔ ni Aaajie lɛ Kpo lɛ He Ŋaa lɛ Kasemɔ (w03-GA 8/1 bf. 29-31)
No. 2: w03-GA 8/1 bf. 19 kk. 18-22
No. 3: Ani Abaahere Adesai Fɛɛ Yiwala yɛ Naagbee? (rs bf. 357 kk. 1)
No. 4: Mɛɛ Yona Sui Kpakpai Esa akɛ Wɔkase?
Aug. 29 Biblia kanemɔ: 2 Maŋtsɛmɛi 9-11 Lala 129
Wiemɔ Su: Ni akɛ Odaseyeli ni Fa Saŋŋ Aaaha (be-GA bf. 257 kk. 1–4)
Saji Amlitĩi Kɛtsɔ Sanebimɔi kɛ Hetooi Anɔ
Sept. 5 Biblia kanemɔ: 2 Maŋtsɛmɛi 12-15 Lala 175
Wiemɔ Su: Mɔdɛŋbɔɔ ní Akɛshɛɔ Tsui lɛ He (be-GA bf. 258 kk. 1-bf. 259 kk. 1)
No. 1: Ani Okɛ Mɔdɛŋbɔɔ Miitao Yehowa Sɛɛ Gbɛ? (w03-GA 8/15 bf. 25-28)
No. 2: 2 Maŋtsɛmɛi 12:1-12
No. 3: Mɛni Hewɔ Esa akɛ Otiu Mlijɔlɛ Sɛɛ?
No. 4: Abaahere “Gbɔmɛi Srɔtoi Fɛɛ” Ayiwala (rs bf. 357 kk. 2)
Sept. 12 Biblia kanemɔ: 2 Maŋtsɛmɛi 16-18 Lala 203
Wiemɔ Su: Ni Aaaha Mɛi Atsɔɔ Amɛtsuiaŋ Susumɔi (be-GA bf. 259 kk. 2-4)
No. 1: Mɛni Mɛi Kaiɔ yɛ Yesu He? (w03-GA 8/15 bf. 6 kk. 6–bf. 8 kk. 6)
No. 2: 2 Maŋtsɛmɛi 16:10-20
No. 3: Biblia lɛ Kɛɔ akɛ Ahereŋ Mɛi Komɛi Ayiwala (rs bf. 358 kk. 1-3)
No. 4: Mɛɛ Gbɛ nɔ Wɔɔtsɔ Wɔka Nɔ ko Wɔkwɛ akɛ Esa Nuŋtsɔ lɛ Hiɛ Lo?
Sept. 19 Biblia kanemɔ: 2 Maŋtsɛmɛi 19-22 Lala 89
Wiemɔ Su: Henumɔi ni Sɛɛnamɔi Yɔɔ He ni Oookanya (be-GA bf. 259 kk. 5–bf. 260 kk. 1)
No. 1: ‘Yaa Nɔ Ohiɛ Tsamɔ Wiemɔ lɛ Akadi lɛ Mli’ (w03-GA 1/1 bf. 29 kk. 3–bf. 30 kk. 4)
No. 2: 2 Maŋtsɛmɛi 19:20-28
No. 3: Kɛ́ Abu Bo akɛ Osa Yiwalaheremɔ lɛ Etsɔɔɔ akɛ Ahere Oyiwala (rs bf. 358 kk. 4–bf. 359 kk. 1)
No. 4: Mɛni Wɔbaanyɛ Wɔkase Kɛjɛ Wɔnyɛmimɛi Kristofoi ni Hi Blema Smirna lɛ Adɛŋ?
Sept. 26 Biblia kanemɔ: 2 Maŋtsɛmɛi 23-25 Lala 84
Wiemɔ Su: Ní Aaaye Abua Mɛi Krokomɛi Koni Amɛná Nyɔŋmɔ Gbeyeishemɔ (be-GA bf. 260 kk. 2-3)
No. 1: Biblia lɛ kɛ Emli Anɔkwa Woji Lɛ—Fã 1 (si bf. 299 kk. 1-6)
No. 2: w03-GA 8/15 bf. 20 kk. 6-10
No. 3: Wɔyɛ Jwɛŋmɔ Kpakpa yɛ Wɔsɛɛ Be He
No. 4: Nɔ Hewɔ ni Esa ákɛ Akɛ Nitsumɔi Afata Hemɔkɛyeli He (rs bf. 359 kk. 2-5)
Oct. 3 Biblia kanemɔ: 1 Kronika 1-4 Lala 51
Wiemɔ Su: Wɔjeŋba He Hiaa yɛ Nyɔŋmɔ Hiɛ (be-GA bf. 260 kk. 4–bf. 261 kk. 1)
No. 1: Biblia lɛ kɛ Emli Anɔkwa Woji Lɛ—Fã 2 (si bf. 300-302 kk. 7-16)
No. 2: 1 Kronika 4:24-43
No. 3: Bɔ ni Wɔfeɔ Wɔnáa Wɔleɔ akɛ Abonsam yɛ Diɛŋtsɛ (rs bf. 361 kk. 2–bf. 362 kk. 2)
No. 4: Yehowa Sumɔɔ Wɔ akɛ Aŋkroaŋkroi
Oct. 10 Biblia kanemɔ: 1 Kronika 5-7 Lala 195
Wiemɔ Su: Mɛi Krokomɛi ní Oooye Obua Amɛ ni Amɛpɛi Nii Amli (be-GA bf. 261 kk. 2-4)
No. 1: Biblia lɛ kɛ Emli Anɔkwa Woji Lɛ—Fã 3 (si bf. 302-305 kk. 17-26)
No. 2: 1 Kronika 5:18-26
No. 3: Nɔ ni Wɔle yɛ “Yehowa Gbi lɛ” He
No. 4: Satan Jeee Nɔ Fɔŋ Kɛkɛ ni Yɔɔ Gbɔmɛi Amli (rs bf. 362 kk. 3–bf. 363 kk. 1)
Oct. 17 Biblia kanemɔ: 1 Kronika 8-11 Lala 201
Wiemɔ Su: Ní Aaawo Toiboo ni Jɛ Tsuiŋ lɛ He Hewalɛ (be-GA bf. 262 kk. 1-4)
No. 1: Hebri Ŋmalɛi ni Yɔɔ Ŋmalɛ Krɔŋkrɔŋ lɛ Mli—Fã 1 (si bf. 305-306 kk. 1-5)
No. 2: 1 Kronika 10:1-14
No. 3: Nyɔŋmɔ Ebɔɔɔ Abonsam (rs bf. 363 kk. 2)
No. 4: Namɛi Esa akɛ Wɔkɛ Amɛ Aye yɛ Ŋaa Mli?
Oct. 24 Biblia kanemɔ: 1 Kronika 12-15 Lala 80
Wiemɔ Su: Ní Akɛ Yehowa Aaafee Ekome ni Akɛshɛ Gbɔmɛi Atsui He (be-GA bf. 262 kk. 5)
No. 1: Hebri Ŋmalɛi ni Yɔɔ Ŋmalɛ Krɔŋkrɔŋ lɛ Mli—Fã 2 (si bf. 306-307 kk. 6-9)
No. 2: w03-GA 11/1 bf. 10-11 kk. 10-13
No. 3: Nɔ ni Yehowa Gbɛi Amli ni Aaanyiɛ yɛ lɛ Tsɔɔ Diɛŋtsɛ
No. 4: Nɔ Hewɔ ni Nyɔŋmɔ Kpataaa Satan Hiɛ Amrɔ Nɔŋŋ yɛ Etuatsemɔ lɛ Sɛɛ (rs bf. 363 kk. 3–bf. 364 kk. 1)
Oct. 31 Biblia kanemɔ: 1 Kronika 16-20 Lala 129
Wiemɔ Su: Bɔ ni Ooofee ni Oye Be ni Akɛha Bo lɛ Nɔ (be-GA bf. 263 kk. 1–bf. 264 kk. 4)
Saji Amlitĩi Kɛtsɔ Sanebimɔi kɛ Hetooi Anɔ
Nov. 7 Biblia kanemɔ: 1 Kronika 21-25 Lala 215
Wiemɔ Su: Ŋaawoo ni Mɔɔ Shi (be-GA bf. 265 kk. 1-bf. 266 kk. 1)
No. 1: Hebri Ŋmalɛi ni Yɔɔ Ŋmalɛ Krɔŋkrɔŋ lɛ Mli—Fã 3 (si bf. 307-310 kk. 10-16)
No. 2: 1 Kronika 22:1-10
No. 3: Kaabu Hewalɛ ni Abonsam Yɔɔ lɛ akɛ Nɔ ko Bibioo (rs bf. 364 kk. 2–bf. 365 kk. 2)
No. 4: Bɔ ni Aaafee Awaje Gbalashihilɛ
Nov. 14 Biblia kanemɔ: 1 Kronika 26-29 Lala 35
Wiemɔ Su: Ní Aaawo Ŋaa yɛ Suɔmɔ Mli (be-GA bf. 266 kk. 2-5)
No. 1: Hebri Ŋmalɛi ni Yɔɔ Ŋmalɛ Krɔŋkrɔŋ lɛ Mli—Fã 4 (si bf. 310-312 kk. 17-25)
No. 2: 1 Kronika 29:1-9
No. 3: Nɔ Hewɔ ni Awaa Yehowa Tsuji Ayi
No. 4: Heyeli Kɛmiijɛ Hewalɛ Fɔŋ ni Satan Náa yɛ Mɛi Anɔ lɛ Mli lɛ Ebɛŋkɛ (rs bf. 365 kk. 4–bf. 366 kk. 3)
Nov. 21 Biblia kanemɔ: 2 Kronika 1-5 Lala 46
Wiemɔ Su: Ŋaawoo ni Damɔ Ŋmalɛ lɛ Nɔ (be-GA bf. 266 kk. 6–bf. 267 kk. 1)
No. 1: Hebri Ŋmalɛi ni Yɔɔ Ŋmalɛ Krɔŋkrɔŋ lɛ Mli—Fã 5 (si bf. 312-314 kk. 26-31)
No. 2: 2 Kronika 2:1-10
No. 3: Nú Yiŋtoo ni Yɔɔ Tsɔsemɔ Sɛɛ lɛ Shishi
No. 4: Ani Bɔlɛnamɔi Fɛɛ Ji Esha? (rs bf. 367 kk. 1–bf. 368 kk. 2)
Nov. 28 Biblia kanemɔ: 2 Kronika 6-9 Lala 106
Wiemɔ Su: Ní Aaaná ‘Wiemɔ Mli Heyeli’ (be-GA bf. 267 kk. 2-3)
No. 1: Kristofoi a-Hela Ŋmalɛi ni Yɔɔ Ŋmalɛ Krɔŋkrɔŋ lɛ Mli—Fã 1 (si bf. 315-316 kk. 1-7)
No. 2: w03-GA 12/1 bf. 15-16 kk. 3-6
No. 3: Bɔ ni Wɔfeɔ Wɔhaa Aleɔ akɛ Wɔmii Shɛɔ Yehowa He
No. 4: Nɔ ni Biblia lɛ Kɛɔ yɛ Hii ni kɛ Hii Feɔ Yakayakanii lɛ He (rs bf. 368 kk. 4–bf. 369 kk. 2)
Dec. 5 Biblia kanemɔ: 2 Kronika 10-14 Lala 116
Wiemɔ Su: Nɔ Hewɔ ni Ehe Hiaa ni Ofee Mɔ ni Woɔ Mɔ Hewalɛ (be-GA bf. 268 kk. 1-3)
No. 1: Kristofoi a-Hela Ŋmalɛi ni Yɔɔ Ŋmalɛ Krɔŋkrɔŋ lɛ Mli—Fã 2 (si bf. 316-317 kk. 8-16)
No. 2: 2 Kronika 12:1-12
No. 3: Nɔ Hewɔ ni Nyɔŋmɔ Mlihilɛ ni Wɔsaaa lɛ He Hiaa Wɔ
No. 4: Tsakemɔi ni Esa akɛ Afee Koni Asa Nyɔŋmɔ Hiɛ (rs bf. 369 kk. 3–bf. 370 kk. 1)
Dec. 12 Biblia kanemɔ: 2 Kronika 15-19 Lala 182
Wiemɔ Su: Ní Aaakai Toibolɔi lɛ yɛ Nɔ ni Yehowa Efee lɛ He (be-GA bf. 268 kk. 4–bf. 269 kk. 2)
No. 1: Kristofoi a-Hela Ŋmalɛi ni Yɔɔ Ŋmalɛ Krɔŋkrɔŋ lɛ Mli—Fã 3 (si bf. 317-319 kk. 17-25)
No. 2: 2 Kronika 19:1-11
No. 3: Nɔ Hewɔ ni Gbɔmɔ ni Eye Emuu Nyɛ Efee Esha Lɛ (rs bf. 371 kk. 2–bf. 372 kk. 3)
No. 4: Nɔ ni Wɔbaanyɛ Wɔkase Kɛjɛ Yesu Weku lɛ Mli
Dec. 19 Biblia kanemɔ: 2 Kronika 20-24 Lala 186
Wiemɔ Su: Ní Oootsɔɔ Bɔ ni Yehowa Yeɔ Ebuaa Ewebii Lɛ (be-GA bf. 269 kk. 3-5)
No. 1: Kristofoi a-Hela Ŋmalɛi ni Yɔɔ Ŋmalɛ Krɔŋkrɔŋ lɛ Mli—Fã 4 (si bf. 319-320 kk. 26-32)
No. 2: w03-GA 12/15 bf. 16-17 kk. 13-15
No. 3: Nɔ Diɛŋtsɛ ni Haa Mɔ Mii Shɛɔ Nii ni Eyɔɔ lɛ He lɛ ni Wɔɔkase lɛ He Sɛɛnamɔi
No. 4: Nɔ Hewɔ ni Esa akɛ Wɔyɔse Hiɛdɔɔ ni Yɔɔ Esha He Lɛ (rs bf. 373 kk. 1–bf. 374 kk. 1)
Dec. 26 Biblia kanemɔ: 2 Kronika 25-28 Lala 137
Wiemɔ Su: Miishɛɛ Kpo ni Ooojie yɛ Nɔ ni Nyɔŋmɔ Feɔ Bianɛ lɛ He (be-GA bf. 270 kk. 1–bf. 271 kk. 2)
Saji Amlitĩi Kɛtsɔ Sanebimɔi kɛ Hetooi Anɔ
[Shishigbɛ niŋmai]
Akɛha nyɛmimɛi hii pɛ.
#Kɛ́ be yɛ lɛ, okɛ wiemɔi ni baaha saji ni awieɔ, shitee-kɛ-woo wiemɔi, kɛ ekrokomɛi ahetoo, ni hi jogbaŋŋ kɛha shikpɔŋkuku lɛ atsu nii.