Sɔɔmɔ Kpee He Gbɛjianɔtoo
Otsi ni Jeɔ Shishi January 12
Lala 224
Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha akɛ gbɛtsɔɔmɔi ni yɔɔ baafa 4 lɛ atsu nii ni akɛfee nɔkwɛmɔnii ni tsɔɔ bɔ ni abaafee akɛ January 1 Buu-Mɔɔ kɛ January 8 Awake! lɛ aha.
Min. 15: “Bɔ ni Ŋwɛi Nilee Jara Wa Waa Ha” Kɛ́ be yɛ lɛ, ha toibolɔi lɛ awie ŋmalɛi ni atsĩ tã lɛ ahe.
Min. 20: “Mɛni Jara Wa Waa?” (Luka 12:15-21; Lala 63:4) Wiemɔ kɛ toibolɔi kɛ sanegbaa ni damɔ September 15, 2001, Buu-Mɔɔ, baafa 21-23 lɛ nɔ. Ákɛ Yehowa Odasefoi lɛ, wɔyɛ Nyɔŋmɔ hiɛ duromɔ lɛ nɔmimaa ni jara wa kwraa fe je lɛŋ jwetrii lɛ. Ani wɔnaa wɔhe akɛ mɛi ni yɔɔ nii fe fɛɛ yɛ shikpɔŋ nɔ? Ha toibolɔi agba niiashikpamɔi ni tsɔɔ bɔ ni Yehowa nɔkpɛlɛmɔ ni amɛyɔɔ lɛ eha amɛshihilɛi etee hiɛ.
Lala 225 kɛ naagbee sɔlemɔ.
Otsi ni Jeɔ Shishi January 19
Lala 95
Min. 5: Asafoŋ adafitswai.
Min. 10: Sanebimɔ He. Wiemɔ ni onukpa ko baaha.
Min. 15: Asafoŋ hiamɔ nii.
Min. 15: “Te Wɔɔfee Tɛŋŋ Wɔye Wɔbua Gbalashihilɛ Mli Hefatalɔi ni Jeee Odasefoi?” Okɛ mɔ kome loo mɛi enyɔ ni ebatsɔmɔ Yehowa tsuji yɛ amɛgbalashihilɛ mli hefatalɔi ní ekpɛlɛ anɔkwale lɛ nɔ lɛ anɔkwɛmɔnɔ kpakpa lɛ hewɔ lɛ agba sane.
Lala 73 kɛ naagbee sɔlemɔ.
Otsi ni Jeɔ Shishi January 26
Lala 158
Min. 12: Asafoŋ adafitswai. Shika he akɔntaabuu. Kaimɔ shiɛlɔi koni amɛkɛ January shiɛmɔyaa he akɔntaabui aha. Ha akɛ gbɛtsɔɔmɔi ni akɛha yɛ baafa 4 lɛ atsu nii koni akɛfee nɔkwɛmɔnii ni tsɔɔ bɔ ni abaafee akɛ January 15 Buu-Mɔɔ kɛ January 22 Awake! lɛ aha. Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha, eyɛ mli moŋ akɛ ekome pɛ he abaawie. Yɛ nɔkwɛmɔnɔ lɛ eko fɛɛ eko sɛɛ lɛ, maa wolo-kɛhamɔ lɛ mli saji otii kpakpai komɛi anɔ mi.
Min. 15: Okɛ Nyɔŋmɔ Wiemɔ lɛ Atsu Nii Daa Gbi yɛ Oshihilɛ Mli. Wiemɔ kɛ toibolɔi kɛ sanegbaa. Wo mɛi fɛɛ hewalɛ koni amɛkɛ Ŋmalɛi lɛ Amli ni Wɔɔkwɛ Daa—2004 lɛ atsu nii jogbaŋŋ. Wiemɔ saji ni yɔɔ hiɛkpamɔ wiemɔ yɛ baafa 3-4 lɛ mli lɛ he. Bi ni toibolɔi lɛ atsɔɔ be ni amɛna akɛ ehi fe fɛɛ kɛha amɛ akɛ amɛaasusu daa gbi ŋmalɛ lɛ he. Okɛ asafo lɛ asusu ŋmalɛ kɛ emlitsɔɔmɔi kɛha gbi lɛ he. Ha toibolɔi lɛ atsɔɔ bɔ ni wɔbaanyɛ wɔkɛ saji lɛ atsu nii yɛ wɔshihilɛ mli lɛ mli. Wó mɛi fɛɛ hewalɛ koni amɛsusu bɔ ni amɛbaanyɛ amɛkɛ sane lɛ atsu nii beni amɛsusuɔ ŋmalɛ lɛ he daa gbi lɛ he.
Min. 18: Ní Akɛ Nanemɛi Heyelilɔi Aaaje Naanyobɔɔ Shishi. (Abɛi 18:24; 27:9) Wiemɔ kɛ toibolɔi kɛ sanegbaa ni damɔ December 1, 2000, Buu-Mɔɔ lɛ baafa 22-23 lɛ nɔ. Anɔkwa jamɔ mli jɔɔmɔi lɛ ateŋ ekome ji hegbɛ ni anaa ni akɛfeɔ anɔkwa nanemɛi. Wɔnaanyobɔɔ yɛ kpeei ashishi, shiɛmɔ nitsumɔ lɛ mli, kɛ shihilɛi krokomɛi amli lɛ ji hewalɛwoo jɛɛhe kpele. Te wɔɔfee tɛŋŋ wɔkɛ mɛi krokomɛi aje naanyobɔɔ shishi yɛ asafo lɛ mli? Tĩi akrabatsa ni ji, “Gbɛ̀i Ekpaa ni Atsɔɔ nɔ Abɔɔ Naanyo ni Sɛɛ Tsɛɔ” lɛ mli, ni oha toibolɔi awie bɔ ni abaanyɛ akɛ oti fɛɛ oti atsu nii yɛ wɔkɛ wɔnyɛmimɛi ateŋ asharamɔ mli lɛ he.
Lala 177 kɛ naagbee sɔlemɔ.
Otsi ni Jeɔ Shishi February 2
Lala 204
Min. 10: Asafoŋ adafitswai. Tsĩi woji ni akɛbaaha yɛ February mli lɛ tã. Tĩi shiɛmɔ wiemɔ kɛha Tsi Obɛŋkɛ Yehowa wolo lɛ kɛhamɔ ni yɔɔ January 2003 Wɔ Maŋtsɛyeli Sɔɔmɔ lɛ baafa 3 lɛ mli.
Min. 20: “Nyɛkwɛa Bɔ ni Nyɛkɛ Nyɛbe Tsuɔ Nii lɛ Jogbaŋŋ.” Ha toibolɔi lɛ awie nɔ ni amɛfeɔ koni amɛkaha nibii ni he ehiaaa lɛ miiye mumɔŋ nibii asɛɛtiumɔ lɛ nɔ.
Min. 15: Nyɛkasea Paulo, Taakɛ Ekase Kristo Lɛ. (1 Kor. 11:1) Toibolɔi kɛ sanegbaa. Taakɛ Yesu ji lɛ, Paulo kɛ hegbɛi ni ena lɛ tsu nii jogbaŋŋ ni ekɛye “mɛi ni kɛlɛ kpeɔ daa nɛɛ” odase. (Bɔf. 17:17) Mɛɛ hegbɛi yɔɔ ni wɔkɛaafee enɛ yɛ wɔshikpɔŋkuku lɛ mli? Namɛi ‘wɔkɛkpeɔ daa nɛɛ’ kɛ́ wɔtee ni wɔyaye jara, kɛ́ wɔtee nitsumɔhe loo skul, loo be mli ni wɔfoɔ lɔle? Namɛi ekolɛ wɔkɛkpeɔ beni wɔyɔɔ shia? Ha toibolɔi lɛ agba niiashikpamɔi ni amɛná yɛ odase ni amɛye mɛi ni amɛkɛkpe yɛ daa gbi nifeemɔi amli lɛ.
Lala 151 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.