Sɔɔmɔ Kpee He Gbɛjianɔtoo
Otsi ni Jeɔ Shishi January 13
Lala 69
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Okɛ gbɛtsɔɔmɔi ni akɛha yɛ baafa 8 lɛ atsu nii ni oha akɛfee nɔkwɛmɔnii srɔtoi enyɔ ni tsɔɔ bɔ ni abaafee ni akɛ January 15 Buu-Mɔɔ lɛ kɛ January 22 Awake! lɛ aha. Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha eyɛ mli akɛ ekome pɛ akɛtsɔɔ.
20 min: “Weku Yitsei—Nyɛhiɛa Mumɔŋ Nifeemɔ Gbɛ Kpakpa ni Afo Afɔ Shi lɛ Mli.” Beni okɛ hiɛkpamɔ wiemɔ kuku ni yɔɔ kuku 1-3 lɛ eha sɛɛ lɛ, okɛ toibolɔi agba kukuji 4-13 lɛ he sane. Okɛ fɔlɔ kome loo mɛi enyɔ sanegbaa afata he. Mɛni eye ebua amɛweku lɛ ni amɛná mumɔŋ nifeemɔi ni ato he gbɛjianɔ jogbaŋŋ ni afeɔ lɛ daa lɛ? Mɛɛ mɔdɛŋbɔɔ fata enɛ feemɔ he? Mɛɛ gbɛ nɔ amɛná hesɛɛ yɛ? Okɛ wiemɔi kukuji ni damɔ baafa 14 lɛ nɔ amu nifeemɔ lɛ naa.
15 min: “Ní Wɔɔhi Shi yɛ Wɔ Henɔjɔɔmɔ lɛ Naa.” Beni osusu kuku 3 lɛ he sɛɛ lɛ, okɛ oblanyo loo oblayoo fioo ko aloo gbekɛ ni eye kɛjɛ afii nyɔŋma kɛ etɛ kɛyaa ni abaptisi lɛ lɛ agba sane kuku. Mɛɛ kaai ekɛkpe kɛjɛ beni abaptisi lɛ lɛ? Mɛni ye ebua lɛ ni enyɛ ekpee kaai nɛɛ anaa yɛ omanyeyeli mli? Mɛɛ gbɛ nɔ ená ewala nɔ ni ejɔɔ eha Yehowa lɛ hesɛɛ yɛ?
Lala 22 kɛ naagbee sɔlemɔ.
Otsi ni Jeɔ Shishi January 20
Lala 44
8 min: Asafoŋ adafitswai. Shika he akɔntaabuu.
15 min: Ani Okwɛɔ Ŋmalɛi lɛ Amli Daa? Wiemɔ kɛ toibolɔi ni akɛaagba sane. Wó mɔ fɛɛ mɔ hewalɛ koni ekɛ Ŋmalɛi lɛ Amli ni Wɔɔkwɛ Daa—2003 nɔ lɛ atsu nii jogbaŋŋ. Susumɔ wiemɔi ni yɔɔ hiɛkpamɔ wiemɔ ni yɔɔ baafa 3-4 lɛ mli lɛ ahe. Okɛ ŋaawoo aha yɛ bɔ ni wekui baanyɛ afee ekome kɛsusu ŋmalɛ lɛ he lɛ he. Bɔni afee ni otsɔɔ sɛɛnamɔi ni yɔɔ ŋmalɛ lɛ he ni aaasusu daa lɛ he lɛ, susumɔ ŋmalɛ kɛ emli wiemɔi lɛ ateŋ enyɔ loo etɛ ni ato he gbɛjianɔ kɛha ehe susumɔ yɛ nyɔɔŋ ni nyiɛ sɛɛ lɛ he akɛ nɔkwɛmɔnɔ. Ha afee nɔkwɛmɔnɔ kuku ko ni kɔɔ wu kɛ ŋa ko ni efee ekome kɛmiisusu ŋmɛnɛ ŋmalɛ lɛ kɛ emli wiemɔi lɛ ahe lɛ kɛfata he.
22 min: “Tsɔɔmɔ Mɛi Krokomɛi Wiemɔ Krɔŋŋ Lɛ.” Beni osusu kuku 6 lɛ he sɛɛ lɛ, ha shiɛlɔ ko ni he esa afee bɔ ni ajeɔ Biblia mli nikasemɔ shishi yɛ shinaa naa kɛji aafee sɛɛsaramɔ lɛ he nɔkwɛmɔnɔ, ni ekɛ shiɛmɔ wiemɔi ni akɛha yɛ January 2002 Wɔ Maŋtsɛyeli Sɔɔmɔ lɛ mli nɔ ni hɔ mli lɛ baafa 4 lɛ ateŋ ekome atsu nii. Ekɛ Taoɔ wolo bibioo lɛ mli kuku kome ko hesusumɔ afata he. Ha shiɛlɔ lɛ amu naa kɛtsɔ sanebimɔ ko ni eeetee lɛ shi yɛ kuku ni nyiɛ sɛɛ lɛ mli lɛ nɔ, koni eto gbɛjianɔ kɛha ehetoohamɔ yɛ esaramɔ ni baanyiɛ sɛɛ lɛ mli. Wó mɛi fɛɛ hewalɛ koni amɛsusu he amɛkwɛ kɛji akɛ ekolɛ mɛi ni amɛyasaraa lɛ baasumɔ ni amɛkase Biblia lɛ yɛ nɛkɛ gbɛ nɔ.
Lala 68 kɛ naagbee sɔlemɔ.
Otsi ni Jeɔ Shishi January 27
Lala 92
10 min: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui aha. Okɛ gbɛtsɔɔmɔi ni akɛha yɛ baafa 8 lɛ atsu nii ni oha afee nɔkwɛmɔnii srɔtoi enyɔ ni tsɔɔ bɔ ni abaafee ni akɛ February 1 Buu-Mɔɔ lɛ kɛ February 8 Awake! lɛ aha. Yɛ eko fɛɛ eko mli lɛ, ha shiɛlɔ lɛ amu naa kɛtsɔ dɛhiɛmɔ wolo ni ji Ani Obaasumɔ ni Ole Biblia lɛ Mli Saji Babaoo? lɛ ní ekɛaaha shiatsɛ lɛ—mɔ ni eŋɔɔɔ wolo tɛtrɛbii lɛ eko kɛ mɔ ni hu ŋɔ eko—lɛ nɔ. Tsɔɔmɔ bɔ ni wɔbaanyɛ wɔku sɛɛ wɔyasara mɛi ni wɔshi woji tɛtrɛbii wɔha amɛ lɛ mli kuku, kɛji akɛ wɔshi dɛhiɛmɔ wolo lɛ—Kwɛmɔ December 2001 Wɔ Maŋtsɛyeli Sɔɔmɔ lɛ baafa 4, kuku 10 lɛ mli.
20 min: “Wolo ni Jɛ Nɔyeli Kuu lɛ Dɛŋ.” Wiemɔ kɛ toibolɔi ni akɛaagba sane. Maa otii ni yɔɔ mli lɛ anɔ mi koni owo mɛi fɛɛ hewalɛ ni amɛkane afi 2003 Yearbook lɛ kɛji amɛnine shɛ nɔ.
15 min: Ye Obua Mɛi Krokomɛi ni Amɛtsi Amɛbɛŋkɛ Yehowa. Wiemɔ kɛ toibolɔi ni akɛaagba sane. Wɔkɛ wolo hee lɛ baaha yɛ February mli. Susumɔ wiemɔ ni aŋma kɛha nikanelɔi ni yɔɔ baafa 3 lɛ he, ni oma wolo lɛ fãi komɛi anɔ mi. Fãi ejwɛ lɛ ateŋ eko fɛɛ eko gbalaa jwɛŋmɔ kɛyaa Yehowa sui titrii lɛ anɔ. Yitso lɛ eko tsɔɔ bɔ ni Yesu jie nakai su lɛ kpo, kɛ yitso ko ni tsɔɔ bɔ ni wɔbaanyɛ wɔfee nakai lɛ hu fata he. Baafai muji 17 ni hiɛ Biblia mli shikpɔji ahe mfonirii yɛ mli. “Sanebimɔi Kɛha Sane Nɔjwɛŋmɔ” lɛ yeɔ ebuaa wɔ koni wɔsusu sane lɛ fã kroko ni he hiaa lɛ he. Tĩi adeka ni ji “Gbɛtsɔɔmɔi Kɛha Tsi Obɛŋkɛ Yehowa” wolo lɛ kɛhamɔ lɛ mli, ni oha shiɛlɔ ko ni he esa afee gbɛtsɔɔmɔi lɛ ateŋ ekome he nɔkwɛmɔnɔ.
Lala 124 kɛ naagbee sɔlemɔ.
Otsi ni Jeɔ Shishi February 3
Lala 9
15 min: Asafoŋ adafitswai. Tĩi Sanebimɔ He lɛ mli. Wó shiɛlɔi hewalɛ koni amɛkɛ “Please Follow Up” (S-43) wolo lɛ atsu nii kɛji amɛkɛ mɛi ni wieɔ wiemɔ kroko kpe, taakɛ atsɔɔ mli yɛ wolo ni aŋma amaje asafoi fɛɛ yɛ October 15, 1998 lɛ mli lɛ. Esa ákɛ akɛ wolo lɛ atsu nii kɛha yiŋtoo nɛɛ yɛ shihilɛ fɛɛ shihilɛ mli, kɛji akɛ mɔ aŋkro lɛ ejieee miishɛɛ kpo yɛ Maŋtsɛyeli shɛɛ sane lɛ he po.
12 min: Kasemɔ Amɛhemɔkɛyeli Lɛ. Okɛ asafoŋ onukpa ko ni kɛ heshibaa kɛ anɔkwayeli esɔmɔ Yehowa afii babaoo lɛ agba sane. (Heb. 13:7) Te fee tɛŋŋ ekase anɔkwale lɛ? Mɛɛ gbɛtsii nii ehe bahia ni eye nɔ yɛ eshidaamɔ kɛha anɔkwale lɛ mli? Mɛɛ mumɔŋ nibii loo hewalɛwoo ye ebua lɛ ni etee ehiɛ? Mɛni efee ni enyɛ eshɛ nɔkwɛmɔ gbɛhe yɛ asafo lɛ mli lɛ he? (1 Tim. 3:1) Mɛni eye ebua lɛ ni enyɛ eŋmɛ pɛpɛɛpɛ yɛ asafoŋ gbɛnaa nii kɛ heloonaa nitsumɔ kɛ weku mli gbɛnaa nii amli? (1 Tim. 5:8) Te enuɔ he ehaa tɛŋŋ yɛ hegbɛ ni ená akɛ eeeye ebua mɛi krokomɛi yɛ asafo lɛ mli lɛ he?
18 min: “Nitsumɔ ko ni Biɔ Heshibaa.” Kɛji akɛ oosusu kuku 3 lɛ he lɛ, ha toibolɔi kɛ ŋaawoo aha yɛ bɔ ni esa akɛ afee nii aha kɛji mɔ ko ni yɔɔ shikpɔŋkuku lɛ mli lɛ bɔ mɔdɛŋ ni eye wɔhe fɛo loo efee basabasa, eje ŋwane, aloo emli efu lɛ. Kɛji akɛ oosusu kuku 4 lɛ he lɛ, okɛ wiemɔi ni yɔɔ Insight, Kpo 1, baafa 1160, kuku 3 lɛ afata he.
Lala 133 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.