Sɔɔmɔ Kpee He Gbɛjianɔtoo
Otsi ni Jeɔ Shishi June 10
Lala 58
15 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wó mɔ fɛɛ mɔ hewalɛ koni ekwɛ Our Whole Association of Brothers (Wɔnyɛmimɛi Anaanyobɔɔ Muu lɛ Fɛɛ) vidio lɛ koni ekɛsaa ehe kɛha sanegbaa ni baaya nɔ yɛ June 24 otsi lɛ Sɔɔmɔ Kpee lɛ shishi lɛ. Okɛ gbɛtsɔɔmɔi ni yɔɔ baafa 8 lɛ atsu nii koni akɛfee nɔkwɛmɔnɔ ni tsɔɔ bɔ ni abaafee akɛ June 15 Buu-Mɔɔ lɛ aha kɛ ekroko hu ni tsɔɔ bɔ ni abaafee akɛ June 22 Awake! lɛ aha. Yɛ nɔkwɛmɔnɔ lɛ eko fɛɛ eko mli lɛ, tsɔɔmɔ gbɛ kroko ni aaatsɔ nɔ atsu mɔ ni tsĩɔ sanegbaa naa akɛ “Mibɛ jamɔ he miishɛɛ” lɛ he nii. (Kwɛmɔ Reasoning wolo lɛ baafa 16-17.) Kɛ nine shɛko woji tɛtrɛbii kɛha nakai be lɛ anɔ lolo lɛ, okɛ gbɛtsɔɔmɔi ni yɔɔ May 2002 Wɔ Maŋtsɛyeli Sɔɔmɔ lɛ baafa 8 lɛ atsu nii.
10 min: Sanebimɔ He. Wiemɔ ni onukpa ko baaha. Okɛ saji krokomɛi ni damɔ March 1998 Wɔ Maŋtsɛyeli Sɔɔmɔ lɛ Sanebimɔ He lɛ nɔ lɛ afata he.
20 min: “Babaoo Dumɔ kɛ Jɔɔmɔi Babaoo Baa.”* Okɛ saji ni damɔ December 1, 1992 Buu-Mɔɔ lɛ baafa 15-16 lɛ kuku 14-17 lɛ nɔ lɛ afata he.
Lala 220 kɛ naagbee sɔlemɔ.
Otsi ni Jeɔ Shishi June 17
Lala 136
7 min: Asafoŋ adafitswai. Shika he akɔntaabuu.
23 min: “2002 ‘Maŋtsɛyeli Jajelɔi ni Yɔɔ Ekãa’ Yehowa Odasefoi a-Kpokpaa Wulu nɔ Kpee.” Esa akɛ woloŋmalɔ lɛ atsu he nii, ní egbala jwɛŋmɔ kɛya kuku 4 kɛyashi kuku 20 lɛ nɔ. Yɛ be mli ni asusuɔ kuku 17 lɛ he lɛ, kanemɔ Our Ministry wolo lɛ tɛ̃ɛ kɛjɛ wolo lɛ mli.
15 min: “Ha Omii Ashɛ Nɔ ni Oyɔɔ lɛ He.”* Maa Ŋmalɛ ni ŋaawoo lɛ damɔ nɔ lɛ nɔ mi, ni kɛ́ be aaaŋmɛ gbɛ lɛ, akane ŋmalɛi ni aŋmalako mli wiemɔi lɛ babaoo bɔ ni aaanyɛ, ni asusu he.
Lala 197 kɛ naagbee sɔlemɔ.
Otsi ni Jeɔ Shishi June 24
Lala 52
8 min: Asafoŋ adafitswai. Mɔ kɛ eŋa ni miitsu nii kutuu yɛ shiɛmɔ nitsumɔ lɛ mli lɛ afee nɔkwɛmɔnɔ ni tsɔɔ bɔ ni akɛ gbɛtsɔɔmɔi ni yɔɔ baafa 8 lɛ aaatsu nii koni akɛ July 1 kɛ July 8 woji tɛtrɛbii lɛ aha. Ŋa lɛ wie Buu-Mɔɔ lɛ he ni wu lɛ wie Awake! lɛ he.
12 min: Gbaa niiashikpamɔi ni jɛ nyɛ shiɛlɔi lɛ aŋɔɔ loo afee niiashikpamɔ lɛ he nɔkwɛmɔnɔ ni tsɔɔ (1) odase ni ayeɔ gbɔmɛi akui srɔtoi loo gbɔmɛi ni wieɔ wiemɔi krokomɛi aloo (2) odase ni ayeɔ yɛ shihilɛi ni jeee yɛ shia-kɛ-shia kɛ gbɛjegbɛ nɔ nitsumɔ mli. Wó mɔ fɛɛ mɔ hewalɛ koni etao shiɛmɔ wiemɔ ni ekɛbaatsu woji bibii ni akɛbaaha yɛ July kɛ August lɛ ateŋ ekome he nii, koni akɛsaa he kɛha otsi ni baanyiɛ sɛɛ lɛ mli Sɔɔmɔ Kpee lɛ.—Kwɛmɔ akrabatsa ni ji “Woji Krokomɛi” ni yɔɔ nɔ ni aŋma ahɔ January 2002 Wɔ Maŋtsɛyeli Sɔɔmɔ lɛ mli lɛ.
25 min: “Nɔ Hewɔ ni Wɔsumɔɔ Wɔnyɛmimɛi Anaanyobɔɔ Muu lɛ Fɛɛ.” Okɛ toibolɔi abɔi Whole Association vidio lɛ he sanegbaa amrɔ nɔŋŋ yɛ be mli ni okɛ sanebimɔi ni akɛha lɛ tsuɔ nii.
Lala 95 kɛ naagbee sɔlemɔ.
Otsi ni Jeɔ Shishi July 1
Lala 83
15 min: Asafoŋ adafitswai. Kaimɔ shiɛlɔi koni amɛkɛ amɛ shiɛmɔyaa he akɔntaabui kɛha June aha. Bi shiɛlɔi koni amɛtsɔɔ wolo bibioo ni amɛto gbɛjianɔ akɛ amɛkɛaaha yɛ July kɛ shiɛmɔ wiemɔ pɔtɛɛ ni amɛkɛbaatsu nii.
15 min: Obaanyɛ Otsɔ Nyɔŋmɔ Naanyo! Wiemɔ kɛ toibolɔi kɛ sanegbaa. Tsɔɔmɔ wolo bibioo nɛɛ mli saji otii ni haa efeɔ dɛŋdade ko ni tsɔɔ mɔ nii waa ni akɛaaye abua gbekɛbii kɛ mɛi krokomɛi ni amɛ woloŋlee eyako hiɛ loo amɛleee nikanemɔ jogbaŋŋ lɛ ni amɛkase Yehowa he nii. Gbaa nɔkwɛmɔnii ni tsɔɔ emli sanemlitsɔɔmɔi kukuji ni nilee yɔɔ mli lɛ. (Kwɛmɔ nikasemɔi 2, 8, kɛ 12.) Tsɔɔmɔ bɔ ni abaanyɛ akɛ mfonirii lɛ atsu nii koni akɛshɛ nikaselɔ tsui he. Tsɔɔmɔ gbɛ̀i ni abaanyɛ atsɔ nɔ akɛ wolo bibioo nɛɛ atsu nii koni ehe aba sɛɛnamɔ jogbaŋŋ. Esa akɛ fɔlɔi kɛ amɛbii bibii akase wolo lɛ. Wó mɔ fɛɛ mɔ hewalɛ koni ekɛha yɛ shiɛmɔ nitsumɔ lɛ mli be fɛɛ be ni hegbɛ aaaba akɛ afee nakai.
15 min: “Ani ‘Oosumɔ ni’ Oye Obua Mɛi Krokomɛi?”* Wó mɔ fɛɛ mɔ hewalɛ yɛ asafo lɛ mli koni ená suɔmɔ akɛ eeeye ebua mɛi.
Lala 156 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.