Sɔɔmɔ Kpee He Gbɛjianɔtoo
Otsi ni Jeɔ Shishi August 14
12 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ April shiɛmɔyaa he akɔntaabuu kɛha maŋ lɛ kɛ nyɛ asafo lɛ he. Otsii anaagbeei enyɔ pɛ eshwɛ yɛ August mli, no hewɔ lɛ wó mɔ fɛɛ mɔ hewalɛ ni ekɛ ehe awo shiɛmɔ nitsumɔ lɛ mli dani nyɔŋ lɛ agbo. Tĩi otsi lɛ naagbee kpeei kɛha shiɛmɔyaa he gbɛjianɔ ni ato lɛ mli.
15 min: “Wu Hemɔkɛyeli He Ta Kpakpa Lɛ.” Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ. Taomɔ saji krokomɛi ni jɛ Our Ministry wolo lɛ baafai 44-45 lɛ mli, ní tsɔɔ bɔ ni Asafo Woloŋ Nikasemɔ nɔkwɛlɔi toɔ shiɛmɔ nitsumɔ lɛ he gbɛjianɔ amɛhaa amɛkui lɛ ni ogbala jwɛŋmɔ kɛya mɛi fɛɛ ni yelikɛbuamɔ he hiaa amɛ koni amɛkɛ amɛhe awo shiɛmɔ nitsumɔ lɛ mli ní amɛbu he akɔntaa daa lɛ nɔ.
18 min: Bɔ ni Ooofee Oná Skulyaa He Sɛɛ. Tsɛ ko kɛ ebii miiwie koni eye ebua amɛ ni amɛle nɔ hewɔ ni je lɛŋ wolokasemɔ he yɔɔ sɛɛnamɔ. (Kwɛmɔ Young People Ask wolo lɛ baafai 133-139.) Oblahii kɛ oblayei babaoo nuɔ he akɛ skulyaa ji kaa diɛŋtsɛ yɛ ŋmɛnɛŋmɛnɛ adesai ashihilɛ ni ehiii nɛɛ mli. Amɛnuɔ he hu akɛ shihilɛ eje amɛtsine, ni amɛmuɔ sane naa akɛ nɔ ni amɛkaseɔ lɛ he sɛɛnamɔ faaa. Tsɛ lɛ tĩ Ŋmalɛ naa shishitoo mlai kɛ yiŋtoi kpakpai ahewɔ ni nilee yɔɔ mli akɛ nine aaashɛ je lɛŋ wolokasemɔ saŋŋ nɔ. Ewo ebii lɛ hewalɛ koni amɛkase nii jogbaŋŋ ni amɛbo sane toi beni atsɔɔ nii yɛ klas lɛ.
Lala 127 kɛ naagbee sɔlemɔ.
Otsi ni Jeɔ Shishi August 21
10 min: Asafoŋ adafitswai. Shika he akɔntaabuu. Ha afee shiɛmɔyaa he nɔkwɛmɔnɔ ni asaa he jogbaŋŋ yɛ mli ni tsɔɔ bɔ ni aaafee aha sanebimɔ nɛɛ hetoo: “Mɛni hewɔ ni Nyɔŋmɔ ni yɔɔ suɔmɔ lɛ baaŋmɛ gbɛ ni piŋmɔ aya nɔ be kakadaŋŋ nɛkɛ?” (Reasoning wolo lɛ baafai 395-396) Wó mɔ fɛɛ mɔ hewalɛ koni ekɛ ehe awo shiɛmɔ nitsumɔ lɛ mli otsi nɛɛ naagbee.
10 min: Asafoŋ hiamɔ nii.
25 min: “Ani Ehe Miiba Sɛɛnamɔ Kɛmiiha Bo?” Sanebimɔi kɛ hetooi.
Lala 152 kɛ naagbee sɔlemɔ.
Otsi ni Jeɔ Shishi August 28
Lala 165
10 min: Asafoŋ adafitswai. Kaimɔ mɛi fɛɛ ni amɛkɛ shiɛmɔyaa he akɔntaabuu kɛha August aha. Asafo Woloŋ Nikasemɔ nɔkwɛlɔi abi mɔ fɛɛ mɔ ni yɔɔ amɛkuu lɛ mli koni anyɛ aŋmala akɔntaabui lɛ fɛɛ dani September 6 aho.
15 min: “Okɛ Mɛi Krokomɛi Aja Nii yɛ Amɛhiamɔ Nii Anaa.” Wiemɔ ni onukpa kɛbaaha.
20 min: “Oblahii kɛ Oblayei Náa Kpeei Ahe Sɛɛ.” Sanebimɔ kɛ hetoo he sanegbaa ni onukpa baakwɛ nɔ. Kɛ oosusu kuku 8 lɛ he lɛ, tsɔɔmɔ nibii pɔtɛɛi komɛi ni haa akɛ jwɛŋmɔ maa sane nɔ, ni haa aboɔ sane toi jogbaŋŋ yɛ kpeei ashishi. (Kwɛmɔ September 22, 1998 Awake! lɛ baafai 19-20.) Wo fɔlɔi ahewalɛ ni amɛfee shiŋŋ koni amɛha amɛbii aya kpeei lɛ fɛɛ daa.—Kwɛmɔ niiashikpamɔ ni yɔɔ September 1, 1997 Buu-Mɔɔ lɛ baafa 25.
Lala 176 kɛ naagbee sɔlemɔ.
Otsi ni Jeɔ Shishi September 4
Lala 196
15 min: Asafoŋ adafitswai. Ha shiɛlɔi agba niiashikpamɔi ni amɛná beni amɛyeɔ trukaa odase beni amɛyaa kpokpaa nɔ kpee loo kpee krɛdɛɛ lɛ, beni ayɔɔ kpee lɛ shishi loo beni ajɛɔ jɛmɛ kɛbaa.
10 min: Be ni Wɔyɔɔ Mli lɛ Yɛ Srɔto Kwraa. Wiemɔ ni onukpa ko kɛbaaha ni damɔ November 15, 1996 Buu-Mɔɔ lɛ baafai 22-23 nɔ.
20 min: “Ani Ooto Otsui Shi?” Wiemɔ ni akɛ toibolɔi baagba he sane. Wó mɛi fɛɛ hewalɛ ni amɛsusu omanye ni amɛyeɔ yɛ amɛtsui shi ni amɛtoɔ yɛ Kristofoi asɔɔmɔ nitsumɔ lɛ mli lɛ he. Kɛ gbɔjɔmɔi jie amɛhe kpo lɛ, ehe baahia ni wɔwaje wɔhe yɛ mumɔŋ. Okɛ saji ni jɛ October 1, 1999 Buu-Mɔɔ baafai 20-21, kukuji 17-21 afata he. Ha shiɛlɔi enyɔ loo etɛ ni kɛ anɔkwayeli eto amɛtsui shi afii babaoo lɛ atsɔɔ nɔ ni amɛfeɔ koni amɛfĩ shi lɛ.
Lala 206 kɛ naagbee sɔlemɔ.