Sɔɔmɔ Kpee He Gbɛjianɔtoo
Otsi ni Jeɔ Shishi June 12
8 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli, ní akɛ akrabatsa ni ji “Kaimɔ” lɛ afata he. Gbalamɔ jwɛŋmɔ kɛya shiɛlɔi ayifalɛ hee lɛ nɔ.
15 min: “Nyɛdeŋmegbomɔ lɛ Efeŋ Yaka.” Okɛ nɔ ni shɛɛɛ miniti kome akpa wiemɔ lɛ hiɛ, ní okɛ sanebimɔ kɛ hetoo he sanegbaa anyiɛ sɛɛ. Okɛ niiashikpamɔ ni agba he sane yɛ June 15, 1996 Buu-Mɔɔ lɛ baafa 32 lɛ mli saji afata he.
22 min: Taoɔ Wolo Bibioo lɛ ni Akɛaaje Nikasemɔi Ashishi. Wiemɔ ni tĩɔ January 1999 Wɔ Maŋtsɛyeli Sɔɔmɔ lɛ baafa 6 lɛ sane lɛ mli. Ha akɛ shiɛmɔ wiemɔ ni atsɔɔ yɛ kuku 6 lɛ afee nɔkwɛmɔnɔ. Ha shiɛlɔ kome loo mɛi enyɔ kɛ be kuku agba omanye ni amɛye yɛ nikasemɔi ashishijee mli lɛ he sane, ní amɛtsɔɔ bɔ ni amɛwie nikasemɔ lɛ he kɛje sanegbaa shishi kɛ nɔ ni amɛfee koni amɛkɛha nikasemɔ lɛ aya nɔ daa otsi lɛ.
Lala 209 kɛ naagbee sɔlemɔ.
Otsi ni Jeɔ Shishi June 19
15 min: Asafoŋ adafitswai. Shika he akɔntaabuu kɛ shika ni akwɛɔ mli daa nyɔji etɛ lɛ he adafitswaa. Kɛ asafo lɛ yɛ Young People Ask loo Youth woji lɛ eko lɛ, ha afee nɔkwɛmɔnɔ ni tsɔɔ bɔ ni abaanyɛ akɛtsu nii ni ehe aba sɛɛnamɔ jogbaŋŋ yɛ sɔɔmɔ nitsumɔ lɛ mli yɛ nyɔji ni akɛjɔɔ he lɛ mli be mli ni eeenyɛ eba akɛ wɔkɛ mɛi ni yeko afii nyɔŋmai enyɔ aaakpe yɛ shia.
10 min: Sanebimɔ He. Wiemɔ ni onukpa ko kɛbaaha.
20 min: Biblia Shishitoo Mlai ni Akɛaatsu Nii lɛ Haa Weku Shihilɛ lɛ Yaa Hiɛ Jogbaŋŋ. Sanegbaa ni baaya nɔ yɛ nyɛmimɛi hii enyɔ ateŋ, ní damɔ saji otii kpaanyɔ ni asusu he yɛ Reasoning wolo lɛ baafai 253-254 lɛ nɔ. Tsɔɔmɔ bɔ ni ehe hiaa ni aye abua Biblia mli nikaselɔi koni amɛkase akɛ Nyɔŋmɔ Wiemɔ lɛ mli shishitoo mlai ni aaanu shishi ni akɛtsu nii lɛ ji nɔ̃ diɛŋtsɛ ni kɛ weku miishɛɛ baa. Okɛ nikasemɔ 8 ni yɔɔ Taoɔ wolo bibioo lɛ mli lɛ atsu nii, ní oha afee nɔkwɛmɔnɔ ni tsɔɔ bɔ ni abaanyɛ atsu enɛ he nii aha. Wekui ni kɛ Biblia mli ŋaawoo tsuɔ nii lɛ feɔ ekome ni amɛnáa miishɛɛ babaoo yɛ suɔmɔ kɛ ekomefeemɔ ni mli wa waa lɛ mli. Gbaa niiashikpamɔ ni yɔɔ Weku Miishɛɛ wolo lɛ yitso 13, kukuji 1, 21-22 lɛ he sane.
Lala 51 kɛ naagbee sɔlemɔ.
Otsi ni Jeɔ Shishi June 26
8 min: Asafoŋ adafitswai. Kaimɔ shiɛlɔi koni amɛkɛ amɛ June shiɛmɔyaa he akɔntaabui aha. Tĩi wolo ni akɛbaaha yɛ July lɛ mli. Okɛ woji bibii memeji ni nyɛ asafo lɛ yɔɔ eko lɛ atsɔɔ, ní okɛ be kuku atsɔɔ yiŋtoo ni yɔɔ eko fɛɛ eko he. Ha afee nɔkwɛmɔnɔ ni asaa he jogbaŋŋ yɛ mli ni tsɔɔ bɔ ni abaafee ni akɛ eko aha yɛ shiɛmɔ nitsumɔ lɛ mli.
15 min: Lé Bɔ ni Ooofee Oha Hetoo. (Kol. 4:6) Wiemɔ kɛ toibolɔi ni akɛaagba sane. Mɛni ofeɔ kɛ́ okɛ mɔ ko kpe ní ebiɔ sane ni teeɔ ŋwanejee ni ŋmalɛ fĩii sɛɛ lɛ shi? Bei pii lɛ, Reasoning wolo lɛ yeɔ ebuaa, kɛtsɔ gbɛtsɔɔmɔi kpakpai ni ekɛhaa ni tsɔɔ bɔ ni ajɛɔ mlihilɛ mli ahaa hetoo lɛ nɔ. Ákɛ nɔkwɛmɔnɔ lɛ, eyɛ mli akɛ wɔbuɔ gbele ákɛ henyɛlɔ ni abaatsɔ Kristo kpɔmɔ afɔleshaa lɛ nɔ aye enɔ kunim moŋ, shi mɛi krokomɛi heɔ amɛyeɔ akɛ nɔ ko kwraa bɛ ni baajie gbele kɛya kwraa, ni amɛnáa balamɔ ni abalaa lɛ he amale susumɔ lɛ mli hemɔkɛyeli po. Nyɛsusua hetooi ni akɛha yɛ Reasoning wolo lɛ mli lɛ he, nɔ ni kɛɔ akɛ “If Someone Says—” (Kɛ Mɔ ko Kɛɛ Akɛ) ni yɔɔ baafai 103-104 kɛ 321 lɛ. Wó mɔ fɛɛ mɔ hewalɛ koni ekɛ wolo lɛ eko aya shiɛmɔ.
22 min: “2000 ‘Nyɔŋmɔ Wiemɔ lɛ Nɔyelɔi’ Yehowa Odasefoi a-Kpokpaa Wulu nɔ Kpee.” Woloŋmalɔ lɛ kɛ sanebimɔ kɛ hetoo atsu sane ni yɔɔ nɔ ni aŋma ahɔ mli lɛ he nii. Maa bɔ ni ehe hiaa ni mɔ fɛɛ mɔ ato gbɛhamɔ gbii lɛ ahe gbɛjianɔ jogbaŋŋ kɛtsɔ hiɛ bɔni afee ni amɛya kpee lɛ gbii lɛ fɛɛ, ní Sohaa fata he lɛ nɔ mi. Jiemɔ nyɛmimɛi lɛ ayi yɛ Asafo lɛ gbɛjianɔtoi ni amɛkɛfeɔ ekome lɛ hewɔ.
Lala 56 kɛ naagbee sɔlemɔ.
Otsi ni Jeɔ Shishi July 3
Lala 157
5 min: Asafoŋ adafitswai.
18 min: “Ani Obaaya Jɛmɛ?” Wiemɔ kɛ niiashikpamɔi ni onukpa ko baakwɛ nɔ. Kɛjɛ Biblia beaŋ aahu kɛbashi wɔgbii nɛɛ amli lɛ, gbɔmɛi akui babaoo ahenaabuamɔi etsu gbɛfaŋnɔ ko ni da waa he nii koni akɛwo Nyɔŋmɔ webii ahewalɛ. (Kwɛmɔ Proclaimers wolo lɛ baafa 254, kukuji 1-3, kɛ Insight, kpo 1, baafa 821, kuku 5.) Wó mɛi fɛɛ hewalɛ koni amɛbɔi hesaamɔ bianɛ kɛha afi nɛɛ kpokpaa wulu nɔ kpee lɛ yaa gbii etɛ lɛ fɛɛ. Ha toibolɔi agba niiashikpamɔi ni tsɔɔ akɛ awo mɔdɛŋ ni amɛbɔ waa koni amɛya eko yɛ be ko ni eho lɛ mli lɛ he nyɔmɔ yɛ mumɔŋ.
22 min: “Te Mafee Tɛŋŋ . . . akɛ Ja Mɔ ko Tsɔɔ Mi?” Sanebimɔ kɛ hetoo he sanegbaa ni sɔɔmɔ nitsumɔ nɔkwɛlɔ lɛ baakwɛ nɔ. Ha akane kuku fɛɛ kuku waa ni anu, ni okane ŋmalɛi ni yɔɔ kukuji 3, 4, kɛ 7 lɛ mli lɛ. Kɛ ootsu kuku 6 lɛ he nii lɛ, tsɔɔmɔ nɔ ni esa akɛ sɔɔmɔ nitsumɔ nɔkwɛlɔ lɛ afee koni ele nɔ ni baanyɛ aha akɛ mɛi ni abaptisi amɛ lɛ aje Biblia mli nikasemɔi ashishi ekoŋŋ.—Kwɛmɔ November 1998 Wɔ Maŋtsɛyeli Sɔɔmɔ lɛ Sanebimɔ He lɛ.
Lala 89 kɛ naagbee sɔlemɔ.