Ani Obaaya Jɛmɛ?
1 Odasefonyo ko ni kɛ be kpalaŋŋ esɔmɔ lɛ kɛɛ yɛ be ko mli akɛ: “Kɛ obaaa kpee lɛ shishi yɛ klɛŋklɛŋ gbi lɛ nɔ lɛ, no lɛ oha ni- bii babaoo tsɔ̃ eŋmɛɛ bo!” Mɛni hewɔ enu he nakai? Ejaakɛ klɛŋklɛŋ gbi lɛ ji be ni akɛjeɔ mu mɔŋ okpɔlɔŋmɛɛ babaoo ni Yehowa gbɛjianɔtoo lɛ esaa eto wɔ lɛ shishi. (Yes. 25:6) Jɛmɛ ní wɔɔ hi kɛjɛ shishijee tɔɔ lɛ tsɔɔ akɛ wɔkɛ henumɔi ni lalatsɛ lɛ jie lɛ kpo lɛ kpãa gbee, nɔ ni kɛɛ: “Mimii shɛɔ mihe, kɛ́ akɛɛ mi akɛ: Ba ni wɔtee Yehowa we lɛ!”—Lala 122:1.
2 Shi kɛlɛ, yɛ nyɛsɛɛ afi lɛ “Nyɔŋmɔ Gbalɛ Wiemɔ” Kpokpaa Wulu nɔ Kpei lɛ ekomɛi ashishi lɛ, mɛi ni ba Hɔɔ kɛ Hɔgbaa lɛ ayi fa kwraa fe mɛi ni ba Sohaa lɛ. Enɛ tsɔɔ akɛ wɔnyɛmimɛi lɛ ateŋ mɛi babaoo naaa hegbɛ ní amɛkɛbabo kpee lɛ shishi wiemɔi ni kɛ saji ni he hiaa ni kɔɔ gbalɛ wiemɔ lɛ he lɛ ha lɛ toi. Amɛnaaa hegbɛ hu ni amɛkɛ nanemɛi heyelilɔi lɛ abɔ kɛ miishɛɛ.
3 Kaaha Heloonaa Nitsumɔ Miitsĩ Onaa: Nitsumɔ ni baafite ni mɔ ko susuɔ he waa lɛ baanyɛ afee yiŋtoo hewɔ ni mɛi komɛi eyaaa Sohaa lɛ. Shi kɛlɛ, Odase- foi babaoo ena akɛ amɛ nitsumɔtsɛmɛi lɛ miisumɔ ni amɛkɛ amɛ afee ekome yɛ sane nɛɛ mli, kɛ́ amɛtsɔ hiɛ kwraa amɛbi koni akaha amɛba nitsumɔ lɛ. Faishitswaa ni nyɛmi yoo gbɛgbalɔ ko kɛtsu nii waa akɛ ebaaya asafoŋ kpeei kɛ kpeei fɛɛ lɛ sa enitsumɔtsɛ lɛ hiɛ waa aahu akɛ, enitsumɔtsɛ lɛ ye gbi muu fɛɛ yɛ kpee ni nyɛmi yoo lɛ tee lɛ shishi!
4 Esaaa akɛ osusuɔ akɛ onitsumɔtsɛ lɛ sumɔɔɔ ni eŋmɛɔ bo gbɛ akɛ okaba nitsumɔ, ni esaaa akɛ omuɔ sane naa hu akɛ gbi kome pɛ ni obaŋ kpee lɛ efeee nɔ ko. Okɛ hemɔkɛyeli ni jɛ tsuiŋ asaa ohe, ní ojɛ Ŋmalɛi lɛ amli okɛ mlihilɛ akɛɛ onitsumɔtsɛ lɛ nɔ̃ hewɔ ni kpee lɛ ni oooya lɛ ji oja- mɔ lɛ fa ko ni he hiaa lɛ. (Heb. 10: 24, 25) No sɛɛ lɛ, okɛ ohiɛ afɔ̃ Yehowa shiwoi anɔ kwraa, ni oyɔse akɛ onine baashɛ nɔ fɛɛ nɔ ni he hiaa bo lɛ nɔ kɛ́ oha mumɔŋ hia- mɔ nii fee oti ni fe fɛɛ yɛ oshihilɛ mli lɛ.—Mat. 6:33; Heb. 13:5, 6.
5 Oti ni fe fɛɛ ji ni oooná hiɛsɔɔ oha “nii ni hi titri lɛ.” (Fil. 1:10, 11; Lala 27:4) Enɛ tsirɛɔ wɔ koni wɔto gbɛjianɔ ni wɔna gbɛjianɔ- too ni he hiaa ni jɛ Yehowa dɛŋ nɛɛ he sɛɛ kɛmɔ shi. Jee shi- shi oto gbɛjianɔ jogbaŋŋ amrɔ nɛɛ, ni otswa ofai shi akɛ obaa- ŋa jɛmɛ gbii etɛ lɛ fɛɛ!