Sɔɔmɔ Kpeei Kɛha June
Otsi ni Jeɔ Shishi June 1
Lala 223
8 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Teokrase lɛ He Saji.
15 min: ‘Asaa Wɔ Pɛpɛɛpɛ Kɛha Nitsumɔ Kpakpa Fɛɛ Nitsumɔ Kpakpa.’ Sanebimɔi kɛ hetooi. Wiemɔ February 15, 1989 Blɔfo Buu-Mɔɔ lɛ baafai 22-24 lɛ he kuku.
22 min: “Ní Aaaye ‘Gbɔmɛi Sɔrɔtoi Fɛɛ Odase.’” Onukpa ko atsɔɔ mli akɛ, yɛ June mli lɛ, abaanyɛ akɛ woji ni hiɛ baafai 192 lɛ eko fɛɛ eko aha kɛfata Gbɔmɔ ni Fe Fɛɛ aloo Nyɔŋmɔ Sɛɛ Gbɛ ni Adesai Taoɔ wolo lɛ he. Onukpa ko kɛ shiɛlɔi ni he esa agba shiɛmɔ wiemɔi ni akɛha lɛ he saji. Tĩi jamɔi ni akɛ amɛ kpeɔ yɛ he ni nyɛyɔɔ lɛ mli kuku, ni otsɔɔ nɔ hewɔ ni esa akɛ wɔhiɛ sane ko yɛ jwɛŋmɔ mli, ni abaanyɛ akɛje sanegbaa shishi yɛ shihilɛ lɛ eko fɛɛ eko mli. Ha afee ekome loo enyɔ he nɔkwɛmɔnɔ kuku.
Lala 112 kɛ naagbee sɔlemɔ.
Otsi ni Jeɔ Shishi June 8
5 min: Asafoŋ adafitswai.
23 min: “1998 ‘Nyɔŋmɔ Shihilɛ Gbɛ’ Kpokpaa Wulu nɔ Kpee.” Sanebimɔi kɛ hetooi ni woloŋmalɔ lɛ baatsu he nii. Wo mɛi fɛɛ hewalɛ koni amɛjie ekomefeemɔ kpo kɛtsɔ toiboo ni amɛaafee amɛha gbɛtsɔɔmɔi ni akɛha lɛ nɔ. Beni nyɛsusuɔ kuku 18 lɛ he lɛ, maa bɔ ni ehe hiaa ni akɛ niyenii ni etsiii ajɛ shia kɛba koni kɛ akpa fioo yɛ shwane mli lɛ aye lɛ nɔ mi. Wo mɛi fɛɛ ni baanyɛ lɛ hewalɛ koni amɛyafi Tamale kpee lɛ sɛɛ.
17 min: “Ebiɔ ni Wɔ Fɛɛ Wɔkɛ Wɔhe Awo Mli Koni Anyɛ Agbe Nitsumɔ lɛ Naa.” Sanebimɔi kɛ hetooi. Tsɔɔmɔ nɔ hewɔ ni onukpai kɛ amɛhiɛ fɔɔ mɛi ni jɛɔ amɛsuɔmɔ mli amɛkɛ amɛhe haa lɛ anɔ koni anyɛ atsu nibii ni he hiaa lɛ ahe nii lɛ mli. Tĩi asafo lɛ hiamɔ nii amli, nibii tamɔ Maŋtsɛyeli Asa lɛ mli falefalefeemɔ kɛ esaamɔ, helatsɛmɛi kɛ mɛi ni edara lɛ ayelikɛbuamɔ, kɛ shikpɔŋkuku lɛ mli nitsumɔ ni aaagbe naa. Fɔ̃ɔ nine otsɛ onukpai lɛ koni amɛwie bɔ ni amɛhiɛ sɔɔ suɔmɔ mli ni mɛi babaoo jɛɔ amɛkɛ yelikɛbuamɔ haa lɛ he. Maa bɔ ni mɔ fɛɛ mɔ mɔdɛŋbɔɔ he hiaa waa lɛ nɔ mi.
Lala 153 kɛ naagbee sɔlemɔ.
Otsi ni Jeɔ Shishi June 15
10 min: Asafoŋ adafitswai. Shika he akɔntaabuu.
17 min: ‘Nyɛmiaa Nyɛhiɛ Waa.’ Wiemɔ ni damɔ January 15, 1986 Blɔfo Buu-Mɔɔ lɛ baafai 10-14 lɛ nɔ. Asusu sɛɛnamɔi ni yɔɔ daa gbɛgbamɔ nitsumɔ lɛ mli lɛ he, ni awo mɛi hewalɛ ni amɛkɛ amɛhe awo mli yɛ September 1.
18 min: “Ní Aaaye Odase Kɛtsɔ Jeŋba Kpakpa Nɔ.” Sanebimɔi kɛ hetooi. Akɛ gbekɛbii komɛi ni feɔ nɔkwɛmɔnɔ kpakpa lɛ agba sane. Amɛgba bɔ ni amɛ Kristofoi ajeŋba lɛ ená mɛi krokomɛi anɔ hewalɛ yɛ gbɛ kpakpa nɔ lɛ amɛtsɔɔ. Gbaa niiashikpamɔ kome loo enyɔ ni jɛ January 1, 1995 Buu-Mɔɔ lɛ baafai 24-25 lɛ otsɔɔ.
Lala 170 kɛ naagbee sɔlemɔ.
Otsi ni Jeɔ Shishi June 22
10 min: Asafoŋ adafitswai. Atsɔɔ be mli ni agbe asafo shika he akɔntaabuu mlikwɛmɔ lɛ naa.
15 min: Bɔ ni Ooofee Oná Mɔ ko ni Obaaha Lɛ Woji Tɛtrɛbii lɛ Daa. Tsɔɔmɔ nibii ni he hiaa: ŋmalamɔ woji fɛɛ ni okɛhaa lɛ oshwie shi, kuu osɛɛ yɛ otsii enyɔ mli, wiemɔ saji heei ni yɔɔ woji tɛtrɛbii heei lɛ amli lɛ he koni oha miishɛɛ ni eyɔɔ lɛ akã he ahi shi. Tsɔɔmɔ akɛ abaanyɛ akɛha akutsoŋ bii, nanemɛi nitsulɔi, shwapo mli nihɔɔlɔi, pɛtro hɔɔlɔi, kɛ mɛi krokomɛi ni fata he. Ha mɛi fɛɛ ni jieɔ miishɛɛ kpo amɛtsɔɔ yɛ wɔwoji tɛtrɛbii lɛ ahe lɛ ashɛ. Fɔ̃ɔ nine otsɛ shiɛlɔ kome loo enyɔ koni amɛtsɔɔ niiashikpamɔ ni tswaa mɔ emaa shi ni yɔɔ woji tɛtrɛbii lɛ ni akɛhaa mɔ ko daa lɛ mli lɛ mli.
20 min: Gbɛgbalɔi Yeɔ Buaa Mɛi Krokomɛi. Wiemɔ ni sɔɔmɔ nitsumɔ nɔkwɛlɔ lɛ kɛbaaha, ni etĩ gbɛjianɔ ni atoɔ koni aha gbɛgbalɔi diɛŋtsɛ aye abua mɛi krokomɛi lɛ mli. Tsɔɔmɔ bɔ ni aje yelikɛbuamɔ he gbɛjianɔtoi lɛ shishi tsutsu lɛ mli. (jv 100; km 11/79 1, 3) Ehe miihia ni atsɔse gbɔmɛi heei ni fe akpekpe kome ni abaptisi amɛ nyɛsɛɛ afii etɛ ni eho lɛ. Gbɛjianɔtoo ni ji “Gbɛgbalɔi Yeɔ Buaa Mɛi Krokomɛi” lɛ haa akɛ niiashikpamɔ kɛ tsɔsemɔ ni daa gbɛgbalɔi kɛ gbɛgbalɔi krɛdɛɛi ni etee Gbɛgbamɔ Sɔɔmɔ Skul lɛ eko kɛ agbɛnɛ hu, mɛi ni egbe Sɔɔmɔ Tsɔsemɔ Skul lɛ naa lɛ tsuɔ nii. Oti ni ma hiɛ ji koni gbɛgbalɔ fɛɛ gbɛgbalɔ aye abua shiɛlɔi enyɔ daa afi koni amɛhe asa jogbaŋŋ yɛ sɔɔmɔ nitsumɔ lɛ mli, ni amɛya hiɛ hu kɛyashɛ nitsumɔ wulu he. Esaaa akɛ mɛi ni abaaye abua amɛ lɛ sheɔ gbeyei; nɔ ni akɛhaa lɛ ji hewalɛwoo ni jɛ suɔmɔ kɛ mlihilɛ mli. Nɛkɛ gbɛjianɔtoo hee nɛɛ haa gbɔmɛi akpei ohai abɔ ahe saa jogbaŋŋ diɛŋtsɛ koni amɛtsɔmɔ sɔɔlɔi ni he esa.
Lala 207 kɛ naagbee sɔlemɔ.
Otsi ni Jeɔ Shishi June 29
10 min: Asafoŋ adafitswai. Akai mɛi fɛɛ ni amɛkɛ June shiɛmɔyaa he akɔntaabuu aha. Awie woji ni akɛbaaha yɛ July lɛ he sane.
15 min: Asafoŋ hiamɔ nii aloo Ani Ekãa ni Miyɔɔ lɛ Eba Shi? Wiemɔ ni onukpa kɛbaaha, ni damɔ December 15, 1987 Blɔfo Buu-Mɔɔ, baafai 18-19, kukuji 14-16 nɔ. Wo mɛi ni kɛ afii pii esɔmɔ kɛ ekãa lɛ hewalɛ koni amɛsusu bɔ ni amɛsɔɔmɔ krɔŋŋ lɛ ji ha, kɛ efalɛ lɛ he ekoŋŋ.
20 min: Wɔ Fɛɛ Wɔbaanyɛ Wɔye Odase Trukaa. Wiemɔ kɛ toibolɔi kɛ sanegbaa ni damɔ October 15, 1987 Blɔfo Buu-Mɔɔ, lɛ baafai 22-27 lɛ nɔ. Tsɔɔmɔ bɔ ni mɛi ni bɛ deka yɛ heloonaa nitsumɔ, weku, loo amɛ diɛŋtsɛ amɛsɔ̃i ahe nitsumɔi amli lɛ baafee koni amɛnyɛ amɛná hegbɛi pii daa gbi ni amɛkɛ mɛi krokomɛi agba sanekpakpa lɛ he sane. Okɛ asafo lɛ niiashikpamɔi komɛi afata he.
Lala 76 kɛ naagbee sɔlemɔ.