Sanebimɔi ni jɛ Kanelɔi Adɛŋ

◼ Mɛɛ Biblia ŋmalɔ ji “tatsɛ,” ni atsi eta yɛ wolo, The Bible​—God’s Word or Man’s lɛ mli lɛ?a

Nakai wolo ni yeɔ ebuaa ni kɔɔ Nyɔŋmɔ Wiemɔ lɛ he Iɛ kɛɔ yɛ baafa 10 akɛ: “Biblia Iɛ hu yɛ sɔrɔto yɛ nɔ ni mɛi ni ŋmala Iɛ ateŋ mɛi pii kɛɔ lɛ hewɔ. Aŋkroaŋkroi 40, ni maŋtsɛmɛi, tookwɛiɔi, wolɛi, maŋsɔɔlɔi, osɔfoi, ni kɛ hoo lɛ tatsɛ kome, kɛ tsofatsɛ, na Biblia Iɛ fai krokomɛi Iɛ aŋmalamɔ mli gbɛfaŋnɔ. Shi yɛ be kɛ bei amli Iɛ eŋmalalɔi Iɛ kɛɔ akɛ: jeee amɛ diɛŋtsɛ amɛsusumɔi amɛŋmalaa lɛ shi moŋ Nyɔŋmɔ nɔ.”

Mɛi komɛi ebi ni amɛle Biblia ŋmalalɔi ni tsu nakai nitsumɔi sɔrɔtoi Iɛ. Yɛ enɛ hewɔ Iɛ, ofainɛ susumɔ nɔ ni nyiɛ sɛɛ nɛɛ he:

Maŋtsɛmɛi: Biblia ŋmalalɔi pii ji maŋtsɛmɛi. David kɛ Salomo baanyɛ aba jwɛŋmɔ mli amrɔ nɔŋŋ. (Lala 3. yiteŋgbɛ niŋmaa; Abɛi 1:1; Jajelɔ 1:⁠1) Shi Hezekia ji mɔ ni ŋma lala ni yɔɔ Yesaia 38:​10-20 lɛ. (Yes 38 Kuku 9) Woloŋlelɔi pii susuɔ akɛ Iɛ nɔŋŋ ji mɔ ni ŋma Lala 119, ekolɛ dani ebatsɔ maŋtsɛ. Ni Hezekia ye bua yɛ Abɛi 25-29 anaabuamɔ mli. (Abɛi 25:⁠1) Mɔ ni to Abɛi awolo Iɛ naagbee yitso lɛ he gbɛjianɔ ji “Maŋtsɛ Lemuel.” Mɛi komɛi kɛɔ akɛ Maŋtsɛ Hezekia ni, eyɛ mli akɛ mɛi krokomɛi hu kɛɔ akɛ Lemuel ji Maŋtsɛ Salomo.​—Abɛi 31:⁠1.

Tookwɛlɔi: David kɛ gbalɔ Amos tsu nii akɛ tookwɛlɔi. (1 Samuel 16:​11-13; 17:​15, 28, 34; Amos 1:⁠1) Amos ŋma Biblia mli wolo ni egbɛi ka nɔ Iɛ, ni David ŋmala lalai babaoo. Lala 23 ni ehe gbɛi lɛ tsɔɔ bɔ ni David le tooi akwɛmɔ jogbaŋŋ ha lɛ.

Wolɛi: Yɛ Yesu bɔfoi ni ji wolɛi lɛ ateŋ lɛ, Yohane kɛ Petro ji mɛi ni yɛ sɛɛ mli lɛ akɛ mumɔ tsirɛ amɛ koni amɛŋmala Biblia mli woji. (Mateo 4:​18-22) Yohane ŋma Sanekpakpa Iɛ eko, kɛ agbɛnɛ woji etɛ ni jɛ mumɔŋ kɛ Kpojiemɔ wolo lɛ. Petro ŋmala woji enyɔ ni jɛ mumɔŋ.

Maŋsɔɔlɔi: Daniel kɛ Nehemia fɛɛ ji maŋsɔɔlɔi kɛha maŋsɛɛ nɔyelii ni ye Nyɔŋmɔ webii anɔ. (Nehemia 1:​1, 11; 2:​1, 2; Daniel 1:​19; 2:49: 6:​1-3) Hii nɛɛ agbɛi ka Biblia mli woji enyɔ nɔ.

Osɔfoi: Nyɔŋmɔ gbalɔi enyɔ ni akɛ amɛ tsu nii ni amɛŋmala Biblia Iɛ eko Iɛ ji osɔfoi. Amɛji Yeremia kɛ Ezekiel. (Yeremia 1:1; Ezekiel 1:​1-3) Kɛfata he lɛ, Ezra ji osɔfo ni jɛ Aaron weku lɛ mli ni eji “woloŋmalɔ ni le Mose mla lɛ . . . jogbaŋŋ.” “Ezra kɛ etsui fɔ nɔ akɛ eeetao Yehowa mla lɛ sɛɛ gbɛ ni eye nɔ, ni etsɔɔ mɛi akpɔi Iɛ kɛ mlai lɛ yɛ lsrael.”​—Ezra 7:​1-6, 10, 11.

Tatsɛ: Nii ni Yoshua tsu akɛ mɔ ni nyiɛ lsrael asraafoi lɛ ahiɛ kɛtee Shiwoo Shikpɔŋ lɛ nɔ ni ewuu eshi henyɛlɔi babaoo lɛ haa ehe saa akɛ aaatsɛ lɛ tatsɛ. (Yoshua 1:​1-3; 11:​5, 6) Ena hegbɛ akɛ aaaha eŋma Yoshua wolo lɛ. Nakai nɔŋŋ hu mɛi komɛi baasusu David he akɛ tatsɛ dani ebatsɔ maŋtsɛ.​—1 Samuel 19:8; 23:​1-5.

Tsofatsɛ: Yɛ naagbee Iɛ, Kolosebii 4:14 tsiɔ “Luka, tsofatsɛ ni asumɔɔ lɛ” Iɛ ta. Luka ŋma Sanekpakpa ni egbɛi ka nɔ lɛ, ni eka shi faŋŋ akɛ kɛ Bɔfoi lɛ Asaji Iɛ hu.

[Shishigbɛ niŋmai]