“Nyɔŋmɔ Jamɔ Hetuu-kɛ-Hamɔ” Kpokpaa Wulu nɔ Kpee

BƆFO Paulo ŋma akɛ: “Naagbee gbii lɛ anɔ Iɛ jaramɔ bei baaba. Ejaakɛ gbɔmɛi aaatsɔmɔ . . . mɛi ni sumɔɔ shwɛmɔ-kɛ-ŋɔɔmɔ fe Nyɔŋmɔ, mɛi ni hiɛ Nyɔŋmɔ jamɔ hetuu-kɛ-hamɔ shi amɛkwa emli hewalɛ Iɛ.”​—2 Timoteo 3:​1-5. New World Translation.

Kwɛ bɔ ni nakai wiemɔi Iɛ tsɔɔ mɛi ni kɛɔ akɛ amɛji Kristofoi lɛ ateŋ mɛi ni fa Iɛ jogbaŋŋ ha! Taakɛ osɔfo ko kɛɛ Iɛ, “ŋmɛnɛ, sɔlemɔi pii etsɔmɔ . . . hiɛtserɛjiemɔ hei.” Nɔ ni tamɔɔɔ enɛ kwraa lɛ, Kristo anɔkwa sɛɛnyiɛlɔi Iɛ ji gbɔmɛi “ni hiɛ dɔɔ yɛ nitsumɔi kpakpai ahe.” (Tito 2:14) Yesu sɛɛnyiɛlɔi Iɛ ji “shikpɔŋ Iɛ nɔ ŋoo” kɛ “je lɛŋ Ia.”​—Mateo 5:​13, 14.

Wɔ daa afi kpeei, kpokpaa wulu nɔ, maŋ, kɛ majimaji ateŋ kpeei lɛ ji wɔjamɔ Iɛ fai komɛi ni haa wɔfeɔ gbɔmɛi ni yɔɔ sɔrɔto .Wɔ 1989 kpokpaa wulu nɔ kpee lɛ gbɛi, “Nyɔŋmɔ Jamɔ Hetuu-kɛ- Hamɔ” Iɛ tsɔɔ wɔ jamɔ Iɛ su ko ni haa wɔfeɔ gbɔmɛi ni esoro amɛ kwraa yɛ mɛi krokomɛi ahe.

Ŋmalɛi lɛ maa bɔ ni Nyɔŋmɔ jamɔ hetuu-kɛ-hamɔ he hiaa ha Iɛ nɔ mi. Nɛkɛ kpee nɛɛ baafee hegbɛ kroko ko ni wɔɔna koni wɔbɔ “Nyɔŋmɔ jamɔ moŋ he mɔdɛŋ. Ejaakɛ gbɔmɔtso he mɔdɛŋbɔɔ he sɛɛnamɔ faaa, shi Nyɔŋmɔ jamɔ he yɛ sɛɛnamɔ yɛ nii fiaa mli, ni eyɛ wala ni yɔɔ agbɛnɛ nɛɛ kɛ nɔ ni baaba Iɛ he shiwoo.” (1 Timoteo 4:​7, 8) Ni 1 Timoteo 6:6 kɛɔ lolo akɛ: “Shi Iɛlɛŋ, ninamɔ kpeteŋkpele ji Nyɔŋmɔ jamɔ, kɛji mɔ ko mii shɛ enii ahe Iɛ.” Yesu Kristo ji Nyɔŋmɔ jamɔ hetuu-kɛ-hamɔ naamuu.​—1 Timoteo 3:⁠16.

Hela wiemɔ ni atsɔɔ shishi akɛ “Nyɔŋmɔ jamɔ hetuu-kɛ-hamɔ” ji eu·seʹbei·a. Kɛha Kristofoi lɛ eji “hetuu-kɛ-hamɔ ni nɔ kwɔ fe fɛɛ kɛha Nyɔŋmɔ.” Hetuu-kɛ-hamɔ ji “mɔdɛŋbɔɔ kɛ ekaa ni akɛwoɔ jamɔ mli nitsumɔi amli.” Nyɔŋmɔ jamɔ hetuu-kɛ-hamɔ ji tsui lɛ nɔheremɔ ni baakanya mɔ ko ni ehi shi yɛ gbɛ ni aaasa Nyɔŋmɔ hiɛ lɛ nɔ. Etsɔɔ akɛ ni mɔ ko kɛ ejwɛŋmɔ fɛɛ aaafɔ Nyɔŋmɔ nɔ. Kwɛ bɔ ni esa akɛ wɔkwɛ jogbaŋŋ akɛ yɛ be mli ni wɔyɔɔ je lɛ mli lɛ, wɔkafee je lɛ fa! Nyɔŋmɔ gbeyeishemɔ baatsi wɔnaa koni wɔkafee nɔ ni ehiii, shi Nyɔŋmɔ jamɔ mli hetuu-kɛ-hamɔ kanyaa wɔ koni wɔfee nɔ ni saa Nyɔŋmɔ hiɛ. Akɛ nɔ ni woɔ wɔ hewalɛ Iɛ, 2 Petro 2:9 (New World Translation) maa nɔ mi kɛhaa wɔ akɛ “Yehowa le bɔ ni efeɔ ejieɔ gbɔmɛi ni diɔ Nyɔŋmɔ jamɔ mli hetuu-kɛ-hamɔ sɛɛ lɛ kɛjɛɔ kaa mli.”

Bɔni afee ni ona Nyɔŋmɔ jamɔ mli hetuu-kɛ-hamɔ Iɛ, ebiɔ ni okɛ hiɛdɔɔ asusu Nyɔŋmɔ kɛ e-Wiemɔ Iɛ he. Bɔni afee ni okɛ Nyɔŋmɔ jamɔ mli hetuu-kɛ-hamɔ atsu nii lɛ, ehe miihia ni mɔ ko ale Nyɔŋmɔ jogbaŋŋ yɛ anɔkwale mli ni agbɛnɛ ale nii ni ekɛ nakai nilee lɛ akpa gbee. Ebiɔ ni mɔ hiɛ ahi emumɔŋ hiamɔ nii anɔ. Akɛni wɔ Nyɔŋmɔ jamɔ mli hetuu-kɛ-hamɔ mli nitsumɔ he hiaa hewɔ Iɛ, yelikɛbuamɔ ni wɔɔnyɛ wɔna lɛ fɛɛ he miihia wɔ. Wɔ kpokpaa wulu nɔ kpee lɛ baafee babaoo ni ekɛ yelikɛbuamɔ ni tamɔ nɛkɛ aha wɔ. Abaatsɔ wiemɔi, nɔkwɛmɔ nii, kɛ sanebimɔi anɔ atsɔɔ wɔ bɔ ni wɔɔfee ni wɔkɛ Nyɔŋmɔ jamɔ mli hetuu-kɛ-hamɔ atsu nii yɛ wɔshihilɛ gbɛi lɛɛ mli.

Wɔmiisumɔ ni wɔfee anɔkwa Kristofoi ni yɛ enɛ hewɔ lɛ wɔdamɔ shi akɛ mɛi ni esoro amɛ kwraa yɛ je lɛ he. No hewɔ Iɛ ba nɛkɛ kpeei nɛɛ ashishi kɛ mumɔŋ tsinebaa kpakpa. Bɔɔ mɔdɛŋ ni ohi jɛmɛ beni agbeleɔ kpee Iɛ kɛ lala yɛ Sohaa Ieebi, ni ohi shi aahu kɛyashi naagbee lala kɛ sɔlemɔ yɛ Hɔgbaa shwane. Ha ojwɛŋmɔ ahi wielɔi akpoku Iɛ nɔ bei abɔ ni wiemɔi Iɛ yaa nɔ Iɛ. Bɔɔ mɔdɛŋ ni otsi kaa ni aaaha okpa shi yɛ kpee lɛ shishi Iɛ naa. Ba ni osaa ohe kɛ woji kɛ niŋmaa tso. Kɛ obo wiemɔi lɛ toi jogbaŋŋ Iɛ, ebaawaje bo babaoo koni odi Nyɔŋmɔ jamɔ mli hetuu-kɛ-hamɔ sɛɛ yɛ oshihilɛ mli nibii fɛɛ mli: yɛ weku kɔkrɔɔ Iɛ mli, yɛ asafo Iɛ mli, kɛ agbɛnɛ mɛi ni yɔɔ sɛɛ lɛ ateŋ.

HEI Nl ABAAFEE KPEEI LƐ YƐ

Wɔmiitswa nyɛ adafi akɛ, abaafee 1989 “Nyɔŋmɔ Jamɔ Hetuu-kɛ-Hamɔ” Kpokpaa Wulu nɔ kpeei, ni ekolɛ abaafee yɛ December 1989/January 1990 mli, ní baahe gbii etɛ Iɛ yɛ maji ni nyiɛ sɛɛ nɛɛ amli:

Accra Tamale

Kumasi Koforidua

Sekondi

Oda

Sunyani

Tarkwa

Ho

Hɛɛ, nyɛhaa wɔteŋ mɔ fɛɛ mɔ abaa kɛ wɔfaishitswaa akɛ wɔɔna mumɔŋ jɔɔmɔi ni baajɛ “Nyɔŋmɔ Jamɔ Hetuu-kɛ-Hamɔ” Kpokpaa Wulu nɔ kpeei Iɛ mli aba Iɛ he sɛɛ babaoo. Too ogbɛjianɔ bianɛ koni onyɛ oya kpee Iɛ.

Gbɛkɛ Ni Sa Kadimɔ

Yesu Kristo kɛ wein kɛ aboloo akpiti tsu nii ekɛfee afɔle ni ebaasha eba adesai Iɛ he nibii yɛ nifeemɔ ko ni mli ka shi ni shishinumɔ yɔɔ mli Iɛ mli.

Beni etoɔ nɛkɛ nifeemɔ nɛɛ he gbɛjianɔ lɛ, ekɛɛ: “Nyɛfea enɛ ni nyɛŋɔkai mi.”​—Luka 22:⁠19.

Yɛ nyɛsɛɛ afi Iɛ mli lɛ, gbɔmɛi 9,201,071 kai Yesu kɛtsɔ egbele Iɛ Kaimɔ Iɛ be kpeei ni Yehowa Odasefoi to he gbɛjianɔ yɛ jeŋ fɛɛ Iɛ nɔ. Wɔkɛ suɔmɔ miifɔ bo nine ni oba afi nɛɛ Kaimɔ Iɛ shishi yɛ Maŋtsɛyeli Asa ni bɛŋkɛ oshia Iɛ nɔ.

Enɛ baaba nɔ yɛ Shɔ, March 22, beni hulu enyɔ shi sɛɛ. Bi Yehowa Odasefoi ni bɛŋkɛ bo lɛ koni ole be lɛ pɔtɛɛ.