‘Mimii Shɛko Mihe Tamɔ Nɛkɛ Da’

Enɛ ji wiemɔ ni yoo ko ni kɛ ŋaawoo ni akɛha yɛ wolo, Making Your Family Life Happy lɛ mli lɛ tsu nii lɛ kɛɛ. Ekɛ gbalashihilɛ mli naagbai miikpe ni eje shishi ekɛ yoo ni saa eshia lɛ wie he. Yoo ni saa shia lɛ ŋma akɛ:

“Ŋaawoo fɛɛ ŋaawoo ni mikɛha lɛ lɛ jɛ wolo lɛ mli. Yɛ naagbee lɛ mikɛɛ lɛ akɛ miyɛ wolo ko ni ebaana he miishɛɛ. Mitsɔɔ bɔ ni eye ebua mi lɛ mli miha lɛ ni ákɛ jwɛŋmɔ ni jɛ Biblia lɛ mli lɛ yɛ mli. Gbii fioo ko sɛɛ lɛ, mitswa lɛ telifon ni ekɛɛ mi akɛ ekɛ ewu ekane ni amɛkpɛ amɛyiŋ akɛ amɛkɛ amɛhe baaye yɛ mlihilɛ naa fioo.

“Gbɛkɛ nɛɛ etswa mi ekoŋŋ, ni ekɛɛ mi kɛfata nibii krokomɛi ahe akɛ miishɛɛ eba amɛshihilɛ mli fe bei fɛɛ bianɛ. Amɛkane wolo lɛ, amɛkwɛ ŋmalɛi ni jɛ Biblia lɛ mli lɛ, ni amɛkɛ emli Shishitoo mlai lɛ miitsu nii yɛ amɛshihilɛ mli.”

Kɛ oosumɔ ni aye ebua bo ni ogbalashihilɛ afee nɔ ni miishɛɛ yɔɔ mli lɛ, wolo nɛɛ he baaba sɛɛnamɔ aha bo. Onine baashɛ ekome nɔ kɛtsɔ nɔ ni yɔɔ shishigbɛ nɛɛ ni oooŋmala nɔ ni ataoɔ yɛ nɔ lɛ nɔ.

Nyɛfainɛ nyɛkɛ wolo ni hiɛ baafai 192, Making Your Family Life Happy lɛ ekome amajea mi. Mikɛ ₵250.00 ewo mli kɛmiiwo nyɔmɔ.