Saji Iɛ Asɛɛkɔmɔ

Woloŋlee ni Ekpɔtɔ

Afii nyɔŋma ni eho nɛ ni kɔlegi ko ni yɔɔ New York State kɛ nikasemɔ ni kɔɔ adesa fɔmɔ nii ahe eha ni baaha nikaselɔi Iɛ ana yijiemɔi etɛ yɛ ehe nikasemɔi amli. Abiɔ ni nikaselɔi lɛ “aya ‘maŋ’ ni amɛkɛ ajwamaŋi ayawie, amɛya hei ni hii ni kɛ hii feɔ yakayaka nii lɛ kpeɔ yɛ aloo amɛyasara ŋshɔnaai ni mɛi ni hiɛ amɛhe yayai lɛ yaa jɛmɛ,” ni nɛkɛ ji bo ni niŋmalɔ ko ni ŋmaa wolo yɛ New York Post lɛ mli lɛ bɔ he amaniɛ. Akɛɛ wolo ni amɛkaseɔ yɛ skul lɛ kɛ tsɔsemɔ haa yɛ gbɛ ni atsɔɔ nɔ akɛ fɔmɔnii woɔ daaŋ ni ewoɔ fɔmɔ nii kɛ shwɛmɔ he hewalɛ. Taakɛ Post lɛ tsɔɔ lɛ, nibii ni akaseɔ yɛ skul tsu lɛ mli lɛ eko ji sini ni ajieɔ atsɔɔ nikaselɔi Iɛ ni tsɔɔ “bɔ ni nuu kɛ yoo naa bɔlɛ,” kɛ agbɛnɛ “bɔ ni nuu kɛ yoo fɔmɔ nii yɔɔ kɛ bɔ ni amɛtsuɔ nii amɛhaa ni ajieɔ lɛ agboi yɛ sini Iɛ mli.” Mɛni baanyɛ afee nɔ ni etsi ehe kɛtee shɔŋŋ kɛjɛ hetsemɔ kɛ jeŋba kpakpa taomɔ nii ahe fe enɛ?​—Filipibii 4: 8, 9.

Yɛ be mli ni ehe miihia ni obalaŋtai ale anɔkwalei ni kɔɔ wala he ni amɛna enɛɛmɛi ahe jwɛŋmɔ kpakpa lɛ, fɔlɔi ji mɛi ni gbɛnaa nii titri ka amɛnɔ akɛ amɛkɛ tsɔsemɔ ni tamɔ nɛkɛ aha. (Abɛi 22:⁠6) Skul nikasemɔi fɛɛ ni woɔ bɔlɛnamɔ yɛ gbalashihilɛ sɛɛ lɛ he hewalɛ ni biɔ ni nikaselɔi akwɛ sinii ni akadi amɛ momo akɛ ehiii ni amɛka hii kɛ hii ni kɛ amɛhe feɔ yakayaka nii kɛ nyɛnyɛŋtswibɔɔ amɛkwɛ lɛ baafee nɔ ni esaaa anɔkwa Nyɔŋmɔ lɛ jalɔi Iɛ kwraa. Biblia lɛ tsɔɔ mli akɛ mɛi ni kɛ amɛhe woɔ ajwamaŋbɔɔ, gbalafitemɔ kɛ hii kɛ hii ni kɛ amɛhe teɔ yakayaka nii nɛɛ amli lɛ hiɛ “bɔlɛnamɔ mli akɔnɔi ni yɔɔ hiɛgbele,” ni amɛkɛ amɛhe woɔ “hiɛgbejianii” amli. Nibii nɛɛ ahe Biblia Iɛ woɔ kita yɛ akɛ: “Nyɛtsia nyɛhe naa yɛ ajwamaŋbɔɔ he.” Nɔ ni fata he lɛ, ekɛo akɛ: “Akatsi ajwamaŋbɔɔ . . . ta tete po yɛ nyɛteŋ.”​—Romabii 1:​24-32; 1 Tesalonikabii 4:3; Efesobii 5:​3, 5; Galatabii 5:​19, 21, New World Translation.

Apasa Hiɛnɔkamɔ

Gbɔmɛi ni taoɔ akɛ “ayoo amɛ akɛ gbɔmɛi diɛŋtsɛ” yɛ gbele mli lɛ miitsi amɛhe kɛmiijɛ gbɛ ni atsɔɔ nɔ afuɔ mɛi daa Iɛ he kɛmiiya blema tsofai ni awoɔ gbohii dani afuɔ amɛ lɛ he, taakɛ The Wall Street Journal Iɛ bɔ amaniɛ lɛ. Amerika shika aaafee dɔlai 7,500 ni aaawo lɛ “baaha akɛ egbonyo lɛ awo wein, bai kɛ tsofai sɔrɔtoi ni baabaa gbonyo lɛ yi lɛ mli nyɔji enyɔ, ni akɛ mui ni jeɔ ŋma baakpa lɛ ni akɛ klala, mamai ni akɛ kpai kpakpai ni fiteee, kɛ nibii ni nu tsɔɔɔ mli elo kɛ ama haa ehe,” taakɛ Journal lɛ kɛɔ Iɛ. Shika loo ojarawa tɛi ni akɛkpa gbonyo adekai ni akɛ akɔɔble efee ni tamɔ gbɔmɔtso lɛ pɛpɛɛpɛ hu yɛ ni awoɔ kɛjɛɔ Amerika shika dɔlai 100,000 kɛyaa ŋwɛi.

Shi, jeee bɔ ni awo gbonyo nɛɛ tsofa aha ni eyɔɔ sɔrɔto lɛ ji nɔ ni gbalaa gbɔmɛi ajwɛŋmɔ kɛyaa nɔ lɛ. Mɔ kome kɛɛ akɛ “kɛji akɛ eji anɔkwale taakɛ Kristofoi komɛi kɛɔ akɛ yɛ Kojomɔ Gbi lɛ nɔ Iɛ Kristo baatsɛ wɔ kɛjɛ gbonyo bu mli lɛ, belɛ miisumɔ ni mahi shihilɛ kpakpa mli.”

Taakɛ blema Mizraim bii ni heɔ yeɔ akɛ esa akɛ abaa amɛ gbɔmɔtso lɛ yi koni amɛ susuma Iɛ aku sɛɛ aba emli yɛ ewala sɛɛ lɛ ji lɛ, gbɔmɛi ni tamɔ nɛkɛ kɛ amɛ hiɛnɔkamɔ fɔɔ tsɔɔmɔ ni ji akɛ susuma Iɛ gbooo Iɛ nɔ. Jamɔ mli hiɛnyiɛlɔi etsɔɔ akɛ yɛ Kojomɔ Gbi lɛ nɔ lɛ, jalɔi kɛ efɔŋfeelɔi asusumai baabote amɛ gbɔmɔtsei amli koni akɛ amɛ aya ŋwɛi hejɔɔmɔ he loo hɛl la fɔbuu mli.

Ni kɛlɛ, susuma ni gbooo he tsɔɔmɔ Iɛ jeee nɔ ni atsɔɔ yɛ Biblia lɛ mli. Biblia Iɛ tsɔɔ moŋ akɛ susuma Iɛ gboɔ. “Susuma ni feɔ esha lɛ, lɛ nɔŋŋ eeegbo.” (Ezekiel 18:⁠4) No hewɔ lɛ, Biblia mli hiɛnɔkamɔ kɛha wɔsɛɛ be mli wala Iɛ damɔ Nyɔŋmɔ ni aaatee gbɔmɔ ni gbo lɛ shi kɛ esu kɛ baŋ kɛ gbɔmɔtso ni baaha anyɛ ayoo Iɛ kɛ kaimɔi ni eyɔɔ beni egbɔ Iɛ nɔ. No hewɔ lɛ Yesu baanyɛ awie yɛ gbɛ ni ja nɔ akɛ: “Ŋmɛlɛtswaa lɛ miiba, nɔ mli ni mɛi fɛɛ ni yɔɔ kaimɔ bui amli lɛ baanu egbee ni amɛaaje kpo.”​—Yohane 5:​28, 29, New World Translation.

“Amɛjɛɛɛ Je Lɛ Mli”

Watchtower Bible and Tract Society of New York, lnc., lɛ kɛ New York City Board of Estimate Iɛ kpe yɛ nyɛsɛɛ afi lɛ mli koni amɛbi ni aŋmɛ amɛ gbɛ ni amɛma shihilɛ he tsu ni feɔ ŋsɔɔdoi nyɔŋma kɛ nɛɛhu. Yɛ be mli ni bɛgwafoi Iɛ ateŋ mɛi pii teɔ shi woɔ tsu lɛ maa lɛ, oshikifɔɔ kanemɔi enyɔ ni kpɛlɛɔ nɔ akɛ aŋmɛ gbɛ ni ama tsu lɛ ji New York Maŋtiase lɛ maŋ onukpa Edward Koch kɛ mɔ kroko nɔ̃. Yɛ be mli ni ekɛ wiemɔ tsɔɔ eyiŋkpɛɛ lɛ mli lɛ, Maŋ Onukpa Koch kɛɛ akɛ “abaanyɛ abu Yehowa Odasefoi akɛ akutseiaŋbii kpakpai . . . Mibuɔ amɛ waa diɛŋtsɛ.” Kɛkɛ ni ekɛfata he akɛ: “Akɛɔ mi akɛ yɛ jamɔ yiŋtoo hewɔ Iɛ amɛfɔɔɔ oshiki yɛ oshikifɔɔ ko mli ni ekolɛ enɛ ji naagbai ni kɔɔ nɛkɛ nitsumɔ nɛɛ he Iɛ ekome, ejaakɛ ewa waa akɛ mɛi ni efɔɔɔ oshiki Iɛ aaaye omanye yɛ sane ni naataomɔ ni tamɔ nɛkɛ yɔɔ mli yɛ be mli ni gbɔmɛi babaoo kpaa onukpai ni ahala amɛ lɛ fai lɛ.”

Esa akɛ ajie Maŋ Onukpa Koch yi yɛ ekaa ni ekɛwie kɛ hiɛaŋkwɛmɔ ni ejieee Iɛ kpo yɛ gbɔmɛi babaoo ni teɔ shi woɔ lɛ nɛɛ fɛɛ sɛɛ lɛ hewɔ. Eyɛ mli akɛ eji Yehowa Odasefoi kɛ amɛhe woɔ maŋkwramɔŋ oshikifɔɔ mli kulɛ ebaŋ Iɛ nakai moŋ, shi anyɛŋ atsake amɛ kɛjɛ maŋkwramɔŋ saji ni amɛkɛ amɛhe wooo mli lɛ he​—ni bɔ ni nɔ ni amɛlaajeɔ Iɛ da ha lɛ kɔɔɔ he eko. Kɛha anɔkwa Kristofoi lɛ amɛshidaamɔ Iɛ mli ka shi faŋŋ. Yesu kɛɛ: “Amɛjɛɛɛ je Iɛ mli, taakɛ bɔ ni mi hu mijɛɛɛ je lɛ mli lɛ.”​—Yohane 17:​16.