Maŋtsɛyeli Jajelɔi Bɔ Amaniɛ
Biblia anɔkwale lɛ “Yɛ Hewalɛ”
NƐKƐ je nɛɛ fiteɔ be kɛ shika babaoo kɛbɔɔ mɔdɛŋ akɛ aaatsi mɛi fɔji anifeemɔi anaa. Awoɔ mlai yɛ efɔŋfeemɔi tamɔ tsofai ni akɛtsuɔ nii yɛ gbɛ fɔŋ nɔ, juu kɛ gbɔmɔgbee he nɛkɛ, shi nɛkɛ mlai nɛɛ haaa gbɔmɛi fɔji nɛɛ afee gbɔmɛi kpakpai. Yɛ gbɛ kroko nɔ lɛ, Nyɔŋmɔ Wiemɔ, Biblia lɛ, yɛ hewalɛ ni tsakeɔ mɔ, ni mɛi ni kɛ ekitai kɛ eshishitoo mlai Iɛ tsuɔ nii lɛ bafeɔ mɛi ni ja, anɔkwafoi, kɛ mɛi ni mli jɔ.—Romabii 12:2.
◻ Akɛ nɔkwɛmɔ nɔ lɛ, Odasefoi enyɔ komɛi ni yɔɔ Australia Iɛ ku amɛsɛɛ amɛyasara obalahii babaoo ko ni tsuuu nii Iɛ ekoŋŋ. Beni amɛbote shia ni nɛkɛ hii nɛɛ yɔɔ lɛ, amɛbote tsu ko ni mli ewo duŋ, ni lasu eyi mli obɔ mli. Wii shɛremɔ nibii jwere okpɔlɔ lɛ nɔ ni lalafolɔi amfonirii yɛ gbogboi Iɛ ahe. Yɛ tsu Iɛ afa kome lɛ, kpaa sankutswaa he tsɔji eyi jɛmɛ obɔ. Tsu lɛ ji lalafolɔi alala kasemɔ he. Amɛnyɛ amɛkɛ amɛteŋ mɛi etɛ ni ji nyɛmimɛi hii lɛ bɔi Biblia mli nikasemɔ. Afii komɛi dani enɛ aaaba lɛ, amɛnyɛ kɛ Odasefonyo ko ekase Biblia lɛ, ni kɛtsɔ wolo Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ Iɛ nɔ lɛ, etsɔɔ gbekɛbii hii nɛɛ Nyɔŋmɔ shiwoo yɛ wɔsɛɛ Paradeiso Iɛ he nii. Kɛkɛ ni weku Iɛ fa kɛtee he kroko, ni nikasemɔ lɛ sɛɛ fo. Agbɛnɛ, akɛni akanya amɛsuɔmɔ kɛha anɔkwale Iɛ ekoŋŋ hewɔ lɛ, etsɛɛɛ ni amɛnanemɛi enyɔ bafata amɛhe yɛ nikasemɔ lɛ mli.
Beni shɛɔ nyɔji etɛ lɛ, amɛteŋ mɔ kome miiye odase, ni no sɛɛ nyɔŋ kome lɛ, mɛi enyɔ lɛ hu bafata ehe. Amɛtsi amɛhe kɛjɛ lalatswaa kuu lɛ he, ni nyɔji ejwɛ mli lɛ, mɛi etɛ lɛ fɛɛ miina gbɛfaŋnɔ yɛ shiɛmɔ nitsumɔ mli. Beni be shwieɔ mli lɛ, amɛ nyɛ, amɛnyɛmi nuu fioo, kɛ amɛnyɛmi yoo ni ebote gbalashihilɛ mli Iɛ ebɔi Biblia lɛ kasemɔ. Be fioo ko sɛɛ lɛ, amɛnaanyo kroko ko hu bi ni akɛ Iɛ akase Biblia lɛ. Mɛɛ miishɛɛ po eji nɛkɛ akɛ aaana amɛteŋ mɛi enumɔ ni abaptisi amɛ yɛ nakai gbi lɛ nɔŋŋ yɛ kpokpaa nɔ kpee Iɛ shishi. Mɛi enyɔ ko hu miibɔ mɔdɛŋ kɛmiishɛ baptisimɔ he, ni yɛ nakai beaŋ nɔŋŋ lɛ amɛ nyɛ kɛ ebiyoo Iɛ hu miiya amɛhiɛ. Lɛlɛŋ, Nyɔŋmɔ Wiemɔ Iɛ yɛ hewalɛ.
◻ Nuu ko ni yɔɔ Argentina Iɛ yɛ nitsulɔ ko ni feɔ anihao ni emaleɔ ni hiɛ lɛ nyɔmɔ babaoo. Gbi ko lɛ, nitsulɔ nɛɛ jo foi ni elaaje. Yɛ afii komɛi asɛɛ lɛ, nuu lɛ kɛ etsutsu nitsulɔ nɛɛ kpe yɛ gbejegbɛ ko ni bɛŋkɛ eshia Iɛ nɔ. Etsutsu nitsulɔ nɛɛ ŋa Iɛ ni ekɛɛ lɛ akɛ: “Oshia lɛ miyaa ni mibawo bo nyɔmɔ ni mihiɛ bo lɛ. Naa oshika lɛ. Oyiwala dɔŋŋ, ni ofainɛ kɛfa mi akɛ minaaa mibawo bo nyɔmɔ lɛ mra.” Nuu Iɛ naa kpɛ ehe ni ebi lɛ nɔ hewɔ ni efee enɛ. Eha hetoo akɛ: “Agbɛnɛ miikase Biblia lɛ, ni Yehowa Odasefoi lɛ ateŋ mɔ ko ji mi. Biblia lɛ kɛɔ akɛ wɔkahiɛ mɔ ko mɔ ko nyɔmɔ ja suɔmɔ pɛ. No hewɔ ni miku sɛɛ mikɛ onii baha bo lɛ.” Nuu lɛ bi akɛ: “Mɛɛ hewalɛ Biblia lɛ yɔɔ ni ekɛtsake nuu nɛɛ?” Akɛ Iɛ je Biblia mli nikasemɔ shishi, ni amrɔ nɛɛ eekase anɔkwale lɛ, yɛ tsakemɔ kpele ni Biblia Iɛ efee yɛ etsutsu nitsulɔ lɛ he Iɛ hewɔ.
Mɛi babaoo ni hiɛ tsui krɔŋŋ yɛ Argentina lɛ miikpɛlɛ Biblia mli anɔkwale ni tsakeɔ mɔ Iɛ nɔ, ni amɛmiitsake amɛshihilɛ gbɛ, taakɛ niiashikpamɔ ni nyiɛ sɛɛ nɛɛ tsɔɔ lɛ.
◻ Odasefonyo ko gba akɛ: “Gbi ko ni wɔnyiɛ shiɛmɔ nɔ ni wɔyatswa shinaa ko lɛ, wɔnu bolɔmɔ waa kɛjɛ nakai shia Iɛ mli. Nuu ko here wɔ nɔ ni eje kpo—emli efu waa diɛŋtsɛ. Wɔje shishi wɔtsɔɔ Iɛ yiŋtoo hewɔ ni wɔsaraa mɛi lɛ, shi ewo wɔhe gbeyei akɛ ebaashwie wɔ kɛjɛ eshia lɛ. Wɔtee nɔ wɔkɛ Iɛ wie blɛoo yɛ gbee ni baa shi mli. Fiofio Iɛ etsui ba shi. Beni wɔyoo enɛ lɛ, wɔtee nɔ wɔtsɔɔ lɛ Yehowa yiŋtoo ni yɔɔ naakpɛɛ kɛha adesai lɛ mli babaoo. Nuu Iɛ hiɛ sɔ enɛ waa, ni ewie akɛ: “Nyɔŋmɔ tsu nyɛ biɛ,” ni enɛ ha wɔnaa kpɛ wɔhe. No sɛɛ lɛ, efɔwɔ nine kɛba eshia lɛ. Beni wɔyaakwɛ lɛ, naa ‘eŋa’ kɛ ebii Iɛ ni efi amɛ ewo tsu Iɛ koŋ, ni amɛmiifo. Kɛkɛ ni ejaje akɛ: “Beni nyɛbaa lɛ, no mli lɛ mibagbe miweku lɛ kɛ mi diɛŋtsɛ mihe hu. Mibɛ hiɛnɔkamɔ ko dɔŋŋ. Minitsumɔ eŋmɛɛ mi, ni amrɔ nɛɛ abaashwie wɔ kɛjɛ wɔshia nɛɛ mli, ni mihiɛ nyɔji babaoo ni mawo.”
Niiashikpamɔ nɛɛ naagbee baafee miishɛɛ nɔ. Nyɛmiyoo ko tao nitsumɔ eha nuu nɛɛ, ni ena shia kroko hu. Nuu lɛ kɛ “eŋa” lɛ je shishi amɛbɔi Biblia lɛ kasemɔ, ni amɛbote gbalashihilɛ mli diɛŋtsɛ yɛ be mli ni amɛhi shi kɛkɛ afii 15 sɛɛ lɛ.
Taakɛ nɛkɛ niiashikpamɔi nɛɛ tsɔɔ lɛ, Biblia mli anɔkwale Iɛ “yɛ hewalɛ,” ni eeenyɛ efee enɛ eha mɔ fɛɛ mɔ ni yɔɔ heshibaa tsui ni baakase Biblia Iɛ ni ekɛtsu nii lɛ.
[Wiemɔ ni akɔ ni akɛmiitsu nii ni yɔɔ baafa 29]
“Nyɔŋmɔ wiemɔ lɛ hiɛ ka ni eyɛ hewalɛ.”—HEBRIBII 4:12