Sanebimɔi Ni Jɛ Kanelɔi Adɛŋ

◼ Ale akɛ esa akɛ Nyɔŋmɔ webii ‘akwɛ mɛi ni ji amɛ diɛŋtsɛ amɛweku nɔ,’ no hewɔ lɛ, te fee tɛŋŋ ni Abraham jie Hagar kɛ Ishmael kɛjɛ ewe Iɛ kɛtee ŋa lɛ nɔ hu?

Eji nɔ ni suɔmɔ yɔɔ mli kɛ nɔ ni fe fɛɛ kɛha Nyɔŋmɔ tsuji akɛ amɛaakwɛ weku Iɛ mli bii ni ehia amɛ Iɛ anɔ. Bɔfo Paulo ŋma yɛ fɔlɔi ni ji Kristofoi lɛ ahe akɛ: “Shi kɛ mɔ ko kwɛɛɛ Iɛ diɛŋtsɛ emɛi, titri lɛ, Iɛ diɛŋtsɛ eshiabii lɛ, ekpa yɛ hemɔkɛyeli Iɛ sɛɛ, ni efaŋ mɔ ni heee yeee fe Iɛ.”​—1 Timoteo 5:⁠8.

Wɔbaanya wɔna nɔmimaa akɛ Abraham Iɛ eteee shi ewooo mumɔ ni ŋaawoo ni jɛ ŋwɛi nɛɛ hiɛ lɛ, ejaakɛ akɛ lɛ haa akɛ anɔkwale hemɔkɛyeli he nɔkwɛmɔ nɔ, eji “Yehowa shieŋtsɛ.”​—Yakobo 2:​23; Hebribii 11:​8-19.

Nyɔŋmɔ kɛ jɔɔmɔ ko he shiwoo ha kɛtsɔ Abraham seshi loo gboshiniyelɔ ko nɔ. Beni Sarai egbɔ ni efɔko lolo lɛ, ewo Abraham hewalɛ ni etsɔ etsulɔyoo Mizraimnyo Hagar nɔ efɔ binuu ko. Sɛɛ mli lɛ, beni Hagar ŋɔ hɔ lɛ, eje shishi ekɛ henɔwomɔ fee ehe nii eshi Sarai aaahu akɛ aaanyɛ atsɛ enɛ akɛ “yiwalɛ,” aloo efɔŋ diɛŋtsɛ ni afeɔ ashiɔ Abraham ŋa ni esumɔɔ Iɛ Iɛ. (2 Mose 23:1; 2 Samuel 22:​49; Lala 11:⁠5) Abraham ha Sarai tsɔse loo eka Hagar, ni yɛ enɛ hewɔ lɛ, Hagar jo foi kɛtee ŋa Iɛ nɔ; ekolɛ ni eeya Mizraim. Sane Iɛ etsɔɔɔ akɛ ekɛ niyenii ko fata ehe kɛtee, shi moŋ, ekolɛ ele akɛ ebaanyɛ ena niyenii kɛ nu kɛjɛ gbɛfalɔi ni hiɔ buui amli yɛ gbɛ lɛ nɔ adɛŋ. tamɔ Bedouinbii lɛ nɛkɛ.​—1 Mose 12:​1-3, 7; 16:​1-6.

Ni bɔfo ko kɛ ehe wo mli ni ekɛɛ Hagar akɛ eku esɛɛ eya, ni akɛ ebaana seshibii babaoo, ni akɛ ebinuu Ishmael ‘nine baate shi awo mɔ fɛɛ mɔ.’ (1 Mose 16:​7-12) Yɛ no sɛɛ afii fioo ko mli lɛ, Ishmael jie ehe kpo akɛ mɔ ni teɔ shi woɔ obalanyo fioo lsak, Abraham anɔkwa gboshiniyelɔ ni Sarai fɔ Iɛ lɛ. Ishmael je shishi ‘eye’ Isak ‘he fɛo’ aloo ejɛ lɛ. Hiɛdɔɔ yɛ nɛkɛ sane nɛɛ mli fe bienyɛyeli ko kɛkɛ. Nyɔŋmɔ Wiemɔ lɛ tsaa nɔ akɛ Abraham seshi ni ajɛ ŋwɛi agba ehe sane afɔ shi Iɛ “yiwaa.” No hewɔ lɛ nifeemɔ ni yɔɔ shiŋŋ he miihia.​—1 Mose 21:​1-9; Galatabii 4:​29-31.

Yehowa kɛɛ Abraham akɛ ebo eŋa Iɛ toi yɛ nɔ ni esa akɛ afee Iɛ he, koni ‘eshwie Hagar kɛ ebinuu Iɛ.’ Eyɛ mli akɛ sane nɛɛ eŋɔɔɔ Abraham naa akɛni Hagar kɛ ebinuu lɛ baashi lɛ hewɔ Iɛ moŋ, shi Abraham to heloo gbɛfaŋ nibii ahe gbɛjianɔ eha amɛ. Nɔ ni kɛ tsutsu be mli ni Hagar jo foi kɛtee ŋa Iɛ nɔ lɛ kpaaa gbee lɛ, yɛ nɛkɛ be nɛɛ mli lɛ, aha lɛ aboloo (ni tsɔɔ niyenii babaoo) kɛ nu​—Abraham ji mɔ ni ha Iɛ. Eka shi faŋŋ akɛ elaaje yɛ he ko “yɛ Beersheba ŋa Iɛŋ,” ni niyenii ni ehiɛ lɛ ta dani eyana nu bui ni yɔɔ jɛmɛ lɛ eko. Shi nɔ ni ba enɔ nɛɛ ji nɔ ni abaakɛɛ akɛ Abraham ejɛ, ejaakɛ ‘eto nibii ahe gbɛjianɔ eha mɛi ni ji Iɛ diɛŋtsɛ enɔ,’ yɛ jeŋba gbonyo po ni biɔ ni ashwie amɛ kɛjɛ eshia Iɛ mli.​—1 Mose 21:​10-21.

[Shikpɔŋ he mfoniri/Mfoniri ni yɔɔ baafa 31]

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)

Nshɔ Wulu

Karmel Gɔŋ

Megido

Yerusalem

Hebron

Beer-sheba

Ŋoo Ŋshɔ

Negeb

[Mfoniri]

Wadi Zin, faa ko ni agbo jɔɔ ni ka Beersheba wuoyigbɛ Iɛ

[He ni Sane lɛ Jɛ]

Based on a map copyrighted by Pictorial Archive (Near Eastern History) Est. and Survey of Israel

[Baafa 31]AUGUST Daa Gbi Ŋmalɛ

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)