Ekɛ Mumɔŋ Shweremɔ Baa

Aabɔ mɔdɛŋ ni aye abua Chinese yoo ko ni yɔɔ England koni ekase Biblia mli tsɔɔmɔi lɛ, shi yoo nɛɛ nuuu Ŋleshi wiemɔ lɛ pii ko tsɔ. Mɔ ni tsɔɔ lɛ nii lɛ bɔ amaniɛ akɛ, “Minaaa nɔyaa loo shweremɔ kpakpa ko yɛ ehe. Kɛkɛ ni obalayoo lɛ naanyo ko ni yɔɔ Australia kɛ My Book of Bible Stories wolo lɛ eko ni yɔɔ Chinese wiemɔ mli maje lɛ. Agbɛnɛ yoo nɛɛ miisumɔ ni eba wɔkpeei lɛ koni ekase babaoo. Agbɛnɛ enuɔ nibii ashishi jogbaŋŋ yɛ bɔ ni étsɔɔ anɔkwale lɛ mli yɛ gbɛ ni mli ka shi faŋŋ nɔ yɛ wolo lɛ mli lɛ hewɔ. Eŋɔɔ minaa waa! Mitsɔ wolo nɛɛ nɔ miha yoo nɛɛ etee hiɛ ni jeee yɛ mɔdɛŋbɔɔ ko ni jɛ mi.”

Biblia mli saji 116 ni haa nikaselɔ lɛ leɔ nɔ ni yɔɔ Biblia lɛ mli yɔɔ My Book of Bible Stories wolo lɛ mli. Akalaa enɛ yɛ wiemɔi fe 50 mli. Onine baanyɛ ashɛ wolo ni sɛɛnamɔi babaoo yɔɔ he ni hiɛ baafai 256 nɛɛ nɔ kɛtsɔ ogbɛi kɛ adrɛs ni oooŋmala owo nɔ ni yɔɔ shishigbɛ nɛɛ nɔ lɛ nɔ.

Nyɛfainɛ nyɛkɛ My Book of Bible Stories wolo lɛ ekome amajea mi. Mikɛ ₵75 ewo mli kɛmiiwo nyɔmɔ.