Nǎ hlɔ̌nhlɔ́n jiɖe e a ɖó dó hlɔ̌nhlɔ́n mɛhwlɛ́ngán tɔn Jexóva tɔn wú é

Xa Kɛ́nsísɔ́ 13:25–14:4 bá dó mɔ lěe Izlayɛ́li ví lɛ́ ma ɖeji dó Jexóva wú ǎ gbɔn é.

Gbějé nǔ e lɛ́ lɛ̌ dó wěmafɔ ɔ lɛ́ é kpɔ́n. Étɛ́wú Izlayɛ́li ví lɛ́ ka ɖó ná ko ɖeji dó nǔwúkpíkpé e Jexóva ɖó bo ná hwlɛ́n yě hwenu e yě gosín Ejípu é wú? (Ðɛh. 78:12-16, 43-53) Étɛ́ ka zɔ́n bɔ yě wá gɔn jiɖe ɖó dó Jexóva wú? (Sɛ́n. 1:26-28) Nɛ̌ Jozuwée kpó Kalɛ́bu kpó ka ɖe xlɛ́ ɖɔ émí ɖeji dó Jexóva wú gbɔn?—Kɛ́n. 14:6-9.

Ba do nú nǔ d’é jí. Étɛ́ Izlayɛ́li ví lɛ́ ka sixú ko wa bónú jiɖe e yě ɖó dó Jexóva wú é ná jɛjí? (Ðɛh. 9:11; 22:5; 78:11) Kancícá tɛ́ ka ɖo jiɖe ɖíɖó dó Jexóva wú kpó sísí ɖíɖó n’i kpó tɛ́ntin?—Kɛ́n. 14:11; Nǔx. 14:26.

Ba nǔkplɔ́nmɛ lɛ́. Kan nǔ élɔ́ lɛ́ byɔ́ hwiɖée:

• ‘Ninɔmɛ tɛ́ lɛ́ ka sixú tɛ́n jiɖe mlɛ́mlɛ́ e un ɖó dó Jexóva wú é kpɔ́n?’

• ‘Nɛ̌ un ka sixú ná hlɔ̌nhlɔ́n jiɖe e un ɖó dó Jexóva wú é din bo lɛ́ wa mɔ̌ ɖo sɔgúdo gbɔn?’

• ‘Jiɖe tɛ́ un ka ɖó din e wǔvɛ́ ɖaxó ɔ ɖo sisɛkpɔ́ wɛ é?’—Luk. 21:25-28.