Manayɛ́nu: Sɔ́ nǔ gbigbɔ tɔn lɛ́ ɖó tɛn nukɔntɔn ɔ mɛ

Manayɛ́nu ɖo mɛ ɖěɖěe nɔ nukɔn nú nǔ lɛ́ ɖo agun Antyɔ́ci tɔn mɛ ɖo xwe kanweko nukɔntɔn ɔ mɛ lɛ́ é mɛ. É “kpó tokpɔngán Elódu kpó yi wěmaxɔmɛ ɖó kpɔ́.” (Mɛ. 13:1) Énɛ́ wú ɔ, Manayɛ́nu se wěma tawun, bo sixú ko su ɖo xwédo e jɛ dɔkun é ɖé mɛ.

Manayɛ́nu su ɖo ninɔmɛ énɛ́ mɛ có, é wá gbeta ɔ kɔn bá húzú klisánwun, bá nɔ gǔdo nú agun ɔ. É zán wěma e é se é, alǒ tuun e é tuun mɛ nukúnɖéjí lɛ́ é dó jlá ajɔ̌ nú éɖée ǎ. É nyɔ́ wa ɔ, é wa mɛsɛntɔ́zɔ́ nú nɔví tɔn lɛ́.

Kpɔ́ndéwú Manayɛ́nu tɔn xlɛ́ ɖɔ Jexóva sinsɛn ɖo tají tawun hú mɛ nukúnɖéjí nyínyí ɖo gbɛ élɔ́ mɛ gbé nyinya. Manayɛ́nu ɖɔhun ɔ, mǐ ɖó ná nya nǔ gbigbɔ tɔn lɛ́ gbé hú nǔ gbɛ ɔ tɔn lɛ́. (Mat. 6:33) Gɔ́ ná ɔ, wěma sise ná bo tlɛ xɔ akwɛ́ nú mǐ ɔ, mǐ nɔ “tuun nǔ e nyí nǔ tají hú gǎn lɛ́ é,” bo nɔ kú d’é jí ɖɔ nǔ agbaza tɔn lɛ́ gbé nyinya kún ɖo agba hwlɛ́n xá Jexóva sinsɛn mǐtɔn wɛ ó.—Filí. 1:9, 10.