25-31 MAI

DƆKUN MAWUXÓ Ɔ TƆN ÐÉ LƐ́

1. Mǐ yí wǎn nú Palaɖísi gbigbɔ tɔn mǐtɔn!

(Cɛ́jú 10)

Ðo palaɖísi gbigbɔ tɔn ɔ mɛ ɔ, mɛsɛntɔ́ Mawu tɔn lɛ́ nɔ mɔ nǔɖuɖu gbigbɔ tɔn bɔ é nɔ túnflá (Eza 65:13; w24.04 21 akpá. 5)

Palaɖísi gbigbɔ tɔn mǐtɔn nɔ d’alɔ mǐ bɔ mǐ nɔ ɖí xwi xá wǔvɛ́ kpó adohu adohu kpó (Eza 65:14-17; w24.04 22 akpá. 9-10)

Gbɛ ɔ ɖó nǔ ɖěbǔ bɔ è sixú sɔ́ jlɛ́ dó fífá kpó ayijayǐ kpó e sín vǐví mǐ nɔ ɖu é wú ǎ (Eza 65:25; w24.04 23 akpá. 13)

Tínmɛ: Nukɛgbe “palaɖísi gbigbɔ tɔn ɔ” nɔ dó gesí ninɔmɛ e mɛ mǐ nɔ sɛn Jexóva ɖe é. Ðo fínɛ́ ɔ, mǐ nɔ ɖu vǐví fífá mɛ ninɔ xá Jexóva kpó mǐɖée lɛ́ kpó tɔn.

Ðiɖe lɛ́: Nɔví súnnu lɛ́ kpó nɔví nyɔ̌nu lɛ́ kpó ɖo palaɖísi gbigbɔ tɔn ɔ sín nyɔ̌ná lɛ́ sín vǐví ɖu wɛ. 1. Yě ɖo xó ɖɔ xá yěɖée lɛ́ wɛ kpó awǎjijɛ kpó ɖo kpléxɔ Axɔ́súɖuto ɔ tɔn ɖé mɛ. 2. Yě ɖo kpléxɔ Axɔ́súɖuto ɔ tɔn sín kɔ́xota jlá ɖó wɛ ɖó kpɔ́, kpó awǎjijɛ kpó. 3. Nɔví súnnu mɛxómɔ ɖé ɖo wǔsyɛ́n dó lanmɛ nú nɔví súnnu wínnyáwínnyá ɖé wɛ ɖo gankpá ɖé mɛ. Yě tɛ́ káti kpó wěmasɛ́dómɛ e nɔví lɛ́ sɛ́ dó yě lɛ́ é kpó dó dǒ wú. 4. Asú kpó asi kpó ɖokpó yi ba nɔví nyɔ̌nu e ɖo azɔn jɛ wɛ é ɖé kpɔ́n ɖo dotóoxwé, b’ɛ víví n’i. Asi ɔ hɛn nɔví nyɔ̌nu ɔ sín alɔ, bɔ asú ɔ hɛn xasun e mɛ atínsínsɛ́n kpó káti lɛ́ kpó gɔ́ é ɖé alɔ mɛ.

2. Nǔ xɔ akwɛ́ Biblu tɔn lɛ́ biba

(Cɛ́jú 10)

Eza 66:24: Nɛ̌ wěmafɔ énɛ́ ka d’alɔ mǐ bɔ mǐ mɔ nukúnnú jɛ xó e Jezu ɖɔ dó Jeyɛ́nu wú ɖo Maki 9:47, 48 mɛ é mɛ gbɔn? (ijwbq xóta 76 akpá. 10)

Xósin towe
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?

Xósin towe

3. Biblu xixa

(Cɛ́jú 4) Eza 65:17-25 (th nǔkpɔ́nnúmɛ 10)

ZĚ HWIÐÉE BǏ JÓ NÚ MAWUXÓÐIÐƆZƆ́ Ɔ

4. Xóɖɔɖókpɔ́ ɖé bíbɛ́

(Cɛ́jú 3) MAWUXÓÐIÐƆ HWENU E È ÐO NǓ ÐĚVO LƐ́ WA WƐ É. Ba ali e nu a ná bló bɔ mɛ ɔ ná tuun ɖɔ kúnnuɖetɔ́ Jexóva tɔn wɛ nú we ɖe é, bo wa mɔ̌ ɖo jɔwámɔ linu. (lmd nǔkplɔ́nkplɔ́n 5 kɛ́n 3)

5. Xóɖɔɖókpɔ́ ɖé bíbɛ́

(Cɛ́jú 2) KÚNNUÐIÐE AGBAWUNGBA TƆN. Mɛ ɔ jló ná dɔn nǔ xá we. (lmd nǔkplɔ́nkplɔ́n 4 kɛ́n 5)

6. Xóɖɔɖókpɔ́ ɖé bíbɛ́

(Cɛ́jú 3) SÍN XWÉ ÐÉ GBE JƐ XWÉ ÐÉ GBE. Zǎn tláti ɖé dó bɛ́ xóɖɔɖókpɔ́ xá mɛ. (lmd nǔkplɔ́nkplɔ́n 1 kɛ́n 4)

7. Tínmɛ nǔ e a ɖi nǔ ná lɛ́ é

(Cɛ́jú 3) Wǎzéxlɛ́. ijwbq xóta 87. Xóta: Mɛ̌ ka nyí kɛntɔ́ Klísu tɔn ɔ? (th nǔkpɔ́nnúmɛ 17)

KLISÁNWUN GBƐ ZÍNZÁN

8. Ado nɔ hu we dó sinsɛnzɔ́ hwebǐnu tɔn wíwá nú Jexóva wú wɛ a?

(Cɛ́jú 15) Xóɖɔɖókpɔ́.

Ðiɖe lɛ́: Video “Étɛ́ a ka ná wa ‘ɖó wɛn ɖagbe ɔ wú’?” sín akpáxwé ɖé lɛ́. 1. Nɔví Tomohiro Nishimura nɔ w’azɔ̌ ɖo Betɛ́li, ɖo wěmabláɖókpɔ́xɔsá. 2. Nɔví nyɔ̌nu Happiness Mabho ɖo azɔ̌ wa wɛ ɖo ɔdinatɛ́ɛ tɔn jí ɖo nǔtínmɛdógbeɖěvomɛ xɔsá. 3. Rayner Fernando kpó Keziah Fernando kpó ɖo gbe dó nɔví súnnu ɖé wɛ ɖo Betɛ́li, fí e yě nɔ wa xɔgbígbázɔ́ ɖe é. 4. Nɔví súnnu George Telan, Jr. ɖo azɔ̌ wa xá nɔví ɖěvo lɛ́ wɛ ɖo azɔ̌xɔsá sinsɛnzɔ́ tɔn ɖo Betɛ́li. 5. Nɔví nyɔ̌nu Ramona Welsch ɖo Biblu kplɔ́n xá mɛɖé wɛ.

A ka ɖo tamɛ lin dó hwenu e a ná bɛ́ sinsɛnzɔ́ hwebǐnu tɔn é jí wɛ wɛ a? Ado ka nɔ hu we ɖɔ ényí a wa mɔ̌ ɔ, nǔ ɖé lɛ́ ná gbɔ wǔ we ɖo gbɛ mɛ wɛ a? Alǒ a ko kan nǔ lěhun byɔ́ hwiɖée kpɔ́n: Ényí Kúnnuɖetɔ́ Jexóva tɔn lɛ́ bǐ ná mɔ gbɛ mavɔmavɔ ɔ, étɛ́wú un ka ɖó ná jó nǔ ɖé lɛ́ dó bá wa nǔ gěgé d’é jí nú Jexóva?’ Nú mɔ̌ wɛ ɔ, flín ɖɔ Jexóva kún “nɔ tɛ nyɔ̌ná” mɛ e nɔ ɖeji dó wǔ tɔn lɛ́ é ó. (Ðɛ 84:12, 13) Ényí mǐ ma ná nǔ ɖagbe hú gǎn e mǐ ɖó é Jexóva ǎ ɔ, awǎjijɛ sín ali gěgé wɛ ná gbɔ mǐ wú.

Jexóva nɔ dó nú togun tɔn din bo ná lɛ́ wa mɔ̌ ɖo sɔgúdo. Xo VIDEO Étɛ́ a ka ná wa ‘ɖó wɛn ɖagbe ɔ wú’? ɔ. Énɛ́ gúdo hǔn, kan nǔ élɔ́ byɔ́ kpléwátɔ́ lɛ́:

Ée mɛ wínnyáwínnyá énɛ́ lɛ́ wá gbeta ɔ kɔn bá wa nǔ gěgé d’é jí nú Jexóva é ɔ, nyɔ̌ná tɛ́ lɛ́ sín vǐví yě ka ɖu?

Xósin towe

Nú a ma sixú kpé wú bo wa sinsɛnzɔ́ hwebǐnu tɔn ǎ ɔ ka lo? Jexóva nɔ dó nú mɛ ɖěɖěe nɔ ná ɛ nǔ ɖagbe hú gǎn e yě ɖó lɛ́ é é. Énɛ́ wú ɔ, kpo ɖo nǔ ɖagbe hú gǎn e a ɖó é ná ɛ wɛ, bo tuun ɖɔ é ná “kɔn nyɔ̌ná dó [jǐ we], káká bɔ é ná túnflá.”—Mal 3:10.

9. Biblu kplɔ́nkplɔ́n agun tɔn

(Cɛ́jú 30) lfb nǔkplɔ́nkplɔ́n 88-89