18-24 MAI
EZAYÍI 62-64
Han 44 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. Zɛ̌nmɛtɔ́ wǎnyíyínɔ e nɔ lɛ́ se wǔvɛ́ xá mɛ é
(Cɛ́jú 10)
É ná bo tlɛ nyí ɖɔ hwɛ e mǐ hu lɛ́ é sín sin sún wɛ mǐ ɖe ɔ, Jexóva nɔ lɛ́ se wǔvɛ́ xá mǐ (Eza 63:9; w24.01 4-5 akpá. 9)
Jexóva nɔ cyɔ́n alɔ mǐ jí bɔ mǐ nɔ gɔn nǔwanyido mǐtɔn lɛ́ sín sin sún ǎ có, é ka nɔ d’alɔ mǐ (w23.08 28-29 akpá. 8-9)
Ényí mǐ ná ɛ tɛn ɔ, é ná kpo ɖo alɔ dó mǐ wɛ bɔ mǐ ná ɖo hǔzúhúzú lɛ́ bló wɛ bá dó xɔ akwɛ́ n’i (Eza 64:8; w13 15/9 20 akpá. 15-17)
2. Nǔ xɔ akwɛ́ Biblu tɔn lɛ́ biba
(Cɛ́jú 10)
Eza 62:7: Nɛ̌ Ezayíi ka tɛ ɖɛ̌ nǔ e wú è ɖó ná nɔ xo ɖɛ vívɛ́ vívɛ́ é jí gbɔn? (w22.11 9-10 akpá. 7)
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Eza 64:4-12 (th nǔkpɔ́nnúmɛ 12)
4. Xóɖɔɖókpɔ́ ɖé bíbɛ́
(Cɛ́jú 3) KÚNNUÐIÐE AGBAWUNGBA TƆN. Tɛ́n kpɔ́n bo tuun xóta e ná dɔn mɛ ɔ é. Blǒ tuto bá d’afɔ nú jlǒ tɔn. (lmd nǔkplɔ́nkplɔ́n 1 kɛ́n 5)
5. D’afɔ nú jlǒ e mɛ ɔ ɖó é
(Cɛ́jú 4) SÍN XWÉ ÐÉ GBE JƐ XWÉ ÐÉ GBE. Ðɔ xó dó video e ɖo azɔ̌wanúgbá mɛkplɔ́nkplɔ́n tɔn mǐtɔn mɛ é ɖokpó wú. (lmd nǔkplɔ́nkplɔ́n 9 kɛ́n 4)
6. D’alɔ mɛ lɛ́ bónú yě ní húzú ahwanvú
(Cɛ́jú 5) lff 254 gbǎví “Un ka ɖo gbesisɔmɛ bo ná nɔ ɖɔ mawuxó xá agun ɔ a?” Ðɔ xó xá Biblu kplɔ́ntɔ́ towe dó wɛnjlátɔ́ e ma ko bló batɛ́mu ǎ é húzúhúzú gbé nyinya wú. (lmd nǔkplɔ́nkplɔ́n 12 kɛ́n 3)
Han 115
7. Nǔ sísɔ́ ɖ’ayǐ nú adla j’ayǐ lɛ́: Ðǒ nukún nǔmaɖónukún lɛ́
(Cɛ́jú 15) Xóɖɔɖókpɔ́. Mɛxó agun tɔn ɖé wɛ ná kpé nukún d’é wú. Ényí alaxɔ kpó kplékplé mɛxó lɛ́ tɔn kpó sɔ́ nǔ nú nǔflínmɛ ɖé lɛ́ hǔn, ɖɔ xó dó yě jí.
Adla sixú j’ayǐ, alǒ è sixú xo dǎka mɛ wú ɖo fí ɖěbǔ ɖo hweɖébǔnu. (Nǔt 9:11) Ényí fí e adla j’ayǐ lɛ́ ma nɔ yá wǔ gba nǔ ɖe mɔ̌ ǎ é ɖé wɛ a ná bo tlɛ nɔ nɔ ɔ, nǔnywɛ́nú wɛ é ná nyí ɖɔ a ní ɖó nukún ɖɔ yě sixú wá jɛ. (Nǔx 22:3) Nɛ̌ mǐ ka sixú sɔ́ nǔ ɖ’ayǐ gbɔn?
A ɖo fí e ɖo agbawungba é ɖé hǔn, nɔ ɖo acéjí dó nǔ e ɖo jijɛ wɛ lɛ́ lɛ̌ dó we lɛ́ é wú, bɔ ényí a ɖo fí e gbɛtɔ́ sukpɔ́ ɖe é ɖé hǔn, nɔ kú d’é jí ɖɔ a tuun fí e a ná yá wǔ hɔn tɔ́n gbɔn lɛ́ é
Sɔ́ nǔ nú sákia ajijimɛnú lɛ́ tɔn lɛ́ gɔ́ nú dandannú e sixú xɔ gbɛ nú we ɖo adla j’ayǐ hwenu lɛ́ é. Bo ná dó ɖo gbesisɔmɛ hwenu e adla ná j’ayǐ é hǔn, blǒ tuto nǔ e a ná wa é kpó fí e a ná yi é kpó tɔn, bo lɛ́ ɖó alǒkankɛ́n mɛ e ɖo xwédo towe mɛ lɛ́ é kpó xɔ́ntɔn towe lɛ́ kpó tɔn.—g17.5 4
Xo VIDEO Nǔ sísɔ́ ɖ’ayǐ nú adla j’ayǐ lɛ́: Ðǒ nukún nǔmaɖónukún lɛ́ ɔ. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:
Étɛ́ nɔví lɛ́ ka lin dó nǔ sísɔ́ ɖ’ayǐ nú adla j’ayǐ lɛ́ wú jɛ nukɔn?
Afɔ tawun tawun tɛ́ lɛ́ yě ka ɖe dó sɔ́ nǔ ɖ’ayǐ?
Nɛ̌ Jexóva ka dó nú gǎn e yě dó bo sɔ́ nǔ ɖ’ayǐ nú adla j’ayǐ ɖé é gbɔn?
Étɛ́ nǔ énɛ́ e yě mɔ kpɔ́n é ka kplɔ́n yě?
KANBYƆ́ HWIÐÉE ÐƆ: ‘Étɛ́ linlin e un nɔ ɖó dó nǔ sísɔ́ ɖ’ayǐ nú adla j’ayǐ lɛ́ wú é ka nɔ xlɛ́ dó sísí e un nɔ ɖó nú Jexóva é wú?’
NǓ E GBÉ A SIXÚ NYA É: Ðo aklúnɔzángbla élɔ́ mɛ ɔ, ée a ná ɖo fí e ɖo agbawungba lɛ́ é ɔ, kan nǔ élɔ́ byɔ́ hwiɖée: ‘Fítɛ́ un ka sixú yá wǔ hɔn tɔ́n gbɔn?’
8. Biblu kplɔ́nkplɔ́n agun tɔn
(Cɛ́jú 30) lfb nǔkplɔ́nkplɔ́n 86, xónusɔ́ɖóte akpáxwé 13gɔ́ ɔ tɔn kpó nǔkplɔ́nkplɔ́n 87 kpó
Tasúnáxó lɛ́ (Cɛ́jú 3) | kpó ɖɛ kpó
a Kpɔ́n gbǎví: “Avez-vous ce qu’il vous faut?” ɖo Réveillez-vous! No. 5 2017, wěx. 6 jí.