Akia afé bi ne dzam vòli bivuvumen biaan

1-2. Mam mefé me nga be dzam bò na énying é bò ndzug a zang wò ai bivuvumen bié?

YÉSUS a nga dzo ai mot zing ya a nga be a yi na a bò nyègè woé na: “Kele a nda dzoé, a mvog dzoé, o kare bò é mam mese Yéhova a nga bò wò.” (Markus 5:19) Yésus a nga kòbò nala amu a nga be a yem na bot bese ba ding kaben mimbembe mefoé be bele ai bivuvumen biaba.

² Ye o ngene o tsogo é mintak o nga bi éyòng o nga tari na wò yègè Bibel? O nga beki dzam baala mintak mité asu doé wò étam! Veda, seki bivuvumen bié bise mbiè bi nga ding dzam té. Éyòng zing be nga wog olun amu akia ya o nga kat bò é mam o nga be o yèègè. Nge é ne nala, dzé o ne dzam bò asu yi na o yem nying ai bivuvumen bié tegè dang memvéndé me Yéhova?

3. Dzé bia zu yen ayègè di?

³ Ayègè di, bia zu yen é mam menyi bi ne dzam bò asu yi na bi yem nying ai é bivuvumen biaan bia sié ki Yéhova. (1) Akia afé nkoen éngongòl o ne bia tindi na bi ke osu a vòli bivuvumen biaan,a tò ba yebe ki nyebe waan; (2) mam mefé bi ne dzam bò éyòng ba kat bia nge a bò bia é mam ma bò bia mintié; (3) akia afé bi ne dzam vòli bivuvumen biaan ai odzibi ase na be yem Yéhova; ai (4) akia afé bi ne bò dzam lere na bia ding bò.

AKIA AFÉ NKOEN ÉNGÒNGÒL O NE BIA TINDI NA BI KE OSU A VÒLI BIVUVUMEN BIAAN?

4. Dzé Yésus a nga bò éyòng bot be mbe be vogolo ki nyè?

⁴ Yésus a ndziki ku sòm tò ane bot bezing be he yebe ki é foé a nga be kare bò. Yésus a vegen nyémen ai é mot a bele élé faige a nga bè afub dié. A ve mengul moé mese asu yi na élé té é wum mimbembe bibuma ve é ndziki wum tò ébum dzia. (Lukas 13:​6-9) Éyòng Yésus a nga be vaa é mvulna nyi, a nga be a dzeng ya ai ngul dzié ése a lot mimbu milè na a vòli beyuden na be bi afiri ai nyè, be bò fe beyègè boé. Asu dzé hm a nga ke osu na a vòli bò? Yésus a nga be a bele fulu nkoen éngongòl, fulu té ndzò é nga vòli nyè na a ke osu a tòbò odzibi ai bò.

5. Asu dzé Yésus a nga wog beyuden éngongòl?

⁵ Yésus a nga be wogo beyuden éngongòl amu a nga be yeme na betebe osu ya minyebe be nga ndziki bò vòli na be yem bebela a bebege Yéhova ai na be bi fe mfang mbunen. Yésus a nga dzo na a yen bò ane “mintomba mi ne tègè ai nnòni.” (Markus 6:34) Osusua yi na a wu, Yésus a nga yon asu tisòn Yérusalem amu a nga be a yeme na abui bot be nga be be nying’i a tisòn té ba yi man kèène wu mbol be nga ndziki bi mfang mbunen abe Yéhova ban Yésus. (Lukas 19:​41-44) Dzam deda fe, nge bia wog bot éngongòl amu étié be tele, bia yi dzeng na bi vòli bò.

6. Asu dzé bia yeane tòbò odzibi ai bivuvumen biaan? (Gal. 6:9)

⁶ Lang’a Galati 6:9. Tò ane bivuvumen biaan bi ngene tegè tari na bia yebe mbembe foé a tii ai Yéhova, bia yeane ke osu a tòbò odzibi ai bò, tegè suu mò a si, bi bò bò “mbeng.” Bia yem na, da sili abui abog asu yi na mot a tséndé nyenen mam woé ai na a bi mbunen o ne ngul. Éyòng zing na wò fe o nga be ane bò “tegè ai ndi, tegè ai Zamba a si mu” (Éf. 2:12) Nge a ne nala, tegè bisoo na mot zing a nga tòbò odzibi ai wò, a vòli fe wò na o tséndé nyenen mam o nga be o bele ai na o tuene yem Yéhova. Akia be nga vòli wò, ngaa wò yi fe na wò vòli bivuvumen boé asu yi na be dzali meyang’en maba ya nsisim?

MAM MEFÉ BI NE DZAM BÒ ÉYÒNG BA KAT BIA NGE A BÒ BIA É MAM MA BÒ BIA MINTIÉ

7. Dzé é nga yeane bò na te babenyang be Yésus be yebe na a ne Mesias?

⁷ Babenyang be Yésus be nga yeane wog na a nga bò mesimba a nnam Galiléa. (Lukas 4:​14, 22-24) Veda, a metari be ndziki yebe na a ne Mesias. (Yoh. 7:5) Asu dzé? Bibel a yalen ki nsili té. Bibel a timi bia amu dzé beyuden bevòk be nga ndziki yebe na ba tong Yésus. Bevòk be nga be mbara na bivuvumen biaba bi kèène ai bò. (Yoh. 9:​18-22) Bevòk ki be nga yem Yésus a toa mòngò, é ntoa hm bò ayié na be yebe na a ne Mesias, é mot Zamba a nga lom. (Markus 6:​1-4) Babenyang be Yésus be nga yeane fe woren nala. É ne fe dzam kui na bivuvumen bié bia vogolo ki wò amu ba mbara na bot ya nda bot dzaba be kèène ai bò ngeki amu ba yen wò ane zeze mot.

8. Dzé é ne bò na bivuvumen biaan bi kat bia ngeki bi bò bia é mam ma dang ki mbeng?

⁸ Tsogo é mam ma tindi bò na be kat ngeki be bò é mam ma dang ki mbeng. Éyòng zing babenyang be Yésus be nga be ai é ba be nga kat na “a sòg akut.” (Markus 3:21) Asu dzé be nga yeane tsog nala? Bibel a lere na Yésus a nga be a bele abui ésié ane a kat mbembe foé, a sié minkokòn ai abui mam afe fe. Éyòng zing babenyang boé be nga tari na ba yen nyè ane mot a bele ki mbembe nyenen mam amu a nga be a sié abui tegè fe mfang abog ya di dzom. (Markus 3:20) Ye bivuvumen bié bia yen fe wò nala? Éyòng zing. Bivuvumen biaan bi ne fe dzam tsog na bia ding nyebe waan nnemena akia yi na bi bele ki fe mbembe nyenen mam. Nge éye ba yen wò nala, wò yeane bò lere a mimbòen mié na o seki nala.

9. Dzé é ne dzam bò na bivuvumen biaan bi tsendé akia ya ba yen Beboala be Yéhova? (1 Pétrus 3:​1, 2) (Bebege fe évegele.)

⁹ Dzogè na mimbòen mié mi kòbò asu doé. Nge bi ne osesa a mimbòen ai a minkòbò miaan, bivuvumen biaan bi ne dzam tséndé akia ya ba yen bia. (Lang’a 1 Pétrus 3:​1, 2.) Bi tam nòng mvulna kal dzaan zing é ne nlugen ai é mot a sié ki Yéhova. Mot té, a ne dzam wog olun éyòng mininga woé a ke ésié ékat foé nge a bikoen amu a woren na a ne étam. Mbol kal dzaan ya yi ki na nnom a woren nala, a ne hm dzam tséndé ntaan mam woé asu yi na a lot abog ai nyè. A ne dzam ke ékat foé éyòng nnom woé a ne a bisié bié ngeki éyòng a seki a nda. Éyòng mininga a bò akia mintsénden mité asu nnom woé, nnom a ne dzam yen Beboala be Yéhova akia afe.

10. Akia afé bi ne vu Yésus éyòng bot ba kòbò ai bia abé?

¹⁰ Te wò kare dzeng na o yalen abog ase éyòng ba kòbò ai wò abé. Éyòng bot be nga dzo na, Yésus a ne ndòndòg ai nsò meyòk, a ndziki bò yalen. Veda, a nga be yi na bot be bebe mimbòen mié, be yen nge é mam ba dzo me bebege nyè me ne été. (Mat. 11:19) A nga lere a nguma ntié énying woé na a ne mfefeg mot ai na a ding’i akia ya a nga be a nying’i. (Bebege fe Yohannes 2:​2, 6-10.) Dzam deda fe, te wò kare dzeng na o yalen abog ase ba kòbò ai wò abé. Veda, lerege a mimbòen mié na, wò ding énying o nga tòb na wò nying ai na o bele mbembe nyenen mam. Éyòng bivuvumen biaan bia yi yen akia bia nying, ba yi yen na é mam ba dzo me bebege bia me ne minnal.

AKIA AFÉ BI NE DZAM VÒLI BIVUVUMEN BIAAN AI ODZIBI OSE NA BE YEM YÉHOVA?

11. Akia afé a nga nòng babenyang boé be ndziki yebe na a ne Mesias?

¹¹ Bibel a lere na Yésus a nga ke osu a tòbò odzibi ai babenyang boé. Mvulna é ne na, éyòng Yésus a nga bò asimba dzié osu a Kana, babenyang boé be nga be vala. (Yoh. 2:​11, 12) Ane bi ndem yen, babenyang be Yésus be nga ndziki yebe na a ne Mesias tò ane be nga yen asimba a nga bò. Veda, Yésus a nga ndziki kèène ai bò. Bibel a lere na mimbu milè amvus asimba a nga bò a Kana, Yésus a nga kòbò ai babenyang boé ai osesa ose.—Yoh. 7:​5-8.

12. Dzé é ne bi dzam vòli na bi ke osu a bi afiri na bivuvumen biaan bi ne dzam tséndé?

¹² Bi ndem man yen abui mam me bebege mvam Yéhova. Nyenen mam té o ne dzam vòli na bi ke osu a bi afiri yi na bivuvumen biaan bi ne dzam kèène nòng ntsigen ya sié Yéhova. Éyòng Yéhova a yi man tsam évus nyebe, bivuvumen biaan bia yi yen na é mam bi mbe bi kat bò me nga tobeneya.b (Ak. 17:16) Be ne hm dzam nòng ntsigen na ba sié Yéhova fufulu ai bia. Nge bivuvumen biaan bia toben ai mindzug, bia yi ve mengul ya sug bò étié té. Éyòng zing ba yi yebe bebebela ya Bibel éyòng ba yi yen na bia ding fò bò.

AKIA AFÉ BI NE BÒ DZAM LERE NA BIA DING BÒ?

13. Tò ane ésié Yéhova ya nòng bia abui abog, dzé bia yeane bò okala ai dzò?

¹³ Tò ane ésié Yéhova ya nòng bia abui abog, bia yi ki na bivuvumen biaan bi tsog na bi bele ki abog ya lot ai bò ngeki na bia ding ki fe bò. (Mat. 7:12) Akia afé bi ne dzam lere na bia ding bò? Abui mam me ne a bi ne dzam bò.

14-15. Dzé bi ne bò asu yi na bi lere bivuvumen biaan na bia ding bò? Vaa mvulna.

¹⁴ Tòbega mban ya lèè ai bò, o lerege fe bò na wò ding bò. Bia lere na bia ding bivuvumen biaan éyòng bia ve bò mefoé maan mban. Mvulna é ne na, bi ne bò dzam til, bi lomo fe bò befora baan éyòng bi ne a dulu, a mewòè ngeki ai bemvoé baan. Bi ne fe bò dzam ve ban bifaa. Nge bia bò é ban mam bese ba, bia yi bò lere na bia ding bò.

¹⁵ Bi tam nòng mvulna Anna, kal dzaan zing ya nnam Arménia. Bot ya nda bot dzié, ba lot abui abog nsamba, a dang dang abog mewòè ai a mebok me abiali. Éyòng Anna a nga bò Mboala Yéhova, bivuvumen bié bi nga tari na bia sang’en na éyòng zing élat dzaba ai nyè ya yi ndamen, ai na, a yi ki fe bare lot abog ai bò. Be nga sang’en fe na a yi bi bitibili amu ntsigen té. Akia afé Anna a nga suu bò minnem a si? A dzo na: “éyòng ma ke bebe bot ya nda bot dzam, ma lèè ai bò, me kara bò é mam ma loren énying dzam. Ma kare fe bò banda a nda dzam na be zu lot abog ai ma, ai bemvoé bama. Nala a nga bò na, bivuvumen biama bia yem beza be ne bemvoé bama be nga yemen fe ai bò.” A bag na: “Abui bivuvumen biama bia yen akia ya me ne mintak énying dzama ai ba sang’en ki fe abui asu dama.”

16. Akia afé Yésus a nga lere na a ding manyang woé Jacques? (Atòn ya afeb a si.)

¹⁶ Lerege bò na be ne nfi. Amvus akulsòng dié, Yésus a nga lere na a ding manyang woé Jacques éyòng a nga yéné abe nyè. (1 Kòr. 15:7) Dzé Jacques a nga yeane woren éyòng a nga yen na Yésus a nga ndziki nyè vuene? Éyòng zing na amos té ndò Jacques a nga yebe na Yésus a ne Mesias. Amvus yi na a maneya lèè ai Yésus, Jacques a nga vòli bot bevòk ya nda bot dzié na be tuene wog za men a ne Yésus.c—Mimbòen 1:14.

17. Akia afé bi ne dzam furi a mimbòen é mam bia kòb a kalara Romani 12:15? (Bebege fe évegele.)

¹⁷ Lang’a Romani 12:15. Nge bia vòli bivuvumen biaan éyòng ba yang’en ai bia abog mintak ai abog mindzug, nala a ne dzam bò na be tséndé akia ba yen Beboala be Yéhova.dMvulna é ne na, o ne dzam tamena ai ényò a ndem bié mòn, nge a ve nyè man éfaa asu yi na o lere nyè na o ne mintak ai nyè. Nge ndinding wòbò mbòk o he wu, o ne bò dzam wono minnem a minkòbò ai a mimbòen ngeki a til bò man kalara. Ndò fe, te bia vuene bò kare til, bi kele fe bò bebe mban a dang dang éyòng ba toben ai mindzug.

18. Akia afé bi ne vu André?

¹⁸ Bò na be yemen ai Beboala be Yéhova befe. Éyòng André a yemeya na Yésus a ne Mesias, étié étié ndò a nga ke loé manyang woé Pétrus na a zu yen Yésus. (Yoh. 1:​40-42) Ye bi fe bi ne bò dzam deda? Ngaa o ne dzam banda mot ya nda bot dzoé a bikoen, ngeki na a zu di ai wò ai bemvoé boé? Nge wò bò nala, a ne dzam kèène yen na Beboala be Yéhova be ne ane bot ose, be toa fe osesa.

19. Tò ane bivuvumen biaan bia yi ki kare wog asu dzé bia bò mam mezing, dzé bi ne dzam bò? (1 Pétrus 3:15)

¹⁹ Lang’a 1 Pétrus 3:15. Ane été na, bivuvumen biaan bia yi ki kare wog asu dzé bia bò ki mam mezing, veda ba yi ki vuene na bia kam bò, bi ne fe osesa ai bò. Tò ane bia dzemé ki mebok mezing ai bò, ba yi wog mintak amu é mengul bia ve na bia lot abog ai bò biyòng bife. Bi kele bò bebe, bi nòng’ò abog ya di ai bò, bi vaa fe bò ban bifaa biyòng bizing.

BI AFIRI YI NA BIVUVUMEN BIÉ BI NE DZAM SIÉ YÉHOVA AMOS ZING

20. Mvulna Jacques ya ve bia afiri afé?

²⁰ Jacques a nga ndziki tong Yésus éyòng a nga be a si mu, veda, a nga bò nyègè woé amvus awu dié. (Gal. 1:​18, 19; 2:9) Tò ane a nga ndziki vol bò nyègè Yésus, a nga yègè abui mam Yésus a nga bò éyòng a nga be a ngene a si mu. Mvulna é ne na, Yéhova a nga belen ai Jacques na a til bekristen bevòk kalara ya a kòbò mam ya ékat mam Yésus nga bò a nkol.e

21. Asu dzé bia yeane ke osu a bi afiri na bivuvumen biaan bi ne dzam kèène sié Yéhova?

²¹ Afiang’en bò é mengul mese bia ve, a ne dzam kui na be bò tègè yebe bebebela ya Bibel. Ve asu dzé bia yeane ki suu mò a si? Amu bia yi na bia vu Yéhova, a ne é Zamba a kut bot éngongòl ai Mòn woé Yésus ya nga yegele bia na, bia yeane bò osesa éyòng ése. (Lukas 6:​33, 36) Ntié abog da lot, be ne dzam tséndé nyenen mam wòbò. Nge bia suu ki mò a si, be ne dzam kèène yem Yéhova be bò fe nyè ésié!