7. IKASGAIA

Aurkezpen zehatz eta fidagarria

Lukas 1:3

HELBURUA: Informazio-iturri fidagarriak erabili entzuleei ondorio egokira iristen laguntzeko.

Informazio-iturri fidagarriak bilatu eta erabili. Zure azalpena Jainkoaren Hitzean oinarritu, ahal denean zuzenean bertatik irakurriz. Datu zientifiko, albiste, bizipen edo beste frogaren bat aipatu nahi baduzu, aldez aurretik ziurtatu informazio-iturria fidagarria dela eta eguneraturik dagoela.
Informazio-iturriak behar bezala erabili. Biblia-aipuak azaltzean, ziurtatu diozuna testuinguruarekin, Bibliaren mezu orokorrarekin eta morroi leial eta zentzudunaren argitalpenekin bat datorrela (Mt 24:45). Biblian oinarrituta ez dauden informazio-iturriak erabiltzean ez aldatu hasierako esanahia edota idazleak esan nahi izan zuena.

Ez puztu gertaera eta zenbakiak. Esaterako, «pertsona batzuk» ez dadila «pertsona gehienak» bihurtu, «beharbada» esan ordez ez esan «seguruenik», eta ez nahastu «batzuetan» eta «beti».
Entzuleekin arrazoitu. Biblia-aipu bat irakurri edo informazio-iturri bat aipatzean, errespetuz egindako galderak erabili edo adibide bat jarri entzuleei euren ondoriora iristen laguntzeko.