2. IKASGAIA

Hizkera naturala

2 Korintoarrei 2:17

HELBURUA: Normalean egiten duzun moduan hitz egin, gaia eta entzuleei buruz sentitzen duzuna erakutsiz.

Ondo prestatu otoitz egin ondoren. Eskatu otoitzean arreta mezuan ipintzeko, ez zeuregan. Azaldu behar dituzun ideia nagusiak argi izan. Pentsamenduak zeure hitzetan adierazi; ez errepikatu esaldiak hitzez hitz idatzita agertzen diren bezala.

Bibliatik edota beste argitalpen batetik irakurtzea pentsatu baduzu, pasartea erraz irakurtzeko moduan prestatu. Beste pertsona baten hitzak irakurri behar izanez gero, irakurri sentimenduak erakutsiz eta normalean hitz egiten duzun moduan.
Bihotz-bihotzez hitz egin. Pentsatu zergatik den beharrezkoa entzuleak zure mezua entzutea. Jarri arreta entzuleengan. Hau eginez gero, aurpegiko eta eskuen keinuek eta zure gorputz-jarrerak adiskidetasuna eta bihotz-bihotzez hitz egiten ari zarela erakutsiko dute.

Ez nahastu hizkera naturala axolagabe hitz egitearekin. Mezuari diozun errespetua erakutsi hizkera egokia eta gramatika zuzena erabiliz.
Begiratu entzuleei. Begiratu entzulearen begietara. Hitzaldiak egitean, begiratu entzule bati aldi bakoitzean talde osoari begiratu beharrean.